Habakuk 2:2 - Godigo dwagi yai po buku

² Tialima, Genuai Bidigo enabolo te tama po wali, “Eno nagebolo te po mobao, te nąde wabo tiwai po mawaibao. Tama nago te po te masigi pedai me delide bugagia asęnama, tama niwai bidigo nedainogo te agai bugagia sulama, nedemainao.

Habakuk 2:2 Referans Kwoze

Aisaia 30:8

Genuai Bidigo enabolo te we bidigo ebo kolesaga po te bukude asęao wali, me te po me te masigi togalama, asęao wali. Te da te po te tigidali sogo mu elaluama, tama te we bidigo sulama, tama augwali te po sela sąbo we bidi yabo omainu.

Kraisgo Geme Dualali Sę Pedelabo Po Jonbolo Ola Mani 14:13

Tama eno odali, po me deli dagaludu asiyu, te po wai, “Nago e tiwai po asęąo: ‘Megi e tiwai sę gagalobao, te Genuai Bidide wadolali we bidi isibo si, te augwali wiegi yai homu pemene mu yao,’” te po wai. Tama Godigo Tedali Mobo Bidi agai me te po wai, “Awe, mu tama dao. Te augwali tigi dene ebo sę tagaliyu, tama augwali toma tueibao. Augwali olo me pogobeo. Menio. Te augwaligo yali wiegi yai kolesaga, te kolesaga augwali wali paibao,” te po wai.

Bomai Po 31:22

Te sogo tama Mosesgo te balia po asęnama, Israel dabe ola mani.

Daniel 12:4

Tialima, megi da, Daniel, nago te po dabe elalubo buku te haluao. Tama nago dąį tede muao, te bidi dabego te buku habu seliyu, tama tiao. Te buku te halualudubadi, te tigidali dagalude me tǫde nai silibo si te pąba usu naibao. Tama we bidi hauwago te po page koneainu, iba soyu, eda soyu eyu, sę dene mu yaibao. Tiali goli, te augwali usu me egobeo,” te bidigo te po wali.

Aisaia 8:1

Genuai Bidigo enabolo walali, “Te po tede asęabo genuai nai me sao, tama ugwadu nago te po asęao, ‘Polo wi sa, polo sela pa.’ Nago bugagia asęao, tama te bidi dabego bugagia nedebo usu yaibao.

Bomai Po 27:8

Tialima, dagego te masigide simenigo pilali te masigi dagede Godigo bomai po tigidali haninama, bugagia mu aseiąo,” wali.

Bomai Po 31:19

Tama eno nagebolo balia me deli mawaibao, tama dagego asęao. Tama nago te Israel dabebolo te balia ola mao. Tama tialima, te balia pogo augwali nosali po tų ela mawaibao.

Kraisgo Geme Dualali Sę Pedelabo Po Jonbolo Ola Mani 19:9

Tama te ensel mobo bidigo enabolo te po wali, “Nago te po asęąo: te we bidi dabe augwali Godigo te genuai nai tubo digi asomainogo i wai, te Kibu Sipsip Wai aga we kębode te sogo te i wali we bidi augwali wiegi yai homu pemene eyu bidaibao,” agai te po wai. Tama olama, agai enabolo te po me wai, “E po, eno nagebolo tama wali po, e po te Godigo wali mu po dao,” te ensel bidigo enabolo te po wai.

2 Korin 3:12

Awe, te Godigo te we bidi doloba pai nogi nogi yabo po pusubo sę, te sęgo bomo yai ulago te Mosesgo mani bomo yai pogo ula aiyaba mu elalubo dao. Dago te sęde te homu eyu tama dwagi yai homu ebaso, da wi me egobeo. Menio. Bomo eyu dago po hanilama pusudubao.

1 Korin 14:19

Tiali goli te Godigo po odobo we bidi sisinibode, eno homugo te eno te augwaligo konesiąbo po hauwa mu wagobeo. Menio. Eno homu e tiwai dao, te dena pogo weyu, eno augwali tau siyu, te ola mabo po bugagia ola momainogo eyu, te eno dwasianu pogo hania waibao, te usu dao.

Polgo Po Pas Rom Dabeba Asęani 15:4

Godigo po tigidali augwaligo polobadu asęani, te augwaligo te po dabolo te wiegi yai bidabo kolesaga ola momainogo asęanio. Tama dago te asęani po nededu geyu, tama tede dago te haniani sęgę tolabo bomo dali, te dwagi yai po mobo mabo po dali somainogo eyu augwaligo te po asęani. Tama dago te bomo me te mobo mabo po me te bukude asęani pode selama, tama dwagi yai homu eyu, dago te Godigo da dali yabo wiegi yai sę bugagia tonaluaibao.

Jeremaia 30:2

“Ena Genuai Bidi, ena Israelgo God, eno te po obao, nago te buku me deli selama, te eno nagebolo mani po tigidali asęao.

Daniel 7:1

Te hasia mu wabo kibu bede te Belsasar te king Babilonde bidali, ena Daniel eno te na ebo tiwai nai te hulide suali. Tama eno te na yali po te buku me delide asęani. Na te tiwai dao.