Hibru 10:28 - Godigo dwagi yai po buku

²⁸ Dago koneani, te bidi me deligo te Mosesgo bomai po hagela homu eyu tama te bolobaso, tama te bidi sigo me selago sulama tama augwaligo agai te dwai sę yali po pusubaso da, teda augwaligo te bidi homu dene munu me ebeo. Menio. Te aga isimainao wai dao, tama te tobolu bidi dabe augwaligo aga ela muani.

Hibru 10:28 Referans Kwoze

Hibru 2:2

Magi baso meni. Polobadu Godigo po meba te ensel mobo bidi dabebolo pusama, tama augwaligo te we bidibolo ma pusali. Tama pusama, tama te po Godigo bomonama bugagia dąų walali. Tama tiyu, tama bidigo te po bolama tama te po sela sąwani bidi tigidali, augwali te dwai dene mu te augwa yali dwai kolesaga usu nama sai dao.

Bomai Po 19:15

Tama Mosesgo po geninama weyu, te po wali, “Tialima, te bidi me deligo naga te dwai sę ebo sualio po agai te po tų ebode pusubaso da, teda te po tų ebo bidigo odobo bidigo te po odigio. Te bidi sela o sigo suai dao obaso da, teda augwaligo agai po tų ela mabo usu yaibao.”

2 Korin 13:1

Megi ena dage bidibo madi sela sogo wagisu te asainogo ebao. Tama asama, eno dage tomode po tų eyu, tama bidi me deli ma we me deli agai naga gasa we bidide po kisilibo te usu egobeo. Godigo po bukude elalubo po me deli wali peyu dago te po tų dodolaibao, te po e dao: “Te bidi si ma bidi sela te pedauwali deli poba muani wida, teda te po bomo elalubaso, tama te tobage pogo naga te po tų dodolobo usu yaibao,” te po asęani.

Dwagi Yai Gesi Po Jongo Asęani 8:17

Dagego bomo yai po me deli e tama telaluboo, bidi sigo gasa bidide wali po deli po tiwai naga weyu da, te po mu po dao.

Matyu 18:16

Me ma, agai nago po wabo odobo hagela ebaso da, teda nago te gasa bidi deli ma bidi si selama, tama agaba ma pao. Magi baso meni. Te Mosesgo asęani bomo yai pogo te tama po wabo da, ‘Te dwai kolesaga dodolobo po te bidi si selago odiąo, augwaligo “Te mu po dao” nosali omainogo te tama yao.’

2 Samuel 12:13

Devitgo te po odama, tama aga te po wai, “Eno te Genuai Bidi gedude agade dwai sę yalio.” Tama Natango te tama po agabolo wei ponani, “Genuai Bidigo nago te dwai sę yali sela sąnama, tama nage me isigobeo.

Bomai Po 19:13

Dagego aga hobede me elamuo. Mu menio. Te bidigo sęgę meni yai bidi elabo kolesaga te Israelde elalubo. Tama te ebo kolesagago dagego te sęgę sela sąyao. Tama tilama, dage bugagia bidiagameo,” Mosesgo te po wali.

Israel Hanigo Namba 15:36

Tama te we bidi dabe augwaligo Genuai Bidigo po wali peyu, augwaligo te bidi bidalubo pesage taga peyu, odasa pelama, bulu badu augwali aga masigigo enama, isali.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Polgo Po Pas Rom Dabeba Asęani 9:15

Magi baso meni. Godigo e tiwai po Mosesbolo polobadu wai, “Te ena digi eno bidi me delibolo te olo tau siyu mabo wiegi yai kolesaga yabo homu ebaso da, teda eno homu naga wali peyu, eno olo mabo wiegi yai kolesaga agabolo yaibao. Te eno bidi me deli homu dene yainogo da, teda eno homu naga wali peyu, aga eno homu dene ebo dao,” Godigo te po wai.

Jeremaia 13:14

Tama te we bidi dabe eno dolama, te bidigo tǫgo nigali sospen sene manama elebaso, te tigidali alua paibao. Te tigidali we bidi dolaibao, te ida aya me, wai puluba dabe me, dolaibao. Eno olo mu tau sabo wiegi yai kolesaga eyu, hobede eyu, augwali gogoliyu, sula tagalama bidimainu me egobeo. Mu menio. Eno te augwali dolaibao.’ Ena Genuai Bidi, eno te po wai dao,” wali.

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.

2 Samuel 12:9

Magi baso nago ena Genuai Bidigo po te olo nai da homu eyu, te po sela sąnama, tama nago te dwai kolesaga yaliwe? Nago Uria te Amon dabego nogode ela mumainu elama, tama nago aga we salio.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.