Habakuk 3:6 - Godigo dwagi yai po buku

⁶ Te aga dolugulubo sogo da, tigidali tǫ midigi eyu, mumunu ebao. Agai te we bidi dabe augwali subo sogo da, augwali te ibaba kila sesa peyu, midigi sabo dao. Te genuai bomai bulu du dabe te alua pelama, tulaluaibao. Te polobadu aga bilali dwasianu bulu du dabe augwali te aiyaba kilasa dulubo dao. Genuai Bidigo ebo kolesaga dabe te sesemane sogo elalua paibao.

Habakuk 3:6 Referans Kwoze

Tigidali Nai Gagalama Nigali Side 49:26

te tubo nosai wai dabego mobo me, te plaua dabe holobo mobo me mani, te polobadu bulu du dabe te mobo me mani, te sesemane sogo elaluabo bulu du dabe mobo mawai. Eno homugo te tigidali mobo te Godigo Josep toboluba muao. Augwali te bidiba holama, te augwaligo aga te gasagi yai bidi te aga ama dede tiwai gilama me nigilibeo. Menio. Josep aga gasagi yai tedali bidi bidaibao,” wali.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Bomai Po 33:15

Tama te polobadu bulu du dabe te gi yabo pesage wiegi yai bulu dabe pedalomainao.

Godigo Sęba Tagala Palai Bidigo Po 17:26

Godigo hasia mu bidi me deli nigai (te bidi nogi Adam). Tama nosali te bidi deligo te tigidali haniani bidi dabe dalali. Tama Godigo tigidali bidi dabe tigidali buluba dobayali, augwa te bulude bidimainu yai. Tama God aga digi polobadu mu augwali te bulu dabede bidabo sogo bodolu munama, dąį ilai dao.

Dwagi Yai Gesi Po Lukgo Asęani 1:50

Te God agai po tų sisu pabo we bidibolo agai olo tau sabo sę me, te iba bidada pabo bidigo ogwago ogwa dabego me, agai po tų sisu pidubaso da, agai tama tede piduabo tolai dao. Agai nogogo bomai sę yai dao.

Hibru 13:8

Jisas Krais aga munu me hasegelegobeo. Polobadu aga hasegelebeo, megi aga hasegelebo meni, nosali aga munu me hasegelegobeo. Aga ebo kolesaga deli naga me ela piduaibao.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Maika 5:8

Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.

Aisaia 51:8

Te hani dabe te ugwa asobago tologolama, te silibo tiwai eyu dolaibao. Tiali goli, eno te we bidi dabe tau siyu ma sabo kolesaga, te me sia sogobeo. Menio. Te sesemane sogo elalua pidu elalueibao,” wali.

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Godigo Nogi Ugwaba Sabo Tęąbi Po Wabo Buku Dabe 103:17

Tialima, Genuai Bidi agai nogi ugwaba sabo we bidi augwali sesemane bidada pabo sogo agai godolo mu ebo dao. Tama aga te dwagi yai aga wąį dabe augwali nosali pedalobo te dwagi yai yaibao.

Godigo Nogi Ugwaba Sabo Tęąbi Po Wabo Buku Dabe 90:2

Te sesemane bidada peyu, bidada pabo sogo, nage te God bidibao, te polobadu me bidali, nosali me bidaibao. Tigidali bulu du pedalisąbadi, tama nago te tǫde nai tigidali nigisąbadi, tiali goli, nage God bidai dao.

Godigo Nogi Ugwaba Sabo Tęąbi Po Wabo Buku Dabe 68:16

Nage te sau pado hauwa dalubo bulu du da, magi baso nago te God aga dugulaluainu ebo bulu du sulama, tama nago homugo te olo nai tiwai da homu ebawe? Genuai Bidi da, te bulu dude bidada pidu, bidada paibao.

Te Israel Tobolu Bidi Dabe 5:5

Te bulu du dabe Godigo gedude te mali yali, te Sainai bulu dugo Genuai Bidi, te Godigo gedude, te da Israel dabego Genuai Bidi dao.”

Josua 10:42

God, te Israel dabego Genuai Bidigo, te augwali tau sobaso, tama augwaligo te tigidali tǫde bidali tuni bidi dabe tigidali augwali aiyaba elaluama, tama augwaligo tǫ te hwįanigo naga sai dao.

Bomai Po 32:8

God ogwa dagalu bidi, aga digi te tigidali we bidi hani bidabo pesage dobola menama, tama augwali bidabo digi dąį elama, mawai dao. Tama hasia bolo agai te Israel dabe nedama, augwaligo namba wali pelama, tama augwaligo tǫ dąį elama, tama tebogo gasa hani we bidi bidabo digi nosali dąį ilai dao.

Ma Dobola Sali 21:31

Tama te bulmakaugo te wai puluba, te ogwa me, te wegi me, elebaso da, teda te tiwai bomo yai po naga dagego wali piąo.

Ma Dobola Sali 15:17

Tama nago da odasa asiyu, te da naga bulu dude bugagia dualama bidimainogo yaibao. Tede te naga digi naga be sęwai dao, te bulu nago nogogo digi bugagia dodolama muai dao.

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Godigo Nogi Ugwaba Sabo Tęąbi Po Wabo Buku Dabe 35:5

Genuai Bidi, nago enselgo te dwai bidi dabe sela sąmainu ilao, te waligo te nosa kakali sela sąbo tiwai yao.

Habakuk 1:12

God, polobadu mu me, megi tama me, nage Genuai Bidi me te bidibao. Eno Genuai Bidi, nage te tedali wiegi yai doloba pai kolesaga ebo God dao, tama nago da isimainu sula tagalogobeo. God, nage eno Genuai Bidi dao, tama nage te bomai masigi tiwai dao, tama da te tudi badu te tiwąį madide duala sabo tiwai dao. Nago te Babilon dabe magi elama, tama augwali bomo ilama, tama augwaligo da tonalubo sę emainu magi ilai dao, te dago dwai sęgę wei ponoyu tiai dao.

Ma Dobola Sali 15:14

Tama meba tǫde bidibo bage augwaligo te sę yali po odolama, tama augwali wi mu eyu, tama augwali noma saibao. Tama te Filistia bage augwaligo me te po odolama, wi mu yaibao.

Ma Dobola Sali 15:15

Tama Idom tǫde bidibo genuai bidi augwali wi mu yaibao. Tama Moap bomai bidi dabe augwali didibili mu yaibao. Tama Kenan dabe augwaligo bomo te olo wę ayana pabo tiwai yaibao.

Ma Dobola Sali 19:18

Tama Genuai Bidi te sia tomode bidilama dulali, tama te Sainai bulu duba bidagasali, tama genuai hanogo te bulu du tigidali mu mesega sai. Tama ugwaba holali hano te genuai sia mu dabo hano holobo tiwai mu yai, tama tǫ mali genuai mu te bulu dude pedelai.

Jopgo Po Asęani Elalubo Buku 9:5

Ma, God agai sębę deli sogo eyu da, agai bulu du dabede deli sogo ibaba kidilibo dao. Tama augwali mu dolama, tagalobo dao.

Godigo Nogi Ugwaba Sabo Tęąbi Po Wabo Buku Dabe 97:5

God te tigidali tǫgo Genuai Bidi dao. Aga asobaso, tama te bulu du dabe te wę tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 104:32

Agai tǫba tonalubaso, te tǫ memenege eyu, mali ebo dao. Agai te bulu duba nogo mubaso, te bulu dude sia hano ebo dao.