Hibru 10:35 - Godigo dwagi yai po buku

³⁵ Tama tibaso, dagego duga te bomai konealubo po dąų wali te munu me tagaligio. Menio. Te kolesaga me ebogo te genuai nai nosali sabo bomo te elalubao.

Hibru 10:35 Referans Kwoze

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Dwagi Yai Gesi Po Lukgo Asęani 14:14

Te tobage we bidi nago i wabo si, Godigo nagebolo dwagi yai sę yaibao. Magi baso meni. Augwaligo nage ma wei mabo usu egobeo. Tama te doloba pai we bidi te gų pagede ma hodolobo sogode, Godigo nage ma wei ponaibao,” Jisasgo te po wali.

Hibru 11:26

Agai te homu yali, te aga te nosali asaibao wali bidi Kraisgo nogide hale siyu da, tego te tigidali mone me te Isipde elalubo te au dobage dabe te aiyaba mu elaluaibao. Tama te gasagi yai wiegi yai nai te Godigo agabolo mawaibao po, tede aga homugo kęą palio.

Matyu 5:12

Tama dage homu bugagia wiegi yai elama, pemene mu eyu bidiąo. Te genuai wiegi yai nai mugo dage dagalude tonalubao. Te tiwai naga te bidi dabe augwaligo te Godigo po pusali profet bidi dabebolo hasia polobadu dene mawai tiwai dagebolo me tama tibao.”

Hibru 4:14

Te God aga te dago ebo kolesaga dagalabo bidi bidibaso, dago te Kraisde homugo konealubo po, te gasa we bidi dabebolo pusabo po, dago te pode dago homugo mu kęą pao. Magi baso meni, dago genuai pris tobolu bidi te bidibao, tama aga te dagaluba holama tama Godigo bidibo digi tomoba mu pai. Aga te bidi Jisas, te Godigo Ogwa dao.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

Matyu 10:32

“Niwai bidigo eno nogi te we bidi augwali gedude pusuyu, ‘Te ena Jisas wali pabo bidi dao’ wabo bidi, te eno te bidi agai nogi me te eno Aya dagalude bidibo bidi gedude pusaibao.

Matyu 10:42

Tama bidigo te ena wali pabo olo nogi meni yai bidi me deli ąį nogone ebo sulama, tama aga tau siyu. tama te kedau wai wę naga mabo bidi da, teda eno mu po dagebolo obao, Godigo te bidibolo te wiegi yai nai mu mawaibao, te nai te munu me hagagobeo,” wali.

Godigo Nogi Ugwaba Sabo Tęąbi Po Wabo Buku Dabe 19:11

Nago bomo yai pogo naga sę bidi eno koneabo homu kolesaga mabo dao. Eno nago bomai po wali pobaso, tama nago ena dulalubo digi dwagi yai ilibo da.

Hibru 2:2

Magi baso meni. Polobadu Godigo po meba te ensel mobo bidi dabebolo pusama, tama augwaligo te we bidibolo ma pusali. Tama pusama, tama te po Godigo bomonama bugagia dąų walali. Tama tiyu, tama bidigo te po bolama tama te po sela sąwani bidi tigidali, augwali te dwai dene mu te augwa yali dwai kolesaga usu nama sai dao.

Efesus 3:12

Tama dago Krais agai te wiegi yai sę ebo suyu, tama dago homu kolesaga tigidali agaba muyu, tama aga dali wadolobaso, tama wi esiąyu, homu si esiąyu, tama da God pąba olo pabo da.

Hibru 10:19

Ama dedeo, Jisasgo aga digi te dago sęgę sela sąbo ofa tama bugagia yaligo da, teda da wi isąbadi te Tedali Gasagi Yai Be Habu Mu tomoba pabo usu dao. Jisasgo digi aga kaneme geleyu tama isibaso, da te habu tomoba pabo usu mu ilai dao.

2 Jon 1:8

Tama tibaso, dage dua dao. Dagego sę elama tama te Godigo dagebolo maiabo nai tagalabuo. Te menio. Dagego dwagi yai sabo nai mu sese somainogo dage dua dao.