Hibru 10:27 - Godigo dwagi yai po buku

²⁷ Menio. Te da wi mu elama, tama te po tų yabo bodolu naga tonaluaibao. Tama te sia te posolo yai mu elalubao tama te siago te God dali boi bidi ebo bidi tigidali ulaibao, te me tonaluyu bidaibao.

Hibru 10:27 Referans Kwoze

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Kraisgo Geme Dualali Sę Pedelabo Po Jonbolo Ola Mani 20:15

Tama e po tų odobo bidi agai te gamonaibao wali we bidi nogi asęani buku nedeyu, tama niwai bidi agai nogi te bukude me elalusiąbaso da, teda agai te bidi te moni genuai sia dabo dedageba aiyaba te siade dene somainogo sąwai.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Matyu 13:50

Tama augwaligo augwali te genuai tigi dene yabo siaba sąwaibao. Tama te siade augwali dwai gela weyu, tama augwa kele gąųgo ma halua tueibao,” Jisasgo te po wai.

Matyu 8:29

Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.

Nahum 1:2

Genuai Bidi naga te God dao, te agai te gasa god aga tiwai pedalumainu me egobeo. Te agai po sela sąbo bidi dabe agai koneanio. Genuai Bidigo te haliga sębę augwaliba eyu, te dwai dene augwaliba mu mabo dao.

Jems 5:3

Tama dagego te wiegi yai kapa nogi gol te golgo nigali nai dali, te kapa nogi silva si te wiegi yai nai dabede nai yogo ebo homu eyu, te nai dabe olo munaluyu, te yaba yai. Tama te nai si yaba ebo gilama te dagego dwai sę ebo te hania pedaliyu, tama te naigo dagego tigi te sia ulubo tiwai yaibao. Dagego megi bidiyu, te walu me te mone ge hauwa sisinibao. Tiali goli te Genuai Bidi aga ma asobo sogo pąde dao. Tama tibaso, megi da te nai deliba sisinabo sogo menio.

Hibru 12:29

Magi baso meni, dago God da, aga te tigidali nai dabo genuai sia tiwai dao.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Matyu 13:42

tama augwaligo te we bidi dabe augwali te moni tigi dene ebo siaba sąwaibao. Tama te siade te augwali dwai gela mu weyu, tama augwa kele gąųgo halua tuyu bidaibao.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Matyu 3:10

Tama megi te sigi hwą ni pagede muai elalubao, te ni gelemainogo. Tama te nigo wiegi yai nai du walisiąbaso da, te tobage ni tigidali augwaligo gelama siaba sąwaibao.”

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Sefanaia 3:8

Tialima, Genuai Bidigo aga wali asobo we bidibolo e tama po walali, “Dage homu hauwa igimio. Dagego eno te tigidali kantri we bidi po tų ela mabo te sogo deli naga tonaluiagameo. Magi baso meni. Eno augwali dali sębę elama, tama eno augwali deliba sisinagasomai elama, homu polo dąų olama, tama eno augwali dene mawaibao. Tama eno sębę te isi bogoli tiwai elama, tama eno tigidali tǫ dabe mu dolaibao,” wali.

Joel 2:30

Genuai Bidigo po ma weyu, te po wai, “Te eno te e side dąį ilali sogo bodolu te tǫde me dagalude mueibao,” wali. “Te tǫde genuai boi hwįabo si pedalubode, te bidi hauwago kaneme gelaibao. Te sia dabo augwa taunde pedelama, te hano genuai hano ugwaba holaibao,” wali.

Hosea 10:8

Te Israel dabego te tibo godiba lotu weyu, te bulu du ugwadu bagede te lotu wabo pesage elaluali, tama Godigo te pesage dabe dolaibao. Tama nosai me te sesane yai bono dabe pedelama, te alta dabe mesegelaibao. Tama te sogo te boi bidi dabede geme duala sainu yali we bidi dabe, tama augwaligo te bulu du dabeba hanalu, te augwali mesega sao po waibao.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Esekiel 38:19

Tama eno sębę genuai mu pedelaibao, te posolai sia dabo tiwai yaibao. Tama Gokgo te Israel dabe dali hwįbode, ena te Israel dabego tǫba asaibao, tama te tǫ mali dwai genuai mu yaibao. Tama tialima, tigidali sųgų dabe, me ba dabe, me bulu hasa dabe, me bidigo negebo haniani hasa dabe, me te tigidali tǫde bilibo gasa nai dabe, me te tigidali tǫde bidibo we bidi dabe, tigidali wi elama, noma dwai mu saibao. Tama te bulu du dabe alua paibao. Tama me te sao pado bulu dabe te degaibao. Tama te tigidali taun obo dabe hųgia pelama, tama degaibao.

Esekiel 36:5

Tama tialima, God ena Genuai Bidi ena haliga sębę posolo tiwai eyu, eno bomai po te kantri Idomba, me kantri dage pąde elalubo, te kantri dabeba te obao. Augwaligo homugo ena te olo nai dao tiwai homu elama, tama augwaligo eno tǫ sainu homu mu gana pai dao. Magi baso meni. Augwaligo te tǫ me badu te augwaligo kau kibu dabe me sipsip kibugo nosai tede tumainao homu yali.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Godigo Nogi Ugwaba Sabo Tęąbi Po Wabo Buku Dabe 21:9

Te aga hania te pepeli diliba pedalubo sogo da, teda agai te boi bidi dabe ela silibo da, te genuai siago te nai dabe ulubo tiwai gilama yaibao. Mu tama, te Godigo wado po weyu, tama augwali aiyaba elaluama, tama te siago augwali tigidali dela silaibao.

Bomai Po 32:43

“Te gasa bulu we bidi, dagego Godigo we bidi dali wiegi yai homu pemene eyu yao. Godigo agai we bidi elama silibo we bidi dolabo dao. Tiali goli, aga we bidigo tǫ agai gedude egesi noma yai mu ilibo dao.”

Israel Hanigo Namba 16:35

Tama Genuai Bidigo isi tagala palama, te 250 bidi dela silali, te denami wiegi yai ebo pauda ulama ofa yali bidi dabe.

Dwagi Yai Gesi Po Lukgo Asęani 23:30

Tama tebo sogo da, augwaligo te bulu dubolo te po waibao, ‘Te bulu du, dage daba degasa dulao.’ Tama te dwasianu bulu dubolo me te po waibao, ‘Dagego da mesega sao,’ te po waibao.

Dwagi Yai Gesi Po Lukgo Asęani 21:26

We bidi augwaligo homugo magi sę e tǫde pedalogowe, te po waibao. Tibaso, augwali homude wi eyu, tigi aiyoge eyu, tibo isaibao. Magi basowe? Te dagalude hǫ dabe augwaligo tų mina sobaso, gegele bilaibao.

Dwagi Yai Gesi Po Lukgo Asęani 19:27

Tama eno boi bidi odasa asao. Augwali ena dologode bidibo hagelabo wali. Tama te bage odasa asao, eno gabidide hwągo ela muao,’ te genuai bidigo te po wali,” Jisasgo te po wai dao.

Dwagi Yai Gesi Po Lukgo Asęani 16:24

Tama sulama, agai i weyu, te po wali, ‘Eno aya Abraham, nago ena homu dene eyu, tau mao. Te bidi Lasarus nago tagala palama, agai nogo daniba wę mumainu, te eno hamenaba me yalawai wę muao, eno tigi kedau emainu. Magi baso meni. E siade eno tigi dene genuai mu ebuo,’ te po wali.”

1 Samuel 2:25

Te bidi me deligo gasa bidi dali dwai sę me ebaso da, teda Godigo te po isimainu elama, tama te sę dodoloyu ebo dao. Tiali goli, bidigo te Godiba dwai sę yali da, te niwai bidi te tomode dolalu, tama te dwai sę dodolaibawe?” Eligo augwali sibolo te tiwai po wali, tiali goli, te Genuai Bidigo augwali si ela muabo homu elama, tama agai augwali sigo tobolu te dila palama, tama augwali sigo te augwa ayago po me odobeo.

Dwagi Yai Gesi Po Jongo Asęani 5:29

Tama augwaligo te po odobaso, tama augwali gų page tagalama, buluba dią asaibao. Me badu we bidi augwaligo dwagi yai kolesaga yali da, augwali hodaluama, bidabo bomo selama, bidaibao. Me badu we bidi augwaligo dwai kolesaga yali da, augwali hodaluama, tama po tųde sęgę saibao.