Biblia Todo Logo
Bib sou entènèt

- Piblisite -




Hibru 10:38 - Godigo dwagi yai po buku

38 Tiali goli eno doloba pai we bidi augwaligo enade konealubo po wali pobaso, tama augwali bidada paibao. Tialima augwali tomode te bidi me deligo ena tagaliyu tama ibaba kila sobaso da, teda eno homu aga dali wiegi yai me egobeo,” te po wai.

Gade chapit la Kopi




Hibru 10:38
24 Referans Kwoze  

Tama Godigo po bukude tobo me wai, “Niwai bidi aga homu kolesaga tigidali Godiba mubo bidi, Godigo agabolo nage doloba pai bidi da olama, te tobage bidi naga bida bida paibao,” te po te Godigo bukude elalubao. Tama tibaso, tede dago hania koneani, bidi me te bomo yai po wali pelama Godigo agabolo nage doloba pai bidi dao wagobeo. Te usubeo.


Odiąo. Te wiegi yai gesi pogo te Godigo te dwai sę yali we bidi te doloba pai we bidi ilabo sę page te dabolo hania ola mabo dao. Te sę page e dao: bidigo aga homu tigidali Kraisba munama tama agade naga tialuyu da, teda te Godigo gedude te bidi te doloba pai bidi pedalaibao. Gasa sę ebo te usu egobeo, te Kraisde tialubo kolesaga naga usu yaibao. Tama te doloba pai bidi ilabo sę page hania ilimainogo te Godigo po pusali profet bidi agai polobadu mu te Godigo wali po me deli tama asęai, “Te bidigo aga homu tigidali enaba muyu, te enade tialubo bidi, te bidi eno gedude doloba pai bidi pedalama, tama bugagia bidada peyu bidada paibao,” te po asęai.


Te nago asęabo po e tama dao, ‘Te dwai sę yali bidi dabego hagoma eyu, tama augwaligo doloba pai kolesaga me ebeo. Tialima, te Godigo kolesaga wali mu pabo bidi dabe, augwali da te doloba pai bidi dabe yai baso, tama augwali te augwa bidabo ula dali bidaibao,’ te po asęao,” Genuai Bidigo enabolo te po wei ponai dao.


Eno te Genuai Bidi Godigo pusubo poba olo muani. Agai te wiegi yai nagame yai homu, me te da bugagia bidabo po wali, te dago polobadu yali dwai kolesagaba da ma begasa pisąbaso da te tama tiaibao wali.


Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.


Menio, agai te wiegi yai pemene te agade wi ebo we bidiba yaibao, tama te agai da sesemane godolo ebo dao homu eyu, agaba homu kęą pabo we bidi dabede, te agai augwalide dwagi yai homu ebo dao.


Tiali goli aga da te sele meni yai nai tiwai dao. Tama tibaso, aga homu daide naga te odali po te dwasianu sogo naga elaluaibao. Tama nosali bidi mebago te Godigo po aiyaba elaluabo homu eyu da, teda te bidibolo augwaligo sęgę menama, tama dwai kolesaga agabolo eyu, tama agai konealubo po dąų wali te polo tagalama, tama tulalubo dao.


Te po e dao, “E bidi da, te eno sę ebo bidi dao, eno aga sa muai dao. Eno aga godolo mu elama, tama eno homu aga dali wiegi yai ebao. Te eno Mobo Bidi te agaba mubaso, tama agai te doloba pai kolesaga ebo te po te gasa Israel hani isąwai bidi dabe augwalibolo te po pusaibao.


“Te eno magi usu sabo sę me deli te wiegi yai bidiba pedalumai hagede sula tagalabaso, tama agai te doloba pai kolesaga tagalama, te dwai kolesaga ebaso da, teda te tebo sogo nago te bidibolo te dwai kolesaga ebo tagala po walao. Te nago agaba wasiąbaso da, teda aga dolama isaibao. Eno agai polobadu te yali wiegi yai kolesagade homu kone me palogobeo. Menio. Te eno agai megi te ebo dwai kolesaga sulama, te eno aga dolomainu sula tagalobaso, te aga dolama isaibao. Tialima, eno gedude te aga isabo page te nagede elalubaso aga isali dao.


Tama te dwai sę yali Juda bage augwaligo Godigo po pusa mani profet bidi elama isai, tama augwaligo Genuai Bidi Jisas me eleyu yai. Tama tiyu, augwaligo da me ela guduluyu sela sąwai dao. Tama augwaligo ebo sęde te Godigo dwagi yai homu isiąwai sę dao. Tama augwaligo tigidali bidi dali boi bidi mu ebo dao.


Te Tigidali Bomo Elalubo Genuai Bidigo te po wali, “Te bidi me deligo eno be sunumi dabe palibaso da, teda dage te tomoba me pisąma, tama eno altade te dwai ofa dabe yabo sia me udulugobeo. Te usu dao. Magi baso meni, eno dagego ebo kolesagade wiegi yai pemene homu me ebeo. Tama te dagego enaba sesebo ofa dabe eno me sogobeo,” wai dao.


Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.


“Tiali goli, te doloba pai bidi me deligo te doloba pai kolesaga tagalama, te tobage eno godolo menisąbo dwai dwai kolesaga eyu, te dwai bidi dabego ebo kolesaga tiwai ebaso da, teda aga bugagia bidaiba homu ebo da, agawe? Mu menio. Te eno agai wiegi yai kolesaga yalide homu kone munu ma palogobeo. Agai te enaba homugo kęą pai kolesaga togolama, tama ena tudiba munama, te dwai sę yali, tibaso te aga isimainao,” wai dao.


Magi baso meni, Genuai Bidigo aga we bidi dabe wei eyu, augwalide dwagi yai homu ebo dao. Tama agai te augwa digi te augwa nogi aiyaba elalubo bidi dabego nogi ugwaba siyu, tama augwa te hwįbode ugwaba ela pabo dao.


God, te dolo isiąbo kolesagade nago te wiegi yai homu pemene me egobeo. Tama te dwai we bidi te nago augwali gesegobeo.


Te bidi dabe augwali polobadu te da bidi hani deli bideiba homu meni baso, tama augwaligo da tagalai dao. Augwali dago hani tigi sogo da, te da dali me bidigi dao. Augwaligo da taga pobaso, dago hania koneani, te bidi dabe tigidali augwali da deli hani bidi mu meni.


Eno te doloba pai bidi dabebolo augwali bugagia bidaibao po wabo dao. Tiali goli, bidi mego homugo agai yali wiegi yai kolesagago aga tau saibao olama, tama agai doloba pai kolesaga tagalama, tama agai dwai sęgę sabo sę eyu da, teda God eno agai polobadu te yali doloba pai kolesaga kone me egobeo. Menio. Megi aga dwai kolesaga yai baso da, teda aga isimainao.


Tiali goli da te ibaba kila selama te hagayabo we bidi te me tegobeo. Menio. Da te konealubo po dąų wabo we bidi hani dao, tama God agai da ma dobola sabo dao.


Dagego te wiegi yai doloba pai bidi dabe po tų elama, te bidi dabe augwali ela muai. Tama dagego augwali dali te dwai sę ebadi yaide, augwaligo dage dali po wei ponobo usu ebeo.


Eno te Genuai Bidigo bomai po bugagia wali pali. Eno te ena God tudiba munama, tama dwai kolesaga me ebeo.


Swiv nou:

Piblisite


Piblisite