Hagai 2:7 - Godigo dwagi yai po buku

⁷ “Tama eno te tigidali bulude bidibo gavman bidi dabe augwali me midigi saibao,” wali. “Tama te we bidi dabe augwaligo te umabo mone me te doado bage me selama, tama augwaligo te bidibo madigi pesageba selasa aselama, tama te eno beba pągąnagasaibao.

Hagai 2:7 Referans Kwoze

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Te Israel me Juda Hani Sigo Tuni Bidigo Po Elalubo Buku Deli 8:11

Tama Genuai Bidigo bomo yai ula te pǫde ula umabo mu eyu, tama aga te pągąna sali, tama tiyu te pris dabego augwa sę yabo usu meni yani.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Dwagi Yai Gesi Po Lukgo Asęani 2:46

Augwa si gegedubadi, sela sogo hulide usu nama gegalio, nosali augwali sigo aga te Moni Lotu Be tempel tomode suali. Te Juda dabego po ola mabo bidi dabe tomode duguladubo suali. Augwaligo po wabo odalu, agai me ugwaba hanalu idubo suali.

Dwagi Yai Gesi Po Lukgo Asęani 2:27

Tama Godigo Mobo Bidigo Simeon hodolama, tama Moni Lotu Be tempel tomoba pali. Godigo bomo yai pode wali po yaligia emainu, te aga ida de aya sigo Jisas te be tomoba sela pali.

Esekiel 21:27

Te dwai mu dolai elalubao! Te bidi dabego polobadu susąwani kolesagade, te Jerusalem mu dolaibao. E bulu pesage olo tama elalubadi, te bidi me deli asobo sogoba usu naibao. Eno te bidi sa munama, agai te Jerusalem tonalumainogo, eno te taun agabolo mawaibao,” wali.

Aisaia 60:7

Te Kedar me Nebaiot dabego te tigidali wiegi yai sipsip hani nageba sesaibao. Tama ena we bidigo te sipsip dabe seselama, te eno alta daiba ofa ebaso, te ena wiegi yai pemene ebao wali. Te eno be te polalubo be mu pedelama, te genuai nogi elalueibao,” te po wai dao.

Tigidali Nai Gagalama Nigali Side 22:18

Tama tigidali tǫde bidalubo bidi hanigo ena hanalu, te augwali dali dwagi yai sę yao po weyu, te nago wąį hani dabe dali dwagi yai sę yali te tiwai yao po waibao. Magi baso meni, nago eno po wali palio,’ Yawego te po wali,” Mobo Bidi Enselgo te po wai.

Galesia 3:8

Tama polobadu God agai koneai, nosali te Abrahamgo bulai wai ąǫ isiąwai we bidi meba augwaligo Godigo po odama, augwa homu tigidali te poba munama, tama Godigo augwaligo yali dwai dwai sę sela sąnama, tama agai augwali doloba pai we bidi dao waibao. Tama tibaso, polobadu, te sę pedalisiąbadi, Godigo te Abrahambolo te po wai, “Te eno nage dali wiegi yai sę eyu, tama tebogo nosali te tigidali haniani bidi hani dali wiegi yai sę me yaibao.” Godigo te po olama, tama bidi mego te po bukude asęani.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Lukgo Asęani 21:38

Tigidali we bidi augwali kigamu mu aselama, te Moni Lotu Be tempel tomoba bulama, Jisasgo po odainogo yai, tigidali sogo.

Dwagi Yai Gesi Po Lukgo Asęani 19:47

Te Jisas agai te sę yali. Te deli deli sogo agai te we bidi dabebolo ola mani po wali, te Moni Lotu Be tempel tomode. Tama te pris tuni bidi dabe me, te Godigo polobadu wali po koneani bage me, augwaligo Jisas elabo tų gegali. Te Juda dabe tuni bidi dabe me, augwaligo Jisas elabo tų gegebo gagalali.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

Tuni Bidi Dabego Po Elalubo Buku Si 5:14

Tama Genuai Bidigo ula te pǫde ula genuai mu elama, tama aga te be tomo mu tama pągąna sali. Tialima te pris dabe augwali te be tomoba pelama augwa sę dabe igi pabo usu meni yani.

Dwagi Yai Gesi Po Lukgo Asęani 20:1

Te me sogo Jisas te Moni Lotu Be tempel tomode bidu, agai te we bidi ola mayu, augwalibolo Godigo dwagi yai po pusalio. Tama agai te po pusabadi, te pris tuni bidi dabe me, te Godigo polobadu wali po page koneani bage me, augwali agaba asali. Te Juda dabe genuai bage me asali.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Kolosi 2:9

Magi baso meni. God aga digi sese mu te Kraisgo tigi tomode bidibo dao, tama Krais aga tiwai mu bidibo dao.

Godigo Nogi Ugwaba Sabo Tęąbi Po Wabo Buku Dabe 85:9

Mu tama, agai te agaba lotu weyu, agai homu wali pabo we bidi dabe ma sainu te sisi yalio. Tama agai da ma selama, tama aga digi da dali dago tǫde bidaibao.

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Aisaia 60:4

“Nago tobolu ugwaba selama, tonono bilao. Te naga wai dabe augwali deliba sisinama, asobo sueibao. Te nago ogwa dabe te digibulude bidai asaibao. Te gasa bulu tǫ kantri bidi dabego te nago wegi dabe augwa hagawiade munama, tolasa asaibao.

Esekiel 31:16

Te eno te ni te isai bidi dabego buluba polo sąwai madi da, aga moni busugu wabo odama, teda tigidali kantri tǫ mobodo yai dao. Tama te me gasa wiegi wiegi yai ni dabe te isai bidigo bulude polo bidali ni dabe, augwaligo te ni dolai sulama, tama augwali me wiegi yai homu dwasianu yai dao. Te augwali te ąį hauwa sali ni dabe, augwali Iden gi ni dabe dao, me augwali te kantri Lebanonde wiegi wiegi yai ni dabe me dao.

Esekiel 38:19

Tama eno sębę genuai mu pedelaibao, te posolai sia dabo tiwai yaibao. Tama Gokgo te Israel dabe dali hwįbode, ena te Israel dabego tǫba asaibao, tama te tǫ mali dwai genuai mu yaibao. Tama tialima, tigidali sųgų dabe, me ba dabe, me bulu hasa dabe, me bidigo negebo haniani hasa dabe, me te tigidali tǫde bilibo gasa nai dabe, me te tigidali tǫde bidibo we bidi dabe, tigidali wi elama, noma dwai mu saibao. Tama te bulu du dabe alua paibao. Tama me te sao pado bulu dabe te degaibao. Tama te tigidali taun obo dabe hųgia pelama, tama degaibao.

Esekiel 44:4

Tialima, te bidigo ena odasa, te not badu te obo badu sunumidu odasa pelama, tama te Godigo be gesabidi badu doligi pali. Tama eno Genuai Bidi Godigo ulago te aga be pągąna sai suali. Tama tibaso, eno bogoli sugunama, tama eno gesabidi tǫba elama basi giluali.

Hagai 1:8

Odao. Dage te ugwa bulu duba holama, tama dagego te eno be ma sę yabo ni dabe togolama sao,” wali, “tama dagego ma sę yao, tama eno bugai homu pemene elama gana paibao,” wali. “Tama dagego enaba naga lotu po weyu yao, tama tibo kolesagago ena genuai nogi saibao,” Genuai Bidigo te po wali.

Te Israel me Juda Hani Sigo Tuni Bidigo Po Elalubo Buku Deli 8:10

Te pris dabe augwali te Tedali Gasagi Yai Mu Be Habude bidama, te buluba teda soali, tialima polo mu tama te pǫgo te Genuai Bidigo tempel be pągąna sali.