Hagai 1:8 - Godigo dwagi yai po buku

⁸ Odao. Dage te ugwa bulu duba holama, tama dagego te eno be ma sę yabo ni dabe togolama sao,” wali, “tama dagego ma sę yao, tama eno bugai homu pemene elama gana paibao,” wali. “Tama dagego enaba naga lotu po weyu yao, tama tibo kolesagago ena genuai nogi saibao,” Genuai Bidigo te po wali.

Hagai 1:8 Referans Kwoze

Esra 3:7

Te Sairus te Persia tuni bidi kingo te Israel dabebolo te ni bǫ dabe te Lebanon tǫde sao po usu da po walio. Tama te we bidi dabego te nai mayu, te ni oliv du wel me te augwa tobolu bidi dabeba menama, tama augwaligo te bidi dabe te taun Tair me Saidonba tagala palama, te Lebanon dabego ni bǫ abelimainu yai. Tama te Lebanon dabego te ni dabe te tamu węba munama, tama te tamu węgo tolasa aselama, te Jopa taunba homugi palio. Tama me, te Israel dabego te mone te tobolu bidi dabeba menama, te masigi togobo sę ebo bidi me te kapenda bidi dabe te monego abelimainu tiai dao.

Tuni Bidi Dabego Po Elalubo Buku Si 7:16

Magi baso meni. Eno te be sa munama, tama te be ena be mu pedelama elaluaibao. Tama tigidali sogo we bidi eno te be pąba aselama, enaba lotu po wagasiyu emainao. Tama tigidali sogo eno te beba tonaluyu yaibao, tama teba homu kone iyu yaibao.

Hagai 2:7

“Tama eno te tigidali bulude bidibo gavman bidi dabe augwali me midigi saibao,” wali. “Tama te we bidi dabe augwaligo te umabo mone me te doado bage me selama, tama augwaligo te bidibo madigi pesageba selasa aselama, tama te eno beba pągąnagasaibao.

Te Israel me Juda Hani Sigo Tuni Bidigo Po Elalubo Buku Deli 9:3

Tama Genuai Bidigo agabolo te tama po wai, “Eno te nago te enaba wali gedu haluasa po dali, te nago bomonama hanalu wali po me, te odali. Tama eno nago te sę yani be sa muyu, te be te eno be elalueibao, tama sesemane sogo te we bidi augwali te ena pąba te beba asiyu yao po wai. Tama sesemane sogo eno te beba tonaludu, tama teba homu kone yaibao.

Ma Dobola Sali 29:43

Tama eno genuai ula te ugwa beba pedaliyu, tama te badu digi te eno bulu elaluyu, tama tedali gasagi yai bulu tama nigilaibao. Tede me ena te Israel we bidi dali deliba sisinaibao.”

Hagai 2:9

Te eno gesi be wiegi wiegi yai mu pedelaibao, tama teyu te bego te polobadu be aiyaba elaluaibao. Tama te bulu pesagede da haliga dua tegaluama bugagia bidibo kolesaga menama, tama eno te umabo dwagi yai nai dabe te eno hani we bidi dabebolo mawaibao,” wali. “Ena God, Genuai Bidi, Tigidali Bomo Elalubo Bidi, eno mu po walio,” wali.

Aisaia 66:11

Magi baso meni. Aga bugagia bidibaso, te duga wiegi yai pemene elama, agade te wiegi yai nai hauwa saibao. Aga te dagego ida me deli tiwai elama, tama dagego aga ame tuyu, te dage bugagia mu pągąnama, te haliga nagame yai bidaibao,” wali.

Aisaia 60:13

“Te bidi Lebanon genuai busiba holama, te bobage bobage sawi yai ni wuli, me saipres, me te gasa wiegi yai ni dabe togolama, te augwaligo nageba sesaibao. Te ni dabe dali, te bidi dabego eno be ma sęnama, te be gasa sawi wiegi yai mu pedelaibao. Ena te ena duabo sia kingde dugulalu, tama te be da eno sągą teba manama elalubo tiwai elalueibao. Tama te be eno polalubo be mu pedelama, tama aga genuai nogi elalueibao.

Aisaia 60:7

Te Kedar me Nebaiot dabego te tigidali wiegi yai sipsip hani nageba sesaibao. Tama ena we bidigo te sipsip dabe seselama, te eno alta daiba ofa ebaso, te ena wiegi yai pemene ebao wali. Te eno be te polalubo be mu pedelama, te genuai nogi elalueibao,” te po wai dao.

Esra 6:4

Augwaligo te be daga dabe te tiwai nigao wali. Augwaligo te masigi ugwaba pesage nani ilibo sela holoyu, tama te masigi muani daide te bǫ nami nani deli muao wali. Augwaligo te tama tede holodubadi gęnama, tama te dąį igulaboba usu nigulao po wai. Tama augwaligo mone te kingo mone sabo bede selama, tama te be sę yabo tigidali nai me abeliyu, tama te sę ebo bidi dabe mone mayu yao po wai dao.

Te Israel me Juda Hani Sigo Tuni Bidigo Po Elalubo Buku Deli 6:1

Te Israel dabego te Isip taga soyu aselama, te augwa bulali wąį dabego wąį dabe bidali sogoba usu nagasu, te tama kibu be 480 yia bidali. Tama te wabo kibu be me si me si te Solomon te Israelde te king te tama kibu be bidali. Tialima, te kibu bede, te si wali polua, te polua nogi augwa te Siv poali, Solomongo te Genuai Bidigo be sę ebo gagalali.

Hagai 1:7

Ena Genuai Bidi, Eno Tigidali Bomo Elalubo Bidi, eno dagebolo e tama po obao, dagego te e tama sę duga pagede pedelali sę bage dagego homugo bugagia kone paliąo.

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.