Habakuk 1:4 - Godigo dwagi yai po buku

⁴ Tama te we bidi augwaligo po tų ebo si, augwaligo te nago bomai po wali pisąma, tama augwaligo homugo te bomai po te olo nai dao tiwai homu ebao. Tama sesemane sogo te bidi dabego doloba pai kolesaga wali pabeo. Te dwai bidi dabego te doloba pai bidi dabe aiyaba elaluama, tama nago bomai po te hųgia sabo dao.

Habakuk 1:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 119:126

Te we bidi dabe augwaligo nago bomo yai po bolobao. Tama tibaso, megi da te nago dene augwaliba mabo sogo dao.

Jopgo Po Asęani Elalubo Buku 21:7

“Magi baso Godigo dwai kolesaga ebo bidi dabe sula tagalama, tama augwali bugagia bidama, augwali monu dabe ebo da, agawe? Tama magi baso agai augwali genuai nogi selama, nai dabe hauwa elalumainu sula tagalaliwe?

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Esekiel 9:9

Tama Godigo te tiwai po wei ponani, “Te Israel me Juda we bidi dabe augwaligo dwai sę hauwa mu elama, te augwaligo yali sę page genuai mu elalubao. Augwaligo tǫ kantri te eno augwali tagalali da homu elama, te eno augwali homu kone munu ma ebe homu eyu, te augwali eno sube homu yali. Tama tiyu, augwa te dwai kolesaga hauwa mu ebaso, te Jerusalem we bidi ela mubadi, te gasa tǫ kantri pedai bage me tigidali ela muai dao.

Amos 5:12

Magi baso meni. Dagego sęgę dabe dwai mu elalubo eno koneani, tama eno koneani, dagego sęgę hauwa mu elalubao. Dagego dwai sę te wiegi yai bidi dabeba ebao. Dagego te dobo sę ebo bidi dabego nogode te mone ge dabe sabo dao. Tama te po tų ebo si, te magi nai meni yai bidi dabego gasa bidi dabe aiyaba elaluidali weyu, dagego te po tų dolobo dao.

Hosea 10:4

Te king dabego da tau sabo po olo gani bole tiwai yali. Te augwaligo olodali dąų walobo po hauwa olama, tama augwaligo te olodali naga te gasa tǫ kantri king bidi dabe dali po minama, dąų walobo dao,” augwaligo te po waibao. Te Israel dabego te doloba pai kolesaga tagalu, te tobage dwai kolesaga naga ebo dao. Tama te tobage dwai kolesagago te dwai nosaide te bidi dolabo nai elalubo tiwai ebo dao. Tama tiyu, augwali tomode te po tų hauwa pedalobo dao.

Aisaia 5:20

Dage dolaibao. Te dagego haniani nai hasegelama, tama te po wabo dao, “Dwai kolesaga te wiegi yai dao, te wiegi yai kolesaga te dwai dao,” wabo dao. Me, dagego te po wabo dao, “Te hulia sali te ula dao. Me, te ula ebo te ma huli sali dao,” wabo dao. Tama me dagego te po wabo dao, “Te ha ebo nai te pusu ebo, ma te pusu ebo nai te kelede ha ebo,” po wabo dao.

Bomai Po 16:19

Te bidi dabe augwaligo te po tų odobo kolesaga te doloba pai kolesagadu naga yao. Augwaligo te po tų ebo dolama, tama bidi meba naga tau selama, tama te bidi meba aiyaba me elaluamuo. Tama augwaligo te bidi mebago augwali nai momainogo me elamuo. Magi baso meni. Te bidi gugu po olama mabo te nai dabego te doloba pai bidi dabego kolesaga dolama, tama te wiegi yai homu kolesaga yai bidi dabe te po tų ebo sogo augwaligo te po tų eyu, po bugagia dodologobeo.

Ma Dobola Sali 23:6

“Tama te magi nai meni yai bidigo magi nai me delide po tų yagasobaso da, dagego agai po tų ebo mesegelama, aiyaba elalugio.

Ma Dobola Sali 23:2

Tama bidi hauwa augwaligo te dwai kolesaga ebaso da, teda augwaligo te ebo kolesaga wali pigio. Ma, augwaligo te po tų ebode augwaligo tibo po weyu, te po tų dodolobo sę doloyu eyu da, teda augwali dali deli homu eyu, augwaligo te ebo kolesaga me wali pigimio.

Polgo Po Pas Rom Dabeba Asęani 3:31

Dago e po wabo dao: we bidi augwaligo Kraisde konealubo po dąų obaso, te Godigo augwali aga gedude doloba pai we bidi ilaibao. Tama te po wabogo dago te bomai po dolobo dawe? Mu menio. Dago te bomai po page hania haninama tama te page da bugagia wali pabo dao.

Godigo Sęba Tagala Palai Bidigo Po 7:59

Augwaligo Stiven tigiba masigi sąbo sę ebadi, Stivengo te Godibolo te po wai, “Jisas, Genuai Bidi, nago eno mobo megi sao,” te po wai.

Godigo Sęba Tagala Palai Bidigo Po 7:52

Polobadu duga wąį dabe augwaligo Godigo dwagi yai po pusa mabo bidi dabe tigidali ela silali. Me deli bidibawe? Mu menio. Polobadu mu Godigo dwagi yai po odasa pabo bidi dabe augwaligo te po wai, ‘Nosali God agai dwagi yai dolo sę ebo bidi asaibao.’ Tialima, duga wąį dabe augwaligo te po odasa pabo bidi dabe ela muani. Megi tama dagego te Godigo dwagi yai dolo sę ebo bidi ela muai.

Dwagi Yai Gesi Po Makgo Asęani 7:9

Tama agai augwalibolo te po me wali, “Dagego te Godigo bomai po tagalabo bugagia koneama, tama duga digi ebo kolesaga wali pabo dao.

Godigo Nogi Ugwaba Sabo Tęąbi Po Wabo Buku Dabe 94:3

Nisu naga sogo dwai sę ebo bidi augwaligo ebo kolesagade dwagi yai homu egowe? Genuai Bidi, augwaligo bidabo sogo nisu naga elalubawe?

Godigo Nogi Ugwaba Sabo Tęąbi Po Wabo Buku Dabe 59:4

Genuai Bidi, augwali dali eno dwai sę me isiąyu, tama eno nago bomai pode hagoma me ebeo, tama eno magi nai me delide magi dwai sę me ebeo. Tiali goli, augwali asesa pelama, te ena dali hwįainu pąba bidagasai elaluali.

Godigo Nogi Ugwaba Sabo Tęąbi Po Wabo Buku Dabe 59:2

Nago ena te dwai bidi dabego nogode dagala sao. Tama ena ela muainu ebo bidi dabede nago ena ma dobola sao.

Amos 5:7

Ae, hobede ya, dage po tų ebo dolobo bage, me dage te doloba pai kolesaga aiyaba elalubo bidi dabe, te dage tigidali mu dolaibao.

Jeremaia 12:6

Te sęgę dabede te me deli te tiwai elalubao. Te naga hani dabego digi te nageba dwai sę yabo po mia salio. Te nage augwaligo nage pobeasa pabo tiwai elama, te pąde nage pageabi yainu ebo tiwai yaibao. Te augwaligo nage dali wiegi yai po obadi, te tagalao, nago augwaligo poba homu kęą pelamu dao,” wali.

Godigo Nogi Ugwaba Sabo Tęąbi Po Wabo Buku Dabe 22:16

Te dwai bidi dabego ena te tigidali habu badu te yowigo uni hasa pobeasa bilibo tiwai gilama ebao. Augwaligo eno sągąde me nogode te augwaligo gąųgo kelebao.

Godigo Nogi Ugwaba Sabo Tęąbi Po Wabo Buku Dabe 11:3

Tama tibaso, te we bidi dabe augwaligo te bomai po dologode bidibo kolesaga tagaliyu da, teda dwagi yai kolesaga ebo bidi aga mena tama tegowe?” Dagego enabolo te po wali.

Te Israel me Juda Hani Sigo Tuni Bidigo Po Elalubo Buku Deli 21:13

Tialima, te dwai bidi si Nabot pąba dolo si dugayagasali, te we bidi dabego gedude augwali sigo tibo po kisilama, Nabotba te tiwai po wali, “Nabotgo te dwai posobo po te Godiba me kingba walio,” wali. Te we bidi augwaligo te wabo po odolama, tama augwaligo Nabot te bedu taun buluba sela solama, te augwaligo agaba masigi sąnama, aga ela muai dao.

Godigo Nogi Ugwaba Sabo Tęąbi Po Wabo Buku Dabe 22:12

Te boi bidi hauwago ena te bulmakau dabe pobeasa bilibo tiwai ebao. Augwali te Basan bulude omai bulmakau dabego bomo tiwai gilama ebo dao.

Aisaia 59:12

“Genuai Bidi, te dago dwai sęgę nago gedude hauwa mu elama, te sęgę dabego da po tų ilali. Tama dena digi dena yali te dwai sę tigidali bugagia koneai dao. Mu tama, dago dago dwai sę hauwa yali dao.

Jeremaia 8:7

Te tobage genuai ba me dwasianu bago te augwa me badu me bidagasobo sogo koneama, te taga pabo sogo me konebo dao. Tiali goli, eno we bidi augwaligo te ena Genuai Bidi eno bomai po homugo konebeo,” wali.