Hagai 2:5 - Godigo dwagi yai po buku

⁵ Polobadu mu dagego te Isip bulu tagalama tama dage eba asali, tama te sogo ena dage dali po bodolu siyu tama po wai, ena te dage dali tigidali sogo bidada paibao, te po wai. Tama me te eno Mobo Bidi me te tigidali sogo dage dali bidaibao wai dao, tama teyu dage tigidaligo wi egimio,’ eno te po wai,” wali.

Hagai 2:5 Referans Kwoze

Ma Dobola Sali 34:10

Tama Genuai Bidigo Mosesbolo te po wai, “Megi eno bomai po dąų dage Israel dabe dali yainogo ebao. Te nago we bidi augwali gedude te eno genuai bomai sę te eno gasa tigidali we bidi hani dali polobadu me isąwai te sę yaibao. Tama tigidali gasa we bidigo te ena Genuai Bidigo dage eno tau siyu, haniani sę ebo te augwaligo sulama, tama augwali homu hauwa elama, tama noma saibao.

Nehemia 9:20

Nago te naga wiegi yai Mobo Noma Bidi te augwaliba mayu, te augwali ola momainogo yai. Tama nago te tubo nai mana me wę augwali menama, te augwali te nai me wę dali tumainu yai.

Aisaia 41:13

Ena Genuai Bidi, te duga God dao, eno dage ugwaba sagualu tonalu, te eno te tiwai po dageba obao, dage wi me igio. Te eno dage tau saibao, te po wai dao.”

Sekaraia 8:13

Dage Juda dabe me Israel dabego, odao. Polobadu te gasa hani dabego te dage dolobo sulama, tama augwaligo augwa boi bidi dabeba te tiwai po walali, ‘Dago homugo te dage mu dolomainao homu ebao. Te Juda dabe me Israel dabe dolali tiwai emainogo homu ebao.’ Tialima megi da, eno dage Juda me Israel dabe dobola ma selama, te dageba wiegi yai sę yaibao. Te gasa hani dabego dageba te tama tebo sę ebo sulama, te augwaligo augwa abagi dabeba te tama po walaibao, ‘Dago homugo dage te Juda dabe me Israel dabe bugagia bidibo tiwai gilama emainogo homu ebao,’ waibao. Tibaso dage wi me elamuo, dage bomo elama naga dolalubo usu dao,” Genuai Bidigo te po wali.

Sekaraia 8:15

Tiali goli megi da, eno te Jerusalem dabe me Juda dabe te wiegi yai bugagia ilabo homu ebao. Tibaso dage te bomo elalu, dolaluao,” te po wali.

Godigo Sęba Tagala Palai Bidigo Po 27:24

Tama agai enabolo tama wali, ‘Pol, nage wi egio. Nage te moni Rom gavman tobolu bidi agai gedude dolalu, naga po wao. Tama odao. God da, te dwagi yai bidi mu dao. Tama tibaso, Godigo nagebolo dwagi yai sę elama, tau selama, tama te moni gebade nage dali bidibo bidi me deli isigobeo,’ te ensel mobo bidigo enabolo tama wali.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Matyu 28:5

Tiali goli te mobo bidi enselgo te we sibolo te po wai, “Dage si wi tagalao. Eno koneani, dage sigo Jisas gegagasu asali, te bidi augwaligo te ni pedaide walali bidi dao.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.

Tuni Bidi Dabego Po Elalubo Buku Si 20:17

Tiali goli, dagego duga digi me hwįgobeo. Mu menio. Te dage te boi hwįbo pesageba saboligi pabo sogo da, teda dage olo dolaluyu olo tonaluiąo. Tama dagego gedugo suaibao, te Genuai Bidigo dage tau selama hwįaibao, tama dage tau selama augwali aiyaba elaluaibao. Dage Jerusalem we bidi me Juda bulu we bidi, dage homu sęgę elama dage wi igimio. Do dage hwįainu piąo, Genuai Bidi dage dali bidaibao,’ Genuai Bidigo te po wai,” Jahasielgo te po wali.

Josua 8:1

Tialima, Genuai Bidigo Josuabolo te po wai, “Te wi ebo tagalama, tama habu bulu pabo me tagalao! Te ami bidi tigidali nage dali pelama, te Ai dabe dali hwįgi pao. Eno nage tau selama, tama nago te Ai dabego tuni bidi te aiyaba elaluaibao. Tama agai bidi dabe badi, te hanu me, tama agai tǫ me, te eno nago nogoba mawaibao.

Ma Dobola Sali 34:8

Tama Godigo po ola silibo si, tama polo Moses te tǫba degasa dulama, tama Godibolo lotu po wai dao.

Ma Dobola Sali 19:4

Genuai Bidigo te po wai, “Dagego eno yali sę te Isipde suai dao. Tama eno dage te ba kemodagego te aga gesi noma gǫų te bogo ugwadu daide sela soabo tiwai elama, tama dage eno e buluba odasa aselama, tama megi dage ena dali bidibao.

Ma Dobola Sali 19:6

Tama dage eno te pris sę ebo tuni we bidi hani bidibo tiwai yaibao. Tama dage te eno tedali we bidi mu bidaibao.” Genuai Bidigo Mosesbolo te po te we bidi dabe augwalibolo mao wai.

Ma Dobola Sali 24:3

Tama Moses pelama, te Genuai Bidigo bomai po tigidali te we bidi augwalibolo pusigi pai. Tama tigidaligo te po odolama, tama augwaligo pedauwali deliba munama, tama te po wai, “Dago te Genuai Bidigo po wali te sę tigidali yaibao.”

Ma Dobola Sali 24:8

Tama Mosesgo te poude muani kaneme selama, te we bidi dabeba te kaneme segeni sąsąga pali. Tama agai te po wai, “Te kanemego Genuai Bidi agai dage dali dąų wali bomo yai po dąų walai dao. Tama te bomo yai po dabe te dąų wali po page dao.”

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

1 Samuel 12:20

Tiali goli, Samuelgo te tiwai po wei ponani, “Dage munu me wi elamuo. Mu tama, dagego te dwai kolesaga yali, tiali goli dagego te Genuai Bidi tudiba mumainu me igimio. Menio. Dagego aga wali mu peyu, tama dagego agai sę ebo bomonama yao.