Hibru 10:26 - Godigo dwagi yai po buku

²⁶ Te dago te Kraisde mu po mu sai digi tama nosali te dena homugo digi dago te sęgę sabo kolesagade ma bilidubaso da, teda te sęgę sela sąyabo te gasa ofa me elalugobeo.

Hibru 10:26 Referans Kwoze

Dwagi Yai Gesi Po Jongo Asęani 9:41

Jisasgo po wei ponoyu, te po wai, “Dagego te homu eyu, ‘Ao, da te homu kolesaga tomode gedu halua sai bage dao,’ te dagego te homu eyu, tama dagego eno po sela sągi menigi da, teda dage dwai sęgę menigi da. Tialima, dagego duga gedu ula elalubao po waligo da, teda dagego sęgę me elalubao,” te po wai.

Dwagi Yai Gesi Po Lukgo Asęani 12:47

“Te sę ebo bidi me aga genuai bidigo sę ya po wai goli, sisi elama, ya wali sę isąwai bidi, te genuai bidigo te sę bidi bįgo dwaigila mu elaibao.

Jems 4:17

Tama tibaso, bugagia kone palao. Dwagi yai kolesaga ebo koneai bidi, tama te bidi agai te dwagi yai sę esiąyu da, te bidi agai dwai sę yali dao.

1 Jon 5:16

Bidi me deligo aga amago dwai sę ebo suyu da, tama te dwai sę ebogo te yali bidi aga dwai madigi pisąbo dwai sę elaluyu da, teda aga amago Godibolo gedu haluasa po wao. Tama weyu, tama Godigo te dwai sę yali sela sąnama tama bidibo ula te bidibolo mawaibao. Te dwai sę tedali tedali dao, mebago te sę yali bidi dwai madigi tagala palabo dao, mebago meni. Tama te sę yali bidi dwai madigiba pisąbo dwai sę ebode eno te po wai, Godibolo gedu haluasa po wao. Tiali goli te bidi dwai madigi tagala palabo dwai sę, tede eno dagebolo “Gedu haluasa po wao” wabeo.

2 Tesalonaika 2:10

Tama agai tigidali ili po wabo dwai kolesaga eyu, agai te hagayabo tųdu pabo bidi dabe dali tibo po waibao. Tama te bidi dabe augwaligo te Godigo mu po dago odaio homu egi sogo da, teda God agai augwali ma sigi da. Tiali goli augwaligo te Godigo mu po odobo hagela yai.

Dwagi Yai Gesi Po Jongo Asęani 13:17

Dagego te po page koneyu da, te sę yao. Tama te sę eyu da, teda dage dwagi yai homu yagameo,” Jisasgo te po wai.

2 Timoti 1:13

Mu tama, polobadu eno agai nogibolo dwai posobo po wabo bidi bidai, tama eno agai po odobo we bidi dabe dali boi bidi eyu, augwalibolo dene mabo sę iduai. Tama eno aga dali hagoma eyu, aga nogi dolobo sę eyu bidai. Eno Kraisde tama dwai sę yali goli, Godigo ena homu dene eyu tau sali. Magi basowe? Eno konealubo po Kraisde dąų wasiąbaso eno bugagia konesiąma, tama eno te tiwai dwai kolesaga aga dali iduai.

Bomai Po 17:12

Ma, bidi mego te jas o te pris te Genuai Bidigo gedude sę ebo bidigo po sela sąwani da, teda dagego te bidi elama, isilao. Te tama tiyu, dagego te dwai kolesaga te Israel tomode sela sąyu yao. Po menio.

Pris Sę Ebo Bomai Po 4:2

te Israel we bidi dabebolo te tiwai po walomainogo yali, “Te bidi me we me deligo te bugagia homu kone palisąma, te Genuai Bidigo bomai po bolobaso da, teda agai sęgę sobao. Tama tibaso, aga te sęgę sela sąbo ofa ebaso usu dao.”

Pris Sę Ebo Bomai Po 4:13

Genuai Bidigo Mosesbolo walama, te Israel dabeba te tiwai po omainogo wai, “Te Israel we bidi tigidali te homu kone bugagia me palisąma, te augwaligo Genuai Bidigo bomai po bolobaso da, teda augwaligo sęgę sali dao. Te augwaligo sęgę sali te augwaligo me konesiąwai goli, augwa te yali kolesaga augwa dagede te sęgę sai dao.

1 Samuel 2:25

Te bidi me deligo gasa bidi dali dwai sę me ebaso da, teda Godigo te po isimainu elama, tama te sę dodoloyu ebo dao. Tiali goli, bidigo te Godiba dwai sę yali da, te niwai bidi te tomode dolalu, tama te dwai sę dodolaibawe?” Eligo augwali sibolo te tiwai po wali, tiali goli, te Genuai Bidigo augwali si ela muabo homu elama, tama agai augwali sigo tobolu te dila palama, tama augwali sigo te augwa ayago po me odobeo.

2 Timoti 2:4

Te agai homugo te agai tigidali we bidi ma siyu, tama augwaligo aga mu po page mu konemainogo ebo dao.