Hibru 10:29 - Godigo dwagi yai po buku

²⁹ Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

Hibru 10:29 Referans Kwoze

Efesus 4:30

Tialima dagego tisiąwani da, dwai meda yai po weyu da, teda dagego te Godigo Mobo Bidi dwai homu dene mu ilaibao. Tama te dwali dao. Te Godigo Mobo Bidi aga wiegi yai tedali mu dao. Tama God agai dage ma dobola sai hagede te dage hagea siyu sa mumainogo eyu agai dagebolo aga Mobo Bidi mawai dao. Tama te Godigo Mobo Bidi dage dali bidibaso, dagego mu konebao, te God agai dage olo mu bidabo bidi nigilabo sogo te nosali mu pedalaibao. Tama tibaso, dwai po weyu aga dwai homu dene mu iligio.

Aisaia 63:10

Tialima, te augwaligo agaba hagoma eyu, te agai homu ogwa wai mobo te haliga sęgę mu ilali. Tama tibaso, aga digi augwaliba boi bidi elama, te augwaliba hwįani.

1 Korin 11:27

Tama tibaso, bidi me deligo hasia bugagia homu kone palisiąma tama Genuai Bidigo te bret dali te kapde ąį dali olo subigila tuali da, tebogo agai te Genuai Bidigo tigi me kaneme te dolobo tiwai ilali, tama aga tede sęgę elalubao.

Dwagi Yai Gesi Po Lukgo Asęani 12:10

Bidi mego Godigo Bidi Mu dali dwai posobo po obaso da, Godigo te bidigo dwai posobo po wali te agai homu kone isiąyu gegeda palu tagalubo usu yaibao. Tialima, bidi mego Godigo Dwagi Yai Mobo Bidide dwai posobo po obaso da, Godigo te dwai po wali sela sąbo usu egobeo.

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

Godigo Sęba Tagala Palai Bidigo Po 7:51

Te bidi Stivengo te kaunsil dabebolo te po ma wai, “Dage da te po sela sąbo bidi dabe dao. Dagego kolesaga da, Godigo po odisąbo bidigo kolesaga tiwai dao. Dagego Godigo Dwagi Yai Mobogo po tigidali sogo sela sąbo dao. Polobadu duga wąį dabego po sela sąyani tiwai megi dagego te tibao.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Hibru 9:13

Tama we bidi mebago tigide ebo kolesaga te Godigo gedude meda pedalobaso da, teda te pris dabe augwaligo e tama yali: augwaligo te so kibu bulmakau ela munama, tama ofa eyu aga tigi siaba ulai. Tama augwaligo te keli selama tama ąį dali taluama tama te keli dali, te kibu meme kaneme badi te omai kibu bulmakau kaneme badi selama, tama augwaligo te we bidi dabe augwali tigiba te ąį segeni tiwai sąsąga pali. Te pris dabego tama tiyu, tama te we bidi augwali tigi wiegi yai ma elama, tama meda meni yai te God gedude ma pedaliyu yai dao.

1 Korin 11:29

Magi baso meni, bidigo te dago Genuai Bidigo tigide homu kone bugagia palisiąma, tama agai te bret me te wę me olo subigila tuyu da, teda agai bret me wę me tuali tede Godigo agabolo te sęgę menama tama dwai sę agaba pedalaibao.

Hibru 6:4

Magi baso meni. Te bidi meba augwaligo te Godigo ula salio. Augwaligo te Godigo olo mabo wiegi yai nai usu sela sulama koneani. Tama te Godigo Mobo Bidi me te augwaligo sai dao. Augwaligo te Godigo wali po odolama, tama augwaligo koneani, te wiegi yai mu da wai. Augwaligo te Godigo wiegi yai sogo bomo ebo suyu gęnenama, tama te tiwai bomo te nosali pedalaibao te homu yalio. Tama te bidi dabe augwali tulaluyu tama God tudiba mubaso da, teda augwali ma begasa aselama, homu ma begelabo tų te usu munu me egobeo. Menio. Te tebo kolesagago augwa digi augwaligo te Godigo Ogwa te ni pedaide ma elali sę tiwai yai. Augwaligo aga ni pedaide walama, te bidi dabego agade te posobo po waibao.

Hibru 2:11

Dago koneani, te tigidali we bidi te magi dwai sę isąma wiegi yai pedalomainogo ilali te bidi aga Jisas dao, tama te magi dwai sę me isąyu te wiegi yai pedalali we bidi te tigidali augwaligo aya te Jisasgo aya me te deli naga dao. Tama tibaso, Jisasgo te we bidi augwali nogi weyu, “ama” wai, tama agai augwali te tiwai nogi ebo te aga hale me ebeo.

Dwagi Yai Gesi Po Jongo Asęani 17:19

Tama eno augwali tobade tau siyu, ena digi ena bidabo ula tagalama, nago po wali peyu, ena isaibao. Tama po mu wabogo augwali nago bidi hani mu bidimainao,” Jisasgo te po wai.

Matyu 7:6

“Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Hibru 13:20

God aga te da we bidi homu nagame ilibo page bidi elalubao. Agai te dago Genuai Bidi Jisas te gų pagede ma hodolama, tama aga ma bidimainu ilali. Hasia Jisasgo aga digi bidibo ula olo mayu, tama Godibolo ofa tiwai mani, te da we bidi tau somainogo yali. Tama tebogo agai te Godigo te we bidi tau sabo dąų wali gamonabo po te mu dąų walali. Tama tiyu, aga te da sipsip tiwai bidibo we bidi tonalubo te polalubo bidi pedalai dao. Tama eno homugo te God agai te tigidali wiegi yai kolesaga dagebolo mao, te dagego agai homu kolesaga wali pabo usu ilimainogo yao. Tama eno homugo me da tomode agai tigidali te aga digi godolo yabo kolesaga tigidali pedalomainogo yao, te Jisas Kraisgo nogide tama tiao. Aga genuai nogi te sesemane bidada pabo sogo elalua peyu, elalua paibao, te eno homugo. Mu dao.

Dwagi Yai Gesi Po Jongo Asęani 10:36

Tialima God aga digi ena sa muyu, e tǫba tagala palai. Tama eno te po wai dao, ‘Ena da Godigo Ogwa dao.’ Tama tilama, dagego enabolo magi baso ‘Nage Godigo nogi dwai posobo po wai dao,’ waliwe?

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Aisaia 14:19

Tiali goli, nage da, menio. Augwaligo nage sąyani, te bidi dabego ni nologo togalama, damumainu sąbo tiwai mu yalio. Nago tigi te masigi elalubo tǫ dedagede munalubo, te meba bidi dabego tigi dologode munalubo, te wąbi hwįani sogo isali bidi dabe tigi dologode. Tama bidi dabego agayu ebo, te augwali ugwa eda udula bilibode.

Te Israel me Juda Hani Sigo Tuni Bidigo Po Elalubo Buku Si 9:33

Tama Jehugo augwalibolo e tama po wali, “Te we eba eda sąyao,” wali. Tama augwaligo te Jesebel selama, tama te we aga aba sąwai. Tama agai kanemego dobola sąyu, tama te kanemego tama te bede me te kaneme dagana sali, tama te Jehugo hos kibude me te kaneme dagana sali. Tama Jehugo te hos kibugo me te karisgo me te Jesebel tigidu agaga pali.

Hibru 9:20

Tama tibadi agai te po wai, “Te e kaneme da, te Godigo dagebolo te wali pao dąų wali po te dąų walobo kaneme dao,” te po wai.

1 Korin 15:25

Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.

Polgo Po Pas Rom Dabeba Asęani 16:20

Tama tiyu da, teda God da, aga te wiegi yai homu nagame ebo page bidi, dwasianu sogo tama silama, tama agai te Satan dagego sągą dologoba munama agawaibao. Te eno homugo te dago Genuai Bidi Jisas Kraisgo da olo mu tau sali wiegi yai kolesaga dage dali bidao.

Matyu 26:28

Magi baso meni, te eno kaneme dao. Augwaligo ena ela muyu, tama eno kaneme gelebogo te Godigo te we bidi ma dobola sabo gesi po te bomo menama mu dąų walaibao. Eno te kaneme gelebogo te hauwa we bidigo dwai sę ebo te tagaliyu dagala sąwaibao.

Te We Bidi Dabego Jerusalem Hagede Gela Wali 1:15

Genuai Bidigo eno bomai ami bidi dabeba tudi ola manio. Agai ami i olama, ena dali hwįagasomainu elama, tama eno gesi bidi dabe dolalio. Genuai Bidigo kantri Juda we bidi dabe aiyaba agayalio, te bidi dabego wain wę nigainu, te wain du agabo masigi poude te wain agabo tiwai yalio.

Aisaia 28:3

Tama te hanigo nage agalama, nage daidu augwali bilaibao, nage te genuai bidi dabe poliyu, nago nogi ugwaba sabo hanu dao.

Godigo Nogi Ugwaba Sabo Tęąbi Po Wabo Buku Dabe 143:10

Nage eno God da, eno homugo te nago ena bugagia ola momainu homu eyu, te eno nago homu wali pabo homu ebao. Eno homugo te nago homu mobo bidigo ena bugagia wiegi yai ilimainu homu elama, tama ena te wiegi yai sunumiba pabo dodolumainu ebo dao.

1 Korin 15:27

Magi baso meni, te Godigo po bukude te tiwai po wai, “Godigo tigidali nai te aga dologode muaibao” wai. Te asęani pode te Godigo tigidali nai te Krais dologode muaibao po wai. Tama tialima dago hania koneani, Godigo tigidali nai te Krais dologoba muani, tiali goli God aga digi te Krais dologode me bidigobeo. Menio.

Esekiel 16:6

“Tialima, te ena asu, eno nage suali. Eno suali, te kanemego nage mesegasa elaludu, te nage uga begelu, eda begelu iduali. Eno homugo nage isidali te homu elama, te eno tama po wali, ‘Nage bugagia bidali da,

Jeremaia 1:5

“Te eno nage naga idago haligade ame nisąbo sogo, eno nage koneai. Te nage naga idago ame nisąbadi, eno nage sa munama, te gasa bulu tǫ kantri dabe tomode te profet sę ela bilabo bidi da homu yai dao,” wali.

Godigo Nogi Ugwaba Sabo Tęąbi Po Wabo Buku Dabe 91:13

Te nago laion me hasamani agayu, tama te gesi ogwa bidi laion, me genuai hasamani dwai mu me agayu, yaibao.

Ma Dobola Sali 24:8

Tama Mosesgo te poude muani kaneme selama, te we bidi dabeba te kaneme segeni sąsąga pali. Tama agai te po wai, “Te kanemego Genuai Bidi agai dage dali dąų wali bomo yai po dąų walai dao. Tama te bomo yai po dabe te dąų wali po page dao.”

Daniel 8:13

Tama eno odali, te ensel mobo bidi me deligo po wabo odali, tama gasa ensel bidigo te tiwai po agaba hanalu wali, “Megi dago te subo dwai nai dabe, nisu sogo augwali siligowe? Nisu sogo mu te we bidi dabego te Godiba ofa ebo ma gagalama eyu, tama nisu sogo te tigidali nai mu dolobo dwai kolesaga silaibawe? Nisu sogo te komgo bomo silama, tama agai munu ma te lotu wabo be me, te dagalude ami bidi dabe te agai sągągo agalu, te ma dologobewe?”

Dwagi Yai Gesi Po Makgo Asęani 7:2

Tama augwaligo te aga wali pabo bidi dabe mebago nai tubo suali, te augwaligo nogo bolo hasia węgo te nogo habuba mu tugulama telasiąma te nai sela tuali.

1 Korin 6:11

Tama polobadu dage meba te tiwai sę ebo we bidi dabe bidaluali. Tiali goli dagego te dwai sę ebo tagalama, tama baptais salio. Godigo dage aga da olama sa muai. Dagego te doloba pai nogi salio. Te Genuai Bidi Jisas Krais me te Godigo Tedali Mobo augwali sigo sę eyu, tama dage Godigo gedude doloba pai we bidi hani tama pedalai dao.

Efesus 5:26

Tama Krais agai tama tiali te aga po wali pabo we bidi hani agai augwali Godibolo mawainogo agai augwali ąį telawali te meda meni yai pedaliyu, tama agai pogo me augwali tedali gasagi yai nigilali.

Hibru 4:14

Te God aga te dago ebo kolesaga dagalabo bidi bidibaso, dago te Kraisde homugo konealubo po, te gasa we bidi dabebolo pusabo po, dago te pode dago homugo mu kęą pao. Magi baso meni, dago genuai pris tobolu bidi te bidibao, tama aga te dagaluba holama tama Godigo bidibo digi tomoba mu pai. Aga te bidi Jisas, te Godigo Ogwa dao.

Hibru 10:10

Jisas Krais agai te Godigo homu kolesaga wali pelama, tama aga bidibo ula aga digi Godibolo te ofa tiwai ilama, te deli sogo naga mawai. Tama tialigo agai da tigidali wiegi yai mu ilai dao, te da sęgę me elalubo menio.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.