Habakuk 1:13 - Godigo dwagi yai po buku

¹³ Te Babilon dabe augwali te tibo po wabo bidi dabe dao, me augwali te haniani dwai sę ebo bidi dabe dao. Mena tama mu tibaso, nago augwali nago sę emainogo sula tagalobawe? Eno koneani, nage doloba pai mu elama, tama nago dwai kolesaga ebo bidi dabe po tų ela mayu, tama augwalibolo dwai pe wei ponobo dao. Tiali goli, te Babilon bidi dwai dabego te bidi meba dwasianu wiegi yai bidi dabe dolobao, tama nage ma olo dulaluyu tonalubao. Nago magi baso tama tibawe?

Habakuk 1:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 50:3

Dago God aga megi da te asobao. Tama pedauwali me pania sabeo. Mu menio. Te tigidali nai dabo sia bogoli te aga asobodu polasa paibao, tama genuai wali me, tulubagego me, aga bagulama, elalubo dao.

Godigo Nogi Ugwaba Sabo Tęąbi Po Wabo Buku Dabe 10:15

Nago te dwai sę ebo bidi dabego bomo silao. Nago te augwa yali dwai kolesaga deli deli wei ponama, tama mu usu nao.

2 Samuel 4:11

Tama megi dage sigo te bidi me deli te aga bede pila munubadi, te odolali mu ela muanio. Dage si te dwai bidi si mu. Tama dage sigo homugo te dage si eno gogolama, bidaiba homu eyu, yali da, agawe? Mu menio. Te eno dage sigo dwai kolesaga yali sę wei ponoyu, tama eno dage sigo bidabo ula me mu sia somainu yaibao,” Devitgo te po wali.

Godigo Sęba Tagala Palai Bidigo Po 2:23

Tama Godigo polobadu mu koneama tiaibao homu elama, agaduba homugo po polo dąų waluyu homude tiwai, te Jisas augwaligo dagego nogode muaibao. Tama dagego dwai bidi dabego Jisas elemainu ola mobaso, tama augwaligo aga ela muani.

Aisaia 64:12

Genuai Bidi, nago te sę dabe sulama, nago haliga hogodiyu, te magi sę me deli yabo homu ebo meni da, agawe? Te nago homugo dago te sęgę hauwa tolodumaina homu elama, tama nago dago gedu haluasa po wabo wei ponisąma eba, agawe?

Aisaia 33:1

Dage te gasa bulu dabe dolobo hani, dage dolaibao. Te mu tama, dage me dolobe dao. Tiali goli, dagego gasa bulu dabe dolobo bodolu sia saibao. Tama duga digi duga dolaibao. Dagego te gasa hani dabe ili po walama, tama dagego te po mia selama, tama dagego augwali te boi bidi dabego nogoba mubo dao. Te mu tama, te gasa hanigo da dage me ili po me ola masiąbadi goli. Tiali goli, dagego te gasa bidi dabe ili po wabo sogo te sia saibao. Tama te gasa bidi dabego dage ili po olama, tama dage te boi bidi dabego nogoba muaibao.

Aisaia 21:2

Eno te sę te God ena mani na me deli dwaide suali. Eno Godigo te po wabo odali, “Te Babilon dabe te ili po olama, geagano bilibo sę eyu, tama gasa we bidi hani dali dwai sę ebo bage dao. Tama augwaligo te kolesaga genuai mu pedalomainu ebo. Tama tibaso, te Elam ami bidi dabe, dagego te Babilon buluba hwįagasao. Tama Midia ami bidi dabe, dagego te hanu bobegela sagasiąo. Eno te Babilon dabego gasa we bidi dabebolo mani sęgę silaibao,” wali.

Godigo Nogi Ugwaba Sabo Tęąbi Po Wabo Buku Dabe 83:1

God, nago pedauwali me pania sigio. Nage odolali me dualalugio. God, nage odolali me bidigio.

Godigo Nogi Ugwaba Sabo Tęąbi Po Wabo Buku Dabe 73:3

Magi baso meni, eno suali, te dwai sę ebo bidi dabe te moni bidi pedalubaso, tama eno te hagoma ebo bidi dabego nai dabede pesa yali.

Godigo Nogi Ugwaba Sabo Tęąbi Po Wabo Buku Dabe 50:21

Dagego te tiwai yali, tama eno po deli me wabeo. Tama dagego te ena te dage tiwai tobage da homu yai. Tiali goli, mu menio. Megi eno dageba wado po olama, tama dage te pepeli diliba sela munama, te po tų ilaibao,” wali.

Godigo Nogi Ugwaba Sabo Tęąbi Po Wabo Buku Dabe 35:22

Tiali goli, Genuai Bidi, nago te bidi dabe augwali sualio. Tama tiyu, nago pedauwali panialuamuo. Genuai Bidi, nage enade te digibulu me bidilamu dao.

Jopgo Po Asęani Elalubo Buku 15:15

Te ensel dabego bidi edelali. Tiali goli, Godigo augwaligo me badu kolesaga doloba pai subo menio. Tama dagalude nai dabe me Godigo agai gedude dwagi yai menio.

Esta 4:14

“Te megi e sogo nago pedauwali pania sobaso da, teda gasa nai mego da tau saibao. Tiali goli, nage da isaiba, tama nago we wai hani dabe augwali te mu silaibao. Tiali goli, nage te gavman tuni we kwin pedelaligo te da megi sogo tau sogowe, te dago konebeo,” Mordekaigo te po ola tolali.

Te Israel me Juda Hani Sigo Tuni Bidigo Po Elalubo Buku Deli 2:32

Genuai Bidigo te wei ponobo dwai kolesaga te Joapba me iduaibao, te aga yali dwai sęde te tama tiaibao. Joapgo te Nergo ogwa, Apner, te olo dali elali, tama te Amasa, te Jetergo ogwa me elali. Apner te Israelde ami bidi dabego polaluali ofisa bidi, tama Amasa te Juda bage ami bidi dabego polaluali ofisa bidi da. Te bidi si te wiegi yai bidi si, tama te magi dwai sę me isiąwai, tama augwali sigo kolesagago te Joapgo kolesaga aiyaba elaluali. Tiali goli, Joapgo te eno ayabolo po me wasiąma, tama agai te aga homugo digi te bidi si ela muai dao.

Jopgo Po Asęani Elalubo Buku 21:7

“Magi baso Godigo dwai kolesaga ebo bidi dabe sula tagalama, tama augwali bugagia bidama, augwali monu dabe ebo da, agawe? Tama magi baso agai augwali genuai nogi selama, nai dabe hauwa elalumainu sula tagalaliwe?

Godigo Nogi Ugwaba Sabo Tęąbi Po Wabo Buku Dabe 18:26

Te bidi me deligo te meda mu meni yai kolesaga ebaso da, teda nago me agaba te wiegi yai kolesaga ola mabo da. Tiali goli, te bidigo dwai kolesaga wali pobaso da, teda nago agaba te dwai kolesaga wei ponobo dao.

Godigo Nogi Ugwaba Sabo Tęąbi Po Wabo Buku Dabe 25:3

Awe, nageba te konealubo homu ąų wabo bidi dabe, te augwaligo konealubo odolali dąų omainu elama, tama me tagaliyu me egobeo. Menio. Te nageba hagoma polo ebo bidi dabe, augwali naga te dwai dene somainu elama, tama augwa yali kolesagade hale yaibao.

Godigo Nogi Ugwaba Sabo Tęąbi Po Wabo Buku Dabe 35:17

Genuai Bidi, te nisu naga sogo nago augwali sula tagalogowe? Nago ena ma siyu, tama augwaligo ena me dologobeo. Augwaligo te laiongo ena ela muainu ebo tiwai ebao, tama ena nago te augwali nogode ma sao.

Godigo Nogi Ugwaba Sabo Tęąbi Po Wabo Buku Dabe 35:25

Nago te augwade digi augwa po mia siyu, te tama po wali, “Wiegi yai mu da,” te po wabo nago sula me tagaligio. “Te dago yainu yali sę, megi da te sę yalio.” Nago te po augwaligo omainu me igio, “Dago aga dolali dao.”

Aisaia 24:16

Te we bidi te tǫ sesegede digibulu bidibo bage augwali wiegi yai homu elama, tama augwaligo wiegi yai homu ebo tęąbi po wabo. Tama augwaligo te tęąbi po da e tama dao, “Genuai Bidigo nogi ugwaba sao. Agai tigidali sogo wiegi yai kolesaga mu ebo dao.” Tiali goli, eno e tama po wali, “Hobede mu dao. Ena wiegi yai homu mu egobeo. Eno haligade moni sęgę mu elama, eno olo dali mu sia sabo homu ebo. Magi baso meni. Te eno suali, te dwai sę eyu, ili po weyu tama ebo bidi dabego gasa bidi dabe ili po ola mani, augwali dali dwai sę yali, eno te po wali.

Habakuk 1:14

Te Juda we bidi augwali sųgų o sagado dabe meni. Menio. Tialima, nago magi baso augwali tagalama, tama augwali tobolu bidi meni yai bidiyu, olo te sųgų me sagado dabe tiwai bidimainu tagalobawe?

Sekaraia 8:17

Dagego dwai sę ebo kolesaga te gasa we bidi dabe augwaliba yabo homu me elamuo. Te dage po tų kotde dologi pabo sogo, dagego te tibo po munu me pusulamuo. Eno te tibo po wabo kolesaga, me te po tų kot po geme dualubo kolesaga, me te wado po weyu hwįbo kolesaga ebo te eno godolo mu me ebo meni dao,” wali.

Bomai Po 23:15

Tama Mosesgo po geninama weyu, te po wali, “Tialima, te olo sę bidi me deli aga te dage Israel dabego tǫ bulu badu bidiyu, tama aga tonalubo bidide wi pelama, tama aga dageba aselama, aga tau somainogo hanalu wagasobaso da, teda dagego aga ma tagala paligio.

Jopgo Po Asęani Elalubo Buku 24:23

Godigo digi augwali bugagia dua bidimainu elama, tama dwai sęgę augwaliba me pedalobo menio. Tiali goli, tigidali sogo agai augwali bugagia tonalubo dao.