Habakuk 1:8 - Godigo dwagi yai po buku

⁸ “Te Babilon bage augwaligo hos kibu dabe omagia polo udabo dao. Tama augwaligo meba tigidali bulu hasa dabe omagia udabo edelama, mu udabo dao. Tama te hos dabego dolama mu hwįyu ebo dao. Tama augwaligo hwįbo kolesagago te hulide bilibo te uni yowigo hwįbo kolesaga edelama mu ebo dao. Te hos kibu dabe augwali sasamano pelama, tama te hwįabo bidi dabe augwali te hosde dualama, tama augwali digibulu bulu mude hogodama, tama udulama, tama hwįainu pabo dao. Te bage augwali te ba kemodagego te hasa dabe ela tuainu te bogo si pobea selama, tǫba tulalubo tiwai elama omagia mu udawaibao,” wali.

Habakuk 1:8 Referans Kwoze

Jeremaia 4:13

Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.

Sefanaia 3:3

Te Jerusalem genuai bidi dabe augwaligo te olo we bidi dali dwai kolesaga ebode augwali te bulu laion sibi nasi ebaso bomona dagą wabo tiwai ebo dao. Tama te po tų odobo bidi dabe, augwali te uni yowi nasi genuai ebo tiwai iyu ebo dao. Tama augwaligo te hasa tulama, silama, tama augwaligo do tuabo dili me mubeo.

Hosea 8:1

Genuai Bidigo enabolo te po wai, “Te boi hwįmainu biugel bu wao,” wali. “Te boi bidi dabe polo aselama, te eno tǫba hwįagasaibao, te ba kemodage polo te tǫba bola dulama, te hasa bolo ela sigulubo tiwai yaibao. Magi baso meni. Eno te ena we bidi dabe dali dąų walali po te augwaligo togolama, te bolama, tama augwaligo eno bomai po sela sąwani.

Esekiel 17:3

“Ena God Genuai Bidigo po te augwaliba mao. Te moni dobo dwai ba kemodage me deli bidali, aga boma pai bogo da, te bobobage mu elama, te aga nisi da, te dodobolo pai hauwa elalu, te sawi yai mu da. Aga te Lebanon bulu du dabeba bola pelama, tama agai te dwagi yai ni sida tobolu bubu me deli toga sigi palio.

Jeremaia 5:6

Tialima, te laion dabe te genuai buside bidali tagalama asu, te augwali ela muagasaibao, te uni yowi dabe te wa pai bulu pesagede bidali taga soyu, te augwali dolagasaibao. Te genuai uni pusi dabe te aselama, te Juda dabe augwa taun pąba tonaluagasaibao. Te bidi me we me deli te taun tomode bidali tagalama, buluba teda soabode, te uni pusi agaba pasuga sigi pelama, te aga tigi pepeda tueibao. Te sę augwaliba pedelaibao, magi baso meni, te augwa dwai sę hauwa eyu, te hauwa sogo augwaligo te Genuai Bidi tudiba mubo dao.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Dwagi Yai Gesi Po Lukgo Asęani 17:37

Tama Jisasgo aga wali po simanama, aga wali asobo bagego aga hanalu wali, “Genuai Bidi, te sę yaibao wali menade yaibawe?” wali. Jisasgo augwalibolo te po begelai po weyu, te po wali, “Te ba kemodage dabe augwali te isali tigi munalubo madiba sisinaibao,” wali.

Matyu 24:28

“Te isali hasa tigi elalubo madi, te pesageba te tigi mi tubo ba dabe augwali deliba sisinagasaibao,” Jisasgo te po wai.

Esekiel 17:12

“Te po sela sąnama, hagoma ebo bidi dabeba hanalu wao, augwaligo te po page koneaniwe, ma meniwe? Te po page e tiwai da. Babilon king te Jerusalemba aselama, tama agai te Juda king dali, te ami ofisa bidi dabe dali selama, te Babilonba kalabus sela pai dao. Aga da te hasia asali ba kemodage tiwai dao.

Te We Bidi Dabego Jerusalem Hagede Gela Wali 4:19

Da wi pobadi, tama te boi bidi dabego da pobeasa asalio. Awe, augwali bomonama mu, te ba kemodagego te hasa ela sainu bogo pobeasa aiyaba tulalubo tiwai yalio. Augwaligo da bulu du dabedu pobeasa bilama, tama augwali te nai meni yai wa pai bulude dualaluyu, da tonalualio. Te da asobo suainu, tama augwaligo da tola siyu, ela palio.

Jopgo Po Asęani Elalubo Buku 9:26

Te be posobo sogo da, te węde geba polo pabo tiwai ebo. Te me e tiwai dao, te ba kemodagego bolo ela tuainu polo toga dulubo, te tiwai ebo.

Aisaia 11:14

Augwali si talua selama, tama augwaligo te giliga pabo badu buluba hwįgi peyu, te Filistia dabe dali hwį yaibao. Tama me, augwali sigo te giliga asobo badu we bidi dabego nai dabe hwįgi pelama, augwaligo nai dabe saibao. Te augwali sigo te bulu Idom we bidi, me Moap, me Amon we bidi dabe augwali sigo elaluaibao. Tama augwali sigo te bulu dabe tonaluaibao.

Jeremaia 48:40

Genuai Bidigo te tiwai po wali, “Suao. Te boi bidi dabe umagia udayu, te Moap dolainogo ebao, te ba kemodagego te hasa bolo elainogo ebo tiwai yali, te tobolu nisi diligina pelama, te aga bogo nisi diligina pabo tiwai ebo dao.

Jeremaia 50:42

Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.

Nahum 2:5

Te ofisa dabego te po olama, te ami bage augwali asesa polo mu pali madi te masigigo augwali sągąde dolobao. Te boi bidi dabe te masigigo nigai genuai obo elaluboba udulama, te obo aluabo masin dualigi pobao.