Habakuk 2:6 - Godigo dwagi yai po buku

⁶ Tialima, te tǫ pedai kantri bulu we bidi augwaligo te augwali tonalubo Babilon bidi dabeba posobo po waibao. Te augwaligo te tiwai po augwaliba waibao, “Dage te gasa hani bidi dabego doado bage anoma elama sabo bidi dabe dao, te dage dolaibao. Nisu sogo te bidi dabego dagego nai negeli elalubo wei ponomainu selibo sę ebo kolesaga tagalaibawe?” te po waibao.

Habakuk 2:6 Referans Kwoze

Maika 2:4

Te dwai sę dabe pedalubo sogo da, te bidi dabego dage dolali po mimi pelama, te dageba posobo po waibao. Tama augwaligo te tibo homu dene eyu, te tiwai tibo gela wabo weyu, balia po waibao, ‘Da mu dolali dao. Genuai Bidigo dago tǫ salio. Agai te tǫ te da kalabus yali bidi dabeba dobayu, mawai dao.’ Augwaligo te po waibao,” Genuai Bidigo te po obao.

Jeremaia 50:13

Ena Genuai Bidi, eno dageba haliga sębę umagi mu elama, eno te tiwai sę ilibaso, te dagego tǫ kantri dolama, tede bidi me bidigobeo. Te gasa hani bidi dabe teba pedalubo sogo, te augwaligo dage Babilonba pedelali dwai sę sulama, te augwali midigi dwai mu elama, nogo hogwayu, te wi umagi mu yaibao,” te po wali.

Jeremaia 29:22

Tama te dage Babilonde bidibo Juda dabe, te dagego abagi me deliba te dwai po wabo homu eyu da, dagego te tiwai po waibao, ‘Genuai Bidigo nage dolomainao, te agai Sedekaia de Ahap dali siba yali tiwai elama, te Babilon kingo augwali si te isiba ulai dao.’

Israel Hanigo Namba 23:7

Tama Balamgo augwalibolo profet po pusuyu, te po wali, “Balak, te Moap tuni bidigo, ena odasa asai dao. Agai ena Siria bulu oda selama asali, te giliga asobo badu bulu dude, tama ena asali. Agai te po wali, ‘Eno homugo nage aselama, e god dabego te Jekopgo hani bage dolabo po pusagasomainao,’ po wali. ‘Asao, nago te Israel dabeba dwai sę pedalumainogo eyu, nago naga po wao,’ te po wali.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Habakuk 2:13

Dagego te tǫ pedai kantri bulu bidi dabe aiyaba elaluama, te we bidi dabe kalabus elama, tama augwaligo dagego nai doado bage dabe nigibo sę dene mu yali. Tiali goli, isigo te nai tigidali dela silibaso, tama te yali sę olodali tama ela tagalaibao. Te Tigidali Bomo Elalubo Genuai Bidigo te sę pedalomainu ilaibao. Te po wai dao.

Habakuk 1:15

Tama te Babilon dabego te we bidi selama, kalabus ilibo dao, te bidi dabego te sųgų dabe tubo hukugo me sųgų sabo wa umbengo sabo tiwai ebao. Augwaligo augwali kalabus ela silama, tama augwali wiegi yai homu eyu, hae ulugu wabo dao.

Esekiel 32:21

Te isai bidi dabego bulude da, te boi hwįbode genuai nogi yai bidi dabego te Isip dabe, me augwali sali bidi dabe subode augwali wiegi yai homu yaibao. Augwali te buluba aiyaba dulama, tama augwaligo te Isip dabeba hae weyu, e tama po waibao, ‘Te wiegi yai kolesaga wali pisąma ebo hanigo bidi dabe, te augwali e buluba dulama, tama augwali e bulude te bidibao. Te boi bidi dabego augwali elama, isilai dao,’ te gų pagede bidibo bagego augwalide te po waibao,” wali.

Aisaia 55:2

Magi baso dagego te duga mone te dage tau sisąyabo nai dabede odolali silama, te dage nai sili bidaiwe? Magi baso dagego te tubo nai sabo sę dene elama, tama tede sabo monego magi baso te dwai olo nai naga abelebo dawe? Te eno poba bugagia olo muao, te eno wabo po tiwai gilama yao, te dagede eno mabo haniani nai mu pągąnalueibao. Awe, dagego homugo tede wiegi yai pemene mu yaibao.”

Aisaia 44:20

Augwa homu kolesaga te mu kone tuą palio, tama augwa te geda mubo homu kolesaga mu eyu, te bidigo sia keli tubo tiwai yalio. Te we bidi dabe me deligo homu kolesaga dolo ma siyu, te po wabo sunumi deli me menio, ‘Te eno dolo nogode tolalubo nai, te ni dage naga, te god meni,’ te po wagobeo.’” Te po wai.

Bugagia Bidibo Kolesagade Po Asęai Buku 22:16

Te bidigo te magi nai doado bage meni yai bidi dabego nai dabe sainogo te augwaliba dwai sę ebaso da, ma te bidigo te mone hauwa elalubo bidiba te wiegi yai homu ilibo nai mobaso da, teda te aga digi te magi nai doado bage meni yai bidi tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 94:3

Nisu naga sogo dwai sę ebo bidi augwaligo ebo kolesagade dwagi yai homu egowe? Genuai Bidi, augwaligo bidabo sogo nisu naga elalubawe?

Israel Hanigo Namba 23:18

Tama Balamgo te pusabo po pusali, “Balak, hodaluao, odao. Siporgo ogwa, eno megi e pusainogo ebo po odao.

Aisaia 10:13

Agai tobolu tali eyu, agai te po tama wali, ‘Ena bomo de ena homu kolesaga sigo eno te sę dabe yalio,’ po wali. ‘Magi baso meni. Eno dwagi yai homu kolesaga mu elaluali, te sę dabe yabo. Eno te bulu dabe dąį ilali, eno polo sela sąwani dao. Tama tigidali ena dologode naga bidibo. Tama eno augwaligo wiegi wiegi yai nai dabe augwaligo sisiniduali nai dabe eno sai dao. Ena bomai bidi mu dao. Tama tiyu, eno te bulu we bidi dali, me augwaligo king bidi dabe dali agalama, tama eno augwali aiyaba mesegelai dao.

Habakuk 2:12

Dage te we bidi hauwa ela muani bidi dabe, dagego te augwaligo sę dene mu ilaligo te duga taun bomai taun dolalumai da homu yali, te dage me dolaibao. Dagego te duga taun dąų walabo homu elama, tama dagego dwai kolesaga haniani yai dao.

Aisaia 5:8

Dage te tǫ dabe, be dabe hauwa abelama, duga naga pesage hola sabo bage, dage dolaibao. Te tamadi tama dagego tigidali tǫ me, bulu me, sese sela silaibao. Tama gasa bidi dabe meba bidabo bulu menia saibao. Tama dage naga tama bidaibao.

Jeremaia 17:11

Te bidigo kolesaga dolo isąbadi, te mone hauwa sobaso da, te aga te ba me deligo te gasa bago ge wi selama, tama te gede pedelali wai dabe sabo tiwai ebao. Te bidigo mone tigidali te aga monu dabe isąbadi hagawaibao. Tama nosali, te bidi dabego koneaibao, aga te homu kolesaga meni yai bidi tiwai yalio.