Hagai 2:21 - Godigo dwagi yai po buku

²¹ Genuai Bidigo e tama po wali, “Te tobolu bidi Serubabelbolo te po wao, Juda hanigo tobolu bidi, e tama tiwai, ‘Eno homugo te dagalude elalubo nai me, te tǫde elalubo nai memenege ma eduaibao,’ wali.

Hagai 2:21 Referans Kwoze

Hagai 1:1

Te bidi Darius aga te Persia bulude king bidi nigilama bidibo sogo, tama te 6 wabo polua, te dei delide, te agai kibu be si 2 yia wabode, Genuai Bidigo te tama po te profet bidi Hagaibolo te po wai. Agai te e tama po te bidi Serubabelbolo pusa momainu yai, aga te Juda hanigo tobolu bidi da, tama te tobolu pris bidi Josua agabolo me pusao wali. Te bidi Serubabel aga te Sealtielgo ogwa da. Tama te bidi Josua aga te Jehosadakgo ogwa da.

Esra 5:2

Serubabel, te Sealtielgo ogwa, me te Josua, te Jehosadakgo ogwago, te profet sigo ebo sę po odolama, teda augwali sigo te bidi dabe selama, tama augwa te Godigo tempel be Jerusalemde ma sę ebo gagalali, tama te profet sigo augwali tau salio.

Godigo Nogi Ugwaba Sabo Tęąbi Po Wabo Buku Dabe 46:6

Te haniani tǫ pedai kantri we bidi hani dabe augwali dwai midigi selama, tama hwįyu dali yai, tama te king dabe dali, te augwa we bidi dabe me, te augwali dolaibao. Godigo genuai po dągą mu obaso, tama tǫ te olo wę tiwai pedelaibao.

Hagai 1:14

Tama te Genuai Bidi agai te bidi Serubabel dali, te Josua dali, te tigidali we bidi dali augwaligo homu hodolama, tama augwaligo agai be sę yainogo yali. Tama augwali aselama, te augwa Godigo be sę ebo sę gagalali, Genuai Bidi aga Tigidali Bomo Elalubo Bidi.

Joel 3:16

Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

Esekiel 26:15

“Ena God Genuai Bidi, eno te Tair dabeba te tama po obao. Te boi bidi dabego dagego taun dabe dolobo sogo, te gasa taun te tamu ąį pąde bidalubo we bidi dabego te ami bidi dabego te tama kulukulu wabo odaibao. Tama te ami bidi dabe augwaligo dage te taunde elama, tama te tigi selai bagego hwąwa wabo genuai mu pedelama, tama te gela u wabo te gasa taunde bidibo bage augwaligo odaibao. Tama te we bidi dabe augwali wi eyu, dwai noma mu saibao.

Esra 2:2

Te Juda dabe augwa tobolu bidi dabe nogi te tiwai dao, Serubabel, Josua, Nehemia, Seraia, Relaia, Mordekai, Bilsan, me Mispar, Bikvai, me Rehum, me Bana, te tama dao. Te tobolu bidi dabe te Juda dabe dali augwa page buluba ma pali. E da te Israel hani dabego nogi dao, te dali te deli deli bidi dabego hani bidi te Jerusalemba ma pelawali namba dao. Te hanigo namba e tiwai elalubao.

Tuni Bidi Dabego Po Elalubo Buku Deli 3:19

Pedaiago ogwa dabe nogi e tiwai elalubao, Serubabel me Simei. Serubabelgo ogwa si elaluali, Mesulam me Hanania, te wegi me deli elaluali, aga nogi da Selomit dao.

Esekiel 21:27

Te dwai mu dolai elalubao! Te bidi dabego polobadu susąwani kolesagade, te Jerusalem mu dolaibao. E bulu pesage olo tama elalubadi, te bidi me deli asobo sogoba usu naibao. Eno te bidi sa munama, agai te Jerusalem tonalumainogo, eno te taun agabolo mawaibao,” wali.