Habakuk 1:6 - Godigo dwagi yai po buku

⁶ Odao. Eno te Babilon dabe augwali bomai hani mu pedelemainu ilaibao. Te bidi dabe augwali te bidi dwai dabe dao, tama augwali hwįbo bomai bidi dabe dao. Megi augwali ami bidi dabe tigidali kantri dabeba pelama, augwali polo aiyaba elaluama, tama augwali tonalubao.

Habakuk 1:6 Referans Kwoze

Te Israel me Juda Hani Sigo Tuni Bidigo Po Elalubo Buku Si 24:2

Tama tibaso, Genuai Bidi Godigo te Babilon hani bidi me siyu, me te Siria hani bidi dabe me siyu, tama me te Moap hani bidi dabe me siyu, tama me te Amon hani bidi dabe me siyu elama, tama te king Jehoiakim dali boi hwįnama, tama te Juda hanigo bulu Jerusalem taun dolomainu Genuai Bidigo tagala palali. Genuai Bidigo agai tama tiali sę te agai te profet bagebolo pusa mani poba usu nigi pai, te profet bidi dabe te aga sę ebo bidi dabe da.

Jeremaia 5:15

Ena Genuai Bidi, eno dage Israel we bidiba te tama po obao, eno te digibulu bidi hani bage selama, odasa aselama, te dage dali boi hwįmainu yaibao. Augwali te bomai hani bidi te augwa tǫ kantride polobadu mu bidali. Dagego te augwaligo wabo po page me konegobeo, magi baso meni, dagego augwaligo po konebe dao.

Jeremaia 25:9

Tama tialima, odao. Ena Genuai Bidi, eno te not badu bidibo Israel hani isąwai bage hani tigidali i waibao. Tama me, te eno ena sę bidi i waibao, te king Nebukatnesar, te Babilon bidi dao. Tama eno te hani dabe odasa aselama, te e Juda dabego tǫ dolama, te tǫ pąde bidalubo gasa we bidi hani dabe me dolaibao. Eno te not badu hani dabego augwali mu dola silimainogo elama, tama augwali sesemane sogo doludaibao. Te gasa hani we bidi dabego subo sogo da, te augwali dwai noma mu siyu, wi umabo mu yaibao.

Aisaia 23:13

Te Babilon dabego tǫ suiąo, te bidi dabe me tede bidibeo. Magi baso meni. Te Asiria dabego augwaligo bulu dolai dao. Tama augwaligo bulu te bulu hasa dabego bulu gagalai dao. Te Asiria dabego te augwaligo hanu obo bobegelama, sai ela pai dao. Tama augwali te sai dabede dolaluyu, tama augwali dali hwį yai dao. Tama augwaligo te hanu dabego bomai obo dabe hųgiai dao. Tama te hanu dabe sese tama dolai dao.

Jeremaia 21:4

“Genuai Bidi, dena Israel hanigo God, agai te tiwai po wali po wao, ‘Megi da, te Babilon kingo aga ami dabe dali te Jerusalem bagulubo sę ebao. Tama dage Israel ami dabe te obo buluba dinama, te augwaliba hwįbao. Tialima, eno te Babilon dabe, te Kaldia dabego, te dage Israel aiyaba elalumainogo elama, te eno dagegoami bidi dabe te hwįbo nai dabe tolama, te taun tomobasomainogo yaibao.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 4:6

‘Te we bidi dabe te Saionba pomainu po walobo plak ugwa ugwaba sao,’ wali. ‘Dage me bidigio. Dage wi pelama, duala sigi pao. Magi baso meni, eno digi te tǫ boi bidi dabe not badu bidali tagalama, te dage mu dolagasomainu ebao,’ wali.

Tuni Bidi Dabego Po Elalubo Buku Si 36:17

Tialima Genuai Bidigo te Babilon king aga ami bidi dabe dali augwaligo te Juda dabe dolomainu tagala palali. Te Babilon dabe augwaligo te Juda dabego gesi bidi te tigidali Jerusalemde ela siliyu, me te Genuai Bidi aga bede ela siliyu yali. Kingo Juda dabe hobede dwasianu me ebeo. Mu menio. Te Babilon dabe augwaligo te Juda dabe gesi bidi me gesi wegi sese tama, me monu dabe, me te mosi dabe mu yai bage pąde tama te isabo ąǫ yai bage te Genuai Bidigo te Juda dabe sese tama te Babilon kingo nogoba muani.

Tuni Bidi Dabego Po Elalubo Buku Si 36:6

Tialima king Nebukatnesar te Babilon bidigo te Juda dabe dali hwįagaselama, tama Jehoiakim kalabus elama, tama aga sengo haliga gebelama, tama Babilonba odasa pali.

Jeremaia 4:11

Te boi bidi dabe asobo sogo, Genuai Bidigo te Juda me Jerusalem we bidi dabeba te tiwai po mawaibao wali, “Te posolai wali dabe te tǫ wa pai bulu du dabede hogodaibao, tama wali te eno we bidi dabeba asaibao. Tialima, te wali asobo te dwai kolesaga sela sąwainogo naga me asobeo, te waligo te wit pobele bage hogomu sela sąbo tiwai me egobeo. Menio.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Jeremaia 13:20

“Taun Jerusalem, nago gedu pedama, tama te not badu pedai tagalama, te nageba asobo bidi hani te nago tonao. Te nago augwaliba wiegi yai pemene eyu, te tonalubo we bidi augwali mena bidibawe?

Jeremaia 21:7

Te ena Genuai Bidi, eno te tiwai po maobao. Hauwa we bidi te gasigo isiyu, me te hwįbode, me te nai menia siyu me isaibao. Tama nosali te enoking Nebukatnesar me aga ami bidi dabego dali, te king Sedekaia dali, aga ami ofisa dabe me, te bidaluali webidi dali, sela paibao. Te boi bidi dabego dage elainogotonalubao. Te Nebukatnesargo po obaso, te augwaligodage te bainat hwągo ela mueibao. Te agai dage homudene me isąyu, te olo tau sabo kolesaga yaiba homume egobeo. Te agai dage me deli bidimaina olama mesula tagalogobeo.’”

Esekiel 16:40

“Te abagi dabego te we bidi dabe homu hodolobaso, te augwaligo nageba masigi sąyagaselama, tama augwaligo te bainat hwą selama, te nago tigi dwasianu denegene mimiaibao.

Esekiel 21:31

Eno dagede haliga sębę ebaso, te dage eno dolaibao, te genuai isi bogoligo te kala isi dala sabo tiwai yaibao. Tama eno te bidi dabe dolobo koneai bidi dabe tagala palama, te augwali aselama, dageba dwai dene magasaibao. Te bidi dabego te gasa bidi dabeba dwai kolesaga ebo godolo mu ebo dao.

Esekiel 28:7

Tama tibaso, eno te homu dene isąbo boi bidi dabe dwai mu teba tagala palama, tama nage dali boi hwįmainogo yaibao. Tama augwaligo nago naga homu kolesagago sali wiegi wiegi yai nai dabe tigidali dolagasaibao. Awe, nago gawebo nai dabe sese augwaligo dolaibao.

Esekiel 31:12

Tama homu dene isąbo bidi hani dwai mu dabe mu aselama, tama te ni bǫ gelama, tǫba degelama, tama olo tǫde elalumainu yali. Tama agai nologo dabe da, te bulu du dabeba, me malu buluba, me bulu bubiabi togoaluai madi totogaluai dao. Tama te we bidi hani augwali polobadu te ni nologode polobadu duala sagasiyu yali, te bage augwaligo tagalama, subigila pepelawai dao.

Te Israel me Juda Hani Sigo Tuni Bidigo Po Elalubo Buku Si 24:1

Te Jehoiakim aga te Juda hanigo king bidi nigilama bidibo sogo, te Babilon bulu king bidi Nebukatnesargo te aga ami soldia bidi dabe selama, tama te augwaligo te Juda hani dabe dali boi hwįagasali. Tama te augwaligo te king Jehoiakim aga hani dali augwali aiyaba elaluali. Tiali goli, nosali te kibu be sela silibo si, te king Jehoiakim agai homugo te king Nebukatnesargo aga munu me tonalugobe homu yali, tama teyu, te king Jehoiakim aga te king Nebukatnesar dologode munu ma bidibe.

Jeremaia 30:5

“Ena Genuai Bidi, eno te po obao, te we bidi dabe haliga dua tegaluama bidibeo. Menio. Augwali wi umagia mu elama, te augwali dwai gela mu wai dao.

Joel 2:3

Augwaligo te nai yabe me, nosai me, tula silaibao, te kala siago dabo tiwai yaibao. Te augwali te pedalisąwani pesagede digi te wiegi yai te Iden gi tiwai elaluali, tiali goli augwaligo te nai yabe tigidali tula silali pesagede, te bulu tǫ wa pai pedelali. Augwaligo te yabe deli me elalumainu me sula tagalubeo. Augwaligo mu silalio.