Habakuk 3:3 - Godigo dwagi yai po buku

³ Godigo te tǫ Idom bulude bidali tagalama, te aga ma asalio. God te wiegi yai doloba pai kolesaga tigidali mu ebo God, aga te Paran tǫ pedai bulu dude bidali hogodama, asali. Agai bomo te be posali ula tiwai pedelama, tama te dagalu tigidali pedai badu mesega salio. Tebogo te tigidali tǫde we bidigo agai te genuai nogi ugaba sabo homu ebo sę ilalio.

Habakuk 3:3 Referans Kwoze

Bomai Po 33:2

Agai te po wali, “Genuai Bidi Sainai bulu dude bidama asali. Aga te Idom bulu ugwadu te giliga tiwai asali, tama agai ula te Paran bulu dude elaluali, tama te ula aga we bidiba ula yali. Te ensel sibi tausen hauwa aga dali bidali, tama agai dolo nogo badu isi bogoli genuai mu iduali.

Obadia 1:9

Tama dage te Teman taun bidi dabego te boi hwįbo mu konea pali, tiali goli, te dage wi dwai mu yaibao. Tama eno dage te tigidali Isogo ami hani ela silaibao,” Genuai Bidigo te po wali.

Amos 1:12

Eno te isi aiyaba tula palama, tama te Teman taun, me Bosra taun sigo elalubo bomai be dabe te isigo domainu ulaibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 4:4

Dage te Godide wi elama, tama te dwai sę ebo kolesaga tagaliąo. Te dage betde godege pibo sogo, dagego tede bugagia kone paliyu, tama pedauwali pania siąo.

Jeremaia 49:7

Genuai Bidigo te Idom kantride po elalubao. Tigidali Bomo Elalubo Genuai Bidi, agai te tiwai po wali, “Magi yaliwe? Te Teman hanu we bidi dabego te wiegi yai homu kolesaga munu me elalubo homu meni da, agawe? Te augwaligo wiegi yai homude koneani kolesaga te hagawali da, agawe?

Aisaia 6:3

Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali.

Godigo Nogi Ugwaba Sabo Tęąbi Po Wabo Buku Dabe 68:17

Genuai Bidi te hwįbo bomai hauwa tausen karisde dugawali ami bidi dabe dali asaibao. Aga te Sainai bulu duba aselama, tama aga te gasa wiegi yai be mu tomoba bula sagasaibao.

Bomai Po 5:24

‘God, dago Genuai Bidigo, dabolo agai genuai bomo mu ola mani, te dago aga te isi tomode po wabo odali sogo. Megi da, dago koneani. Me sogo Godigo te bidi me deli dali po wabo usu yaibao, tama te bidi me isibeo.

Tigidali Nai Gagalama Nigali Side 21:21

Tama aga idago aga we me deli te Isip bulu we selama, aga ogwa mani.

Aisaia 64:3

Polobadu nage asobode, te gasagi yai nai tedali mu pedelali, tama dago te suyu, dwai noma mu sali. Te bulu du dabe nage asali sogo, te dwai midigi mu sai dao.

Godigo Nogi Ugwaba Sabo Tęąbi Po Wabo Buku Dabe 48:10

Te tigidali tǫ habu badu te we bidi dabe augwaligo te nago nogi ugwaba sabo dao. Te tigidali habu badu we bidi dabego te nago genuai nogide wiegi yai pemene ebo dao. Nago te tigidali bage te doloba pai kolesagade naga tonalubao.

Godigo Nogi Ugwaba Sabo Tęąbi Po Wabo Buku Dabe 9:20

Genuai Bidi, nago augwali dwai wi ilao. Nago te we bidi dabe augwali gę nomainu ilao, augwali te osogo bidibo tiwai konemainu ilao.

Godigo Nogi Ugwaba Sabo Tęąbi Po Wabo Buku Dabe 9:16

Awe, te tama tebogo te God agai kolesaga te bidi dabeba te po tų ebo sogo ola mawai dao. Te dwai sę ebo bidi dabego te gasa bidi dolabo sę yali, tiali goli te naigo begelama, te augwa digi ma dolai.

Godigo Nogi Ugwaba Sabo Tęąbi Po Wabo Buku Dabe 3:4

Eno te Genuai Bidiba i weyu, te ena tau somainu ebao. Aga te aga wiegi yai tedali gasagi yai bulu dude digi bidiyu, tama eno i wabo odoyu, tau sali.

Godigo Nogi Ugwaba Sabo Tęąbi Po Wabo Buku Dabe 3:2

Mu tama, te augwa hasi augwaligo enade te tama wabo, “Te Godigo aga me tau sogobeo,” wabo.

1 Samuel 25:1

Nosali Samuel isibaso, tama tigidali Israel we bidi sisinagaselama, tama agade gela wali. Tama augwaligo aga te Ramade te aga be pąde pubulali. Nosali te Samuel isai madide, Devit te aga bidi dabe dali te tǫ wa pai Paran buluba bidigi pai.

Israel Hanigo Namba 10:12

Tama te Israel dabego sulama, te nai meni yai bulu Sainai taga peyu pali. Tama te pǫ pelama, te nai meni yai bulu Paranba doligi pelama, elaluali.

Ma Dobola Sali 20:18

Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.

Tigidali Nai Gagalama Nigali Side 36:11

Te Elifasgo ogwa dabe, te augwali e dao, Teman, me Omar, me Sefo, me Gatam, me Kenas.

Godigo Nogi Ugwaba Sabo Tęąbi Po Wabo Buku Dabe 113:4

Genuai Bidigo te tigidali hani bage tonalubao. Te aga genuai nogigo te tigidali dagalude nai aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 148:13

Mu tama, tigidaligo te Genuai Bidigo nogi ugwaba sao. Te agaduba genuai nogigo deli te tigidali we bidigo genuai nogi aiyaba mu elalubao. Agai genuai nogi te ugwanu mu elalu, te dagalu me tǫ aiyaba elaluai dao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Te Israel me Juda Hani Sigo Tuni Bidigo Po Elalubo Buku Deli 11:18

tama augwali peyu, te Midian tǫ taga pelama, tama te wa pai bulu Paranba sabolali. Tama augwaligo te Paran bidi meba selama, tama tigidali te Isipba pali. Augwali sabolama, teda augwaligo te king sugi pelama, tama agai te Hadatbolo te tǫ me deli mayu, te be me deli mayu elama, tama aga te nai mayu bidali.

Esekiel 43:2

Tama eno Israel dabego Godigo moni ula elalubo suali. Tama te ula te giliga asobo badu asobo suali. Tama te ula pedalobo si da, eno agai po wabo dogoni te genuai tamu ąį kulukulu wabo tiwai tama eno odali. Tama Godigo ulago tǫ ula genuai mu yali.

Habakuk 2:14

Tama tigidali we bidigo me, tigidali tǫde nai sibigo me, te Genuai Bidigo genuai nogi dali bomo dali si konemainogo yalio. Te konebo kolesaga te tigidali tǫ pedai habu mu usu nigi paibao, te tamu ąį bo deyu, te dąį eboba usu nugulubo tiwai gilama mu yaibao.