Hibru 10:5 - Godigo dwagi yai po buku

⁵ Tama tibaso, Krais e tǫba dulubo sogo pąba yagasali sogo agai Godibolo e po wai dao: “Nago te augwaligo kibu dabe dali te gasa nai mego te ofa yainogo te nago homugo hagela yai. Tiali goli nago enabolo maiabo te tigi deli te sisi ilai dao.

Hibru 10:5 Referans Kwoze

Aisaia 1:11

Genuai Bidigo te po odu gebao, “Dagego homugo, dagego haniani ofa enabolo mabo te eno godolo ebawe, homu ebowe? Mu menio. Dagego te sipsip kibu dabe hauwa dagego seselama, te isigo ula silabo ofa yainogo ebo dao. Tiali goli, ena mu hagela mu yali. Tama eno dagego dwagi yai genuai dagego sesebo hasa ili dabe eno godolo ebeo. Ena te kau kibu omai kaneme me, me te sipsip kibu gǫųgo kaneme, me meme kibu omai kaneme dabego enabolo usu yai dao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

1 Pita 2:24

Tama aga digi agai dago yali dwai sę sęgę aga tigigo selama, tama te niba dąų wagi pai. Tama tiyu, agai homugo dago te dwai sę ebo kolesaga tagalaibao, te isai bidigo dwai sę ebo tagalali gilama. Tama dago te dwai sę ebo tagalama, tama dago doloba pai kolesaga naga eyu bidaibao, te me aga homu dao. Tama augwaligo aga tigi doloyu dene mawai, tama tebogo da tau selama dwagi yai ilali.

Hibru 1:6

Tiali goli agai aga gomunai Ogwa te e tǫba tamadi tagala palobo sogo tama agai te po wai, “Tigidali eno sę ebo ensel mobo bidi dabe, dage kidu sugunama, tama dagego aga nogi ugwaba sao,” wali.

Hibru 10:7

Tialima megi eno e po obao: Godio, ena asalio. Te tiwai te augwaligo enade po olama, te po polobadu te bukude asęani, te megi ena asali te eno nago homu kolesaga wali painogo asai dao.” Kraisgo te po polobadu wai.

Hibru 2:14

Tama te agai “wai dabe” wabo we bidi dabe augwali te tǫde we bidi bidai, te da tigidali tiwai yai. Augwali tama bidaligo da, Jisas me te bidi augwali tiwai mu gilama pedalai, te aga tigi isimainogo yali, tama te isibogo agai te bomo elalubo bidi agai te bidi isimainogo ebo bidi te agai bomo dolaibao. Te bomo elaluali bidi te Satan dao.

Hibru 10:10

Jisas Krais agai te Godigo homu kolesaga wali pelama, tama aga bidibo ula aga digi Godibolo te ofa tiwai ilama, te deli sogo naga mawai. Tama tialigo agai da tigidali wiegi yai mu ilai dao, te da sęgę me elalubo menio.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

2 Jon 1:7

Magi baso meni. Bidi hauwa augwaligo da dwai sę tomoba kegainogo eyu tibo po ola mabo bidi dabe, augwali haniani tǫba augwaligo po pusigi pai dao. Tama augwaligo “Te Jisas Krais e tǫba asama bidali te bidi mugo tigi sali, te da bidi dabego tigi tiwai sali,” te po wabo augwaligo hagela ebo dao, te po page hogwa sabo dao. Te tobage bidi aga te tibo po wabo bidi, tama agai Krais dali boi bidi ebo bidi dao.

Hibru 8:3

Tigidali polalubo pris bidi augwali deli deli te augwaligo augwali sa munama tama te sęba muani, te augwali deli deligo te we bidi tobade te haniani nai dabe te Godibolo sela pelama ofa iligi pabo sę yai. Tama tibaso, dago polalubo pris bidi me agai ofa me deli elalumainao.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Lukgo Asęani 1:35

Tama te ensel mobo bidigo po wei ponoyu, te po walio, “Te Godigo Mobo Bidi asama, tama agai bomogo nage mesegalueibao. Tama tibaso, nago tega pabo wai nogi Godigo nogi poaibao, ‘Dwai sę isąbo ogwa dao,’ waibao, ‘Te Godigo Ogwa dao,’ waibao.

Jeremaia 6:20

Augwali te Sabea hani bidi dabeba pelama, te wiegi yai denami ebo hano yabo pauda abeligi pali. Tama augwa te tobage awi te wiegi yai denami ebo nai abelali, te digibulu bidi dabede abelai. Augwaligo homugo te nai dabego te augwa lotu wabo te wiegi yai eno gedude pedelaibao homu eyu tiali. Tialima, menio. Tama me, eno te augwaligo siaba ulama tigidali domainu ebo ofa, me te gasa ofa dabe augwaligo enabolo ebaso, te eno wiegi yai homu pemene ebo menio.

Matyu 11:3

Tama augwaligo agabolo te po hanalu wagasai, “Nage da, nage te sa muyu asaibao wali te bidi dawe, ma dago gasa bidi asobo tonaluaibawe?” augwaligo te po hanalu wali.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Dwagi Yai Gesi Po Lukgo Asęani 7:19

Tama Jon aga wali bilibo bidi si i wali. Tama te bidi sibolo “Genuai Bidibolo hanalugi pao,” wali, “‘Nage Jongo te nosali asaibao wali bidi dawe, ma gasa bidi me asobo dago tonaluaibawe?’” Jongo tama Jisasbolo wao po wali.

Aisaia 40:16

Te we bidi dabego te tigidali kibu hasa elali, me te Lebanon genuai ni silide te tigidali ni togolama, te augwaligo genuai sia nogolama, te kibu hasa tigidali te ofa tiwai eyu, te siago tigidali domainu igi da, te tagalao, augwaligo te ofa te God gedude olo nai tiwai igi dao.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Hibru 10:8

Te po tomode hasia Krais agai te bomai pode augwaligo te ofa ebo kolesaga po wai. Agai Godibolo te po wai, “Nago homugo te augwaligo te kibu bulmakau dabe elama te ofa ebo me, te gasa nai mabo me, tede hagela homu yali. Te augwaligo te siago domainogo te kibu tigi sese ulubo ofa me, tama te sęgę sela sąbo ofa me, te nago homugo hagela ebo dao,” agai te po wai. Te we bidi augwaligo Godigo digi bomai po wali peyu, tama te tobage ofa tigidali mani goli, agai te po wai.