Hibru 10:6 - Godigo dwagi yai po buku

⁶ Te ofa dabe augwaligo te kibu tigi sese siago domainogo ulubo ofa me, tama te sęgę sela sąbo ofa me, tede nago homugo hagela ebo dao.

Hibru 10:6 Referans Kwoze

Matyu 3:17

Tama pedauwali me delide te dagaludu i weyu, te tiwai po wai, “Te aga eno Ogwa dao. Eno aga godolo mu ebao. Tama eno homu agade te pemene wiegi yai ebo dao,” te po wai.

Malakai 1:10

Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Godigo Nogi Ugwaba Sabo Tęąbi Po Wabo Buku Dabe 147:11

Menio, agai te wiegi yai pemene te agade wi ebo we bidiba yaibao, tama te agai da sesemane godolo ebo dao homu eyu, agaba homu kęą pabo we bidi dabede, te agai augwalide dwagi yai homu ebo dao.

Hibru 10:4

Magi baso meni. Te omai bulmakau kanemego me te meme kanemego me te sęgę sela sąbo te usu munu me egobeo.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.

Godigo Nogi Ugwaba Sabo Tęąbi Po Wabo Buku Dabe 40:6

Nago te augwaligo elama ofa ebo kibu dabe te wei ebeo. Te tobage augwaligo te siaba tigidali ulama domainu te sęgę sela sąbo ofa, te me nago wei me isiąwai. Tiali goli, nago eno homu hodolobaso, tama eno nago po wali pabo dao.