Hagai 2:19 - Godigo dwagi yai po buku

¹⁹ Te mu tama, te tubo nai muabo bede te sia gagawai nai wit me elalubeo, tama ni wain me, me te ni kaya fik me, tama me te ni pomigranet me, te oliv me, te ni dabe augwali du walisąbadi, tiali goli megi eno te gagalama, tama dage dali eno dwagi yai sę ma ilaibao,” te po wali.

Hagai 2:19 Referans Kwoze

Malakai 3:10

Dagego duga doado bage tigidali dobolama, te nogo si pedai elaluyu, te me deli te eno beba sesao wali. Tama eno sę bidi dabego nai hauwa elaluaibao. Dagego tama tibaso da, te eno wiegi yai doado bage hauwa umabo dageba mayu, te dage me sǫą pogobeo, te nai mubo madi te usu egobeo. Te sunumi wali pobaso da, te dagego koneyu, te eno po tigidali mu po dao waibao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Godigo Nogi Ugwaba Sabo Tęąbi Po Wabo Buku Dabe 84:12

Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!

Bomai Po 15:10

Te agai hanalubo nai dabe tigidali tama maiąo. Te hagela ebo homu igio. Tama Genuai Bidigo dagego ebo sę dabe sese tama wiegi yai pedalomainogo ilaibao.

Tigidali Nai Gagalama Nigali Side 26:12

Aisakgo te tǫde nai wai dabe bulama, tama te kibu bede nai umabo mu pedelama, tama agai nai te hauwa sogo mu bulu dali tiwai gilama yali. Yawego aga tau siyu, tama dwagi yai sę aga dali yai,

Godigo Nogi Ugwaba Sabo Tęąbi Po Wabo Buku Dabe 133:3

Te deli haliga ebo kolesaga te hulide genuai wę segeni te Hermon bulu duba, me te Saion bulu du dabeba tulalubo tiwai ebao. Te bulude Genuai Bidigo te bidi dabe bugagia mu te deli haliga elama, bidimainu ebo dao. Agai augwaliba te bugagia mu bidada peyu, bidada pabo ula augwaliba mawaiba.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Jeremaia 31:14

Te we bidi dabego ofa hauwa enaba selasa asaibao. Tama tibaso, te pris dabe augwa nai hauwa elalueibao. Tama eno te wiegi yai nai hauwa te eno we bidi dabeba mawaibao. Ena Genuai Bidi, eno te po wai dao,” wali.

Joel 1:12

Te ni wain dabe dali, te ni kaya fik dabe me, sasia palio. Tama te gasa tobage du walobo ni dabe tigidali, augwali mu sasia pali. Tialima, te we bidi dabego wiegi yai homu pemene ebo tigidali te sia salio.

Joel 2:14

Dego konegowe? Te dage dena Genuai Bidi Godiba ma asigi sogo da, teda agai homu te ma hasegelama, te dabolo wiegi yai sę eyu, te da nai hauwa magi da. Tama tiyu, te dago te ofa yabo nai hauwa me, te ofa yabo wain me, elalueibao.

Bomai Po 28:22

Genuai Bidigo dage haniani dwai gasigo mu dolaibao, tama tigi bǫ dabo me, tigi posolo ebo me, tama agai mu posolai giliga tagala palama, tama bomai wali tagala palama, tama te gide nai sese tama mu dolaibao. Te dwai sę dabe dage tigide me elalubadi, dage isiboba sabolaibao.

Jopgo Po Asęani Elalubo Buku 39:12

Tama nago homugo agai nago wit nai giba pelama, tama te wit nai inayali sela aselama, te wit nai yabe dali, bo dali sela sąyao po waibawe?

Hagai 1:11

“Te eno naga te eno te kulubage tuludali weyu dąų wai dao. Tama teyu te moni giliga te bulu dude me, tama me te tigidali nai gide me, me te wain gide me, tama me te ni olivde me, te tigidali nai dabe te moni giliga nanai dao. Eno te tǫde holobo tigidali nai dabeba kulubage me tulumainu me sula tagalobe dao,” wali, “tama me te bidi dabe me, me te bulu hasa dabe me, tama me te tigidali haniani nai dabe te duga gide bulali nai dabede me,” Genuai Bidigo te po wai.