Hagai 1:1 - Godigo dwagi yai po buku

¹ Te bidi Darius aga te Persia bulude king bidi nigilama bidibo sogo, tama te 6 wabo polua, te dei delide, te agai kibu be si 2 yia wabode, Genuai Bidigo te tama po te profet bidi Hagaibolo te po wai. Agai te e tama po te bidi Serubabelbolo pusa momainu yai, aga te Juda hanigo tobolu bidi da, tama te tobolu pris bidi Josua agabolo me pusao wali. Te bidi Serubabel aga te Sealtielgo ogwa da. Tama te bidi Josua aga te Jehosadakgo ogwa da.

Hagai 1:1 Referans Kwoze

Esra 2:2

Te Juda dabe augwa tobolu bidi dabe nogi te tiwai dao, Serubabel, Josua, Nehemia, Seraia, Relaia, Mordekai, Bilsan, me Mispar, Bikvai, me Rehum, me Bana, te tama dao. Te tobolu bidi dabe te Juda dabe dali augwa page buluba ma pali. E da te Israel hani dabego nogi dao, te dali te deli deli bidi dabego hani bidi te Jerusalemba ma pelawali namba dao. Te hanigo namba e tiwai elalubao.

Esra 3:8

Tama tialima, te polua 2 mun, te si wabo kibu bede te nosali augwali te Jerusalemba ma aselama, augwaligo te Godigo tempel be sę ebo ma gagalali. Te tobolu bidi Serubabel, me pris Josua, tama augwa si abagi dabe tigidali, te augwali pris, me Livai, tama tigidali bidi augwali te Jerusalemba ma aselama, augwaligo te sę hodolama yali. Tama augwaligo te Livai hani bidi dabe te kibu be bidi sese deli, te 20 yia yali bidigo te sę tonalubo bidi nigilali.

Esra 3:2

Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.

Hagai 2:10

Te Darius aga te Persia kantride king bidi nigilama kibu be si da, te polua te 9 polua, dei 24, te e kibu bede Genuai Bidi aga Tigidali Bomo Elalubo, agai te gasa po me te profet bidi Hagaibolo ola mani. Agai e tama po wai, “Eno homugo nago te pris bidi dabe hanaluao, te eno bomai po page kegelama haninao,” wali.

Hagai 1:12

Tama te bidi Serubabel dali, te tobolu bidi pris Josua dali me badu Juda hani we bidi dabe augwali si dali bidai, augwali tigidaligo te Genuai Bidi augwa Godigo e tama po obaso augwali wi yai, tama augwaligo te profet bidi Hagaigo po wabode wali pai, te profet bidi Hagai te Godigo te augwali pageba tagala palai bidi dao.

Nehemia 7:7

Te augwali te Babilon tagalama ma asali sogo, te augwali odasa asiyu, te polasa asali bidi dabe nogi e tiwai, Serubabel, me Josua, Nehemia, Asaria, Ramia, Nahamani, Mordekai, me Bilsan, Misperet, Bikvai, Nehum, me Bana dao. Te Israel hani dabego nogi te augwali Jerusalemba me Juda Provinsba ma asai. Tama te bidi hani dabego bidi dabego namba e tiwai dao.

Hagai 1:14

Tama te Genuai Bidi agai te bidi Serubabel dali, te Josua dali, te tigidali we bidi dali augwaligo homu hodolama, tama augwaligo agai be sę yainogo yali. Tama augwali aselama, te augwa Godigo be sę ebo sę gagalali, Genuai Bidi aga Tigidali Bomo Elalubo Bidi.

Esra 6:14

Tama tibaso, te Juda dabe tobolu bidigo te Godigo be sę ebo sę te bugagia dolasa mu yalio, tama profet Hagai me profet Sekaraia augwali sigo te augwaliba wiegi yai po weyu, te augwali sę bomo emainu yai. Tama augwali te sę ela pidubadi genama, te be sę siligi paboba usu nanio, te augwa Godigo wali po tiwai gilama yali, tama Sairus, me Darius, me Artaserksis, te Persia tǫ pedai king bidi sela, augwaligo me te tiwai bomai po wai dao.

Hagai 2:20

Te tama bodolu digi te si sogo wabo sogo, te Genuai Bidigo te profet bidi Hagaibolo te po me ola mawai.

Hagai 2:4

Tagalao, dage tigidaligo haliga moni sęgę mu egimio. Dage hodaluama tama sę yao, magi baso meni, ena Tigidali Bomo Elalubo Genuai Bidi ena dage dali bidibao.

Nehemia 12:10

Josua te Joiakimgo aya, tama Joiakim te Eliasipgo aya, tama Eliasip te Joiadago aya dao.

Nehemia 12:1

Te hauwa pris me Livai augwaligo te Babilon tagalama, tama te Serubabel dali te Jerusalemba ma asali, te Sealtielgo ogwa, tama polalubo pris Josua me asai. Te pris dabego nogi te tiwai, Seraia, me Jeremaia, me Esra,

Nehemia 8:9

Te we bidi dabego te bomai pogo wabo po odolama, tama augwali haliga sęgę mu elama, tama augwa gela walio. Tama te polaluali gavman bidi Nehemia, me pris Esra, tama te Livai dabego te we bidi augwaliba te tiwai po wali, “Megi te dago Genuai Bidi Godigo te genuai bodolu muai side dao. Tama tiyu, dagego te homu dene eyu, gela weyu me igio,” wali.

Nehemia 5:14

Ena te Juda gavman polalubo bidi bidibadi, te kibu be nogo si olama, sągągo si bidali, te Artaserksis te kibu be bidi sese deli te king bidibo side gagalasa, te aga kibu be te 32 yia, teba usu nagasalio. Tama te kibu be dabede ena dali, te eno hani daligo te kingo te namba wan gavman te polalubo bidiba mabo te mone selama, te eno nai me abela tubeo.

Esra 4:24

Polobadu te king Sairus bidali sogo, te boi bidi dabego te Juda dabego sę dolobaso, tama te Juda dabego te Godigo tempel be sę yali te tagalali. Tama te be sę olo elaludubadi, te Persia tǫde te Darius te king bidi pedelama tama bidiyu, te si wabo kibu be, teba usu nagasali.

Esra 4:2

Tama tialima, augwali pelama, te Serubabel me tobolu bidi dabe te Israel deli deli hani bage sugi pelama, tama augwaligo te po wai, “Da te dage dali te Godigo be sę yagasomainu ilao,” po wali. “Dago me te dagego Godiba lotu wabo dao,” po wali. “Tama te Asiria tǫ king bidi Esarhadongo da te e bulu tǫ pedaiba tagala palama bidagasali, te megi e sogoba usu nagasobao, dago te Godiba ofa ebo dao,” po wali.

Esra 2:63

Tama te Juda dabe augwa polalubo gavman bidigo te bidi dabego te Godiba ofa ebo nai te tugio olama, te augwali habu selali. Agai te po wai, augwaligo te pris tuni bidi me deli pedalubaso da, teda te polalubo prisgo te dwasianu masigi side te po elalubo sulama, te Godigo homu sumainao, tama Godigo te po omainu yaibao, te bidi dabe augwali te pris sę emainao po wagowe, ma te subo dao.

Esra 1:8

Tialima, king Sairusgo te nai dabe te Mitredatba mani, te kingo mone mubo be tonalubo bidibolo menama, tama Mitredatgo te augwali nedelama, tama te Sesbasarba mani, te Juda dabe augwa tonalubo polalubo tobolu bidi dao.

Tuni Bidi Dabego Po Elalubo Buku Deli 3:19

Pedaiago ogwa dabe nogi e tiwai elalubao, Serubabel me Simei. Serubabelgo ogwa si elaluali, Mesulam me Hanania, te wegi me deli elaluali, aga nogi da Selomit dao.

Tuni Bidi Dabego Po Elalubo Buku Deli 3:17

Te Jehoiakin aga te boi bidi dabego selama, te gasa tǫ kantriba kalabus igi pali king da. Te agai ogwa dabego nogi e tama elalubao, Sealtiel,

Te Israel me Juda Hani Sigo Tuni Bidigo Po Elalubo Buku Si 14:25

Te Jeroboam aga king bidi nigisąbadi, te sogo te boi bidi dabe augwaligo te Israel hanigo umabo tǫ mu te boi bidi dabego sai. Tialima, megi te king nigali Jeroboam agai boi hwįnama, tama te tǫ dabe tigidali ma sali, te tǫ sabo gagalali te not badu te taun Hamat pabo tųdu gagalama, sesa pabogo te saut badu te sigi ąį ge elalubo pesageba usu nigi pali, te ąį nogi Detsi wabo da. Tama te king Jeroboamgo agai te tǫ ma sabo yali kolesagago te Genuai Bidi Godigo wali poba usu nigi pali, Israel hanigo Genuai Bidi. Te tama tiali sę te profet bidi Jonago pedauwalidu wali poba usu nigi pai, te Jona aga aya te Amitaigo ogwa dao. Te profet bidi Jona aga te taun Gathefer bulu bidi deli dao.

Te Israel me Juda Hani Sigo Tuni Bidigo Po Elalubo Buku Deli 14:18

Tama augwaligo te wai bǫų tigi pubulama, tama te tigidali Israel hani we bidi dabe augwaligo te wai bǫų pubulama, hobede ebo gela wali. Te tama tialigo da, te profet bidi Ahiya agabolo te Genuai Bidi Godigo ola mani poba usu nigi pali, aga sę bidi.

Dwagi Yai Gesi Po Lukgo Asęani 3:27

Joda aga aya Joanan, Joanan aga aya Resa, Resa aga aya Serubabel, Serubabel aga aya Sealtiel, Sealtiel aga aya Neri.

Ma Dobola Sali 4:13

Tiali goli Mosesgo te po wai, “Genuai Bidi, eno usugobeo. Nago gasa bidi tagala palao.”

Te Israel me Juda Hani Sigo Tuni Bidigo Po Elalubo Buku Deli 10:15

Tama agai te tobage bisnis bidi dabede me te takis mone siyu yai. Tama te Arebia bulu kingo me, te Israel tǫ pedai dabede bidibo te polalubo kiap dagego me, te agaba mone mayu yai dao.

Esra 5:1

Tama te kibu bede te profet Hagai, me profet Sekaraia, te Idogo ogwago ogwa, te Israelgo Godigo po pusubo gagalama pusuyu, te Juda tǫ pedai distrik te Judade me te Jerusalemde pusubo sę yai dao.

Esra 5:3

Tama Tatenai, tama te wę Yufretis e badu pedaide bidali gavman polalubo bidigo me, Setar Bosenai, te ofisa bidi me deli dali, te augwa si dali deli sę ebo bagego te Israel dabego te tama sę ebo po odolama, tama augwali asesa polo te Jerusalemba palio. Tama augwaligo te Godigo be sę ebo bagebolo te tiwai po hanalu wali, “Dego dagebolo te be aga doado bage dali ma geselao po waliwe?

Esra 10:18

Te bulu badu we dabe sali pris dabego nogi e tiwai dao, Masea, me Elieser, me Jarip, me Gedalia. Augwali te Josuago hani da, te Jehosadakgo ogwa, te bidalio.

Hagai 1:2

Tama tialima Hagaigo te po te bidi sibolo pusama wai, “God Genuai Bidi, aga Tigidali Bomo Elalubo Bidi da, agai te po wai, ‘Te we bidi dabe augwaligo e tama po wabo dao, “Te Godigo tempel be ma sę ebo sogo, aga pedalisiąbo sogo,” augwaligo te po wabo dao.’ Genuai Bidigo te po wai,” Hagaigo augwali sibolo wali.

Hagai 1:3

Tama te Genuai Bidi aga te Tigidali Bomo Elalubo Bidi, agai te we bidi dabe augwalibolo e tama po te profet bidi Hagaigo penanidu ma wali.

Hagai 2:21

Genuai Bidigo e tama po wali, “Te tobolu bidi Serubabelbolo te po wao, Juda hanigo tobolu bidi, e tama tiwai, ‘Eno homugo te dagalude elalubo nai me, te tǫde elalubo nai memenege ma eduaibao,’ wali.

Malakai 1:8

Te dagego gedu widai kibu hasa me deli te sela pelama, dagego enaba te ofa ebo sogo, dagego te dolo sę eba homu ebo, agawe? Dagego te gasi yai kibu me, sągą togwa pai kibu sela asiyu, dagego te dolo da homu eba, agawe? Te dagego te tiwai kibu me deli te duga gavman polalubo bidiba mobaso, te agai dageba wiegi yai homu pemene eba, homu yaibawe? Ma, dagego homugo te agai dageba wiegi yai nai me deli wei ponaibao homu yaibawe? Mu menio!” Tigidali Bomo Elalubo Genuai Bidigo te po wai.

Hagai 1:15

Augwaligo te be sę ebo sę hodolali te polua 6 poluade, te dei 24 wabode te be ma sę ebo sę gagalali. Te Persia king bidi Dariusgo aga te king bidi bidiyu te agai kibu be si wabode te be ma sę gagalali.

Sekaraia 1:1

Te king Darius aga kantri Persiade king bidali sogo, te aga king bidibadi kibu be namba 2 wabode, te 8 poluade, God Genuai Bidigo e po te profet Sekaraiabolo mani. Te Sekaraia aga te Berekiago ogwa dao, te Berekia te Idogo ogwa dao.

Sekaraia 3:1

Te nade subo nai tiwai elama, Genuai Bidigo tobolu bidi pris Josua enabolo ola mani. Josua aga Genuai Bidigo ensel bidi pąde dolalubo suali. Tama dwai haubo bidi Satan te Josuago dolo nogo badu dolaluali, tama agai po tų ela mawainu kegaluali.