Tigidali Nai Gagalama Nigali Side 9:6 - Godigo dwagi yai po buku

⁶ Te bidigo gasa bidi ela mubosi, aga digi te bidi dabego nogode isimainogo yaibao, magi baso meni, ena God eno bidi nigali, te ena noma bidi tiwai digi nigali.

Tigidali Nai Gagalama Nigali Side 9:6 Referans Kwoze

Pris Sę Ebo Bomai Po 24:17

“‘Te gasa bidi ma we ela mubo bidi yai baso da, teda dagego aga me ela muao.

Matyu 26:52

Tiali goli Jisasgo agabolo te po wai, “Te nago hwą ge aga muani madi ma bulao. Tigidali bidi te bobobage hwą gego hwįbo kolesaga ebo bidi dabe, augwali te gasa bidi dabego moni hwą gego ela muaibao.

Kraisgo Geme Dualali Sę Pedelabo Po Jonbolo Ola Mani 13:10

Niwai bidi me deli te boi bidigo aga nogo dunama tama aga kalabusiba muabo sa muani bidi, te aga te kalabusiba pomainao. Niwai bidi me deli aga te poa pai gaia gego elabo sa muani bidi, te bidi augwaligo te ge hwągo mu ela mueibao. Te tiwai kolesaga augwalibolo pedalobaso da, teda te Godigo we bidi augwaligo Godide augwa homu bugagia kęą pai we bidi bidiyu, tama augwaligo te sęgę bugagia tolao.

Israel Hanigo Namba 35:33

“Ma, dagego aga pomainu sula tagalali da, teda duga digi duga bulu eno gedude meda ilaibao. Te bidi ela mubo kolesagago te bulu meda ilibo dao. Tama te bulu wiegi yai ma ilabo sunumi deli elalubao. Te da e tama dao. Dagego te bidi aga abagi elali te bidi aga wei ponama ma elao.

Jems 3:9

Tama dago kelego naga po weyu, te dago po si wabo dao. Po me deli te dago Genuai Bidi dali te dago Aya God te augwali sigo nogi dago ugwaba sabo dao. Tama gasa po me dago kelego dwai po weyu, meba bidi dabe dali posobo po olama dolobo dao. Tiali goli, God agai tigidali tǫde we bidi aga tigi tiwai nigaligo da, Godigo nogi ugwaba sabo po dali, te bidi posobo dwai po wabo dali, te tiwai po si dago deli kelego olamuo. Eno ama dedeo, te dwai po wabo tagalao.

Tigidali Nai Gagalama Nigali Side 5:1

Te Adamgo wąį hani dabe pedelali nogi e tama dao, Godigo bidi dali, we dali, te aga digi tiwai nigai.

Polgo Po Pas Rom Dabeba Asęani 13:4

Tama aga dali wi ebo page elalugobeo. Magi baso meni, aga te Godigo sę bidi te agai nage tau siyu, tama nage bugagia bidaibao. Tiali goli, nago dwai kolesaga ebaso da, teda nage aga wi yao. Nago koneani, te gavman enesigi bidi agai te poa pai genuai hwą ge tolalubo, tama agai te olo me tolalubo menio. Te gavman genuai bidi aga da te Godigo sę bidi, tama te dwai kolesaga ebo bidibolo te Godigo nogide te wei ponama dene mabo dao.

Tigidali Nai Gagalama Nigali Side 4:14

Te nago ena e tǫde nago gedude me te sela sąwaibao po wai. Te ena bidabo bulu meniama, tama ena subigila te tǫde bilaibao. Tama bidi me deligo te ena suali da, teda agai ena ela muaibao,” wali.

Godigo Nogi Ugwaba Sabo Tęąbi Po Wabo Buku Dabe 51:4

Eno dwai sęgę nage deli dali naga yai. Eno dwai kolesaga nago gedude yai. Tama nago ena po tų ela menama, tama nago doloba pai kolesaga naga yao. Nago eno sęgę wei siyu, tama nage da, dwai sę isiąwai bidi.

Israel Hanigo Namba 35:25

Dagego aga ma oda selama, tama te isali bidi aga amago te bidi elegobeo. Tama dagego aga te duala sabo te hanuba taga palao. Te bidi te hanude bidibadi, te sogo te bidibo te tobolu bidi pris bidi isiyu bolo elama, tama nosali aga te duala sabo te hanu taga pomainao,” wali.

Pris Sę Ebo Bomai Po 17:4

teda dagego eno sel Ugwa Be sunumiba selasa aselama, te enabolo ofa tiwai mao, te nosali duga selama, tuagameo. Te dagego kibu elama, te kaneme gelama, te dagego enaba ofa me isąbaso da, teda dagego te bidi ela muani tiwai ebaso, te dagego dwai sę eno gedude elalueibao. Tibaso, dage eno hani tomode bidibo sela sąwaibao.

1 Korin 11:7

Bidigo te aga tobolu me haluamuo. Magi baso meni, te Godigo bidi nigali sogo agai aga digi tiwai nigalio, tama te bidibolo Godigo aga digi wiegi yai homu kolesaga tiwai mani. Tiali goli te we aga te aga bidigo kolesaga naga elalubo dao.

Tigidali Nai Gagalama Nigali Side 42:22

Tama Rubengo te po wali, “Eno dagebolo weyu, te dagego dena ama doligio po wali, tiali goli dagego te po me odai meni. Tama megi te sęgę dago sabo, te aga isainu yali te wei ponobao,” te po wali.

Ma Dobola Sali 20:13

“Nago we bidi ela mugio.”

Bomai Po 5:17

“‘Dagego gasa we bidi elama isiligio.’”

Te Israel Tobolu Bidi Dabe 9:56

Tama tialigo Godigo te Abimelekgo te aga ayabolo me, te aga ama solo te bidi sese sela olama te gasa bidigo nogo si, te 70 bidi dabe ela muani, te dwai sę yali wei agabolo ponai.

1 Samuel 15:33

Tiali goli, Samuelgo te po wai, “Nago bidi hauwa elali, tama megi da, te bidi dabe augwa ida dabego wai meni. Tama tiyu, megi te nago ida me, te ida dabe tiwai gilama pedelaibao,” wali. Tama agai po olama, augwaligo te Agak ela munama, tama aga dwasianu dwasianu te Genuai Bidigo gedude te Gilgal alta pąde te dwasianu tologalio.

Te Israel me Juda Hani Sigo Tuni Bidigo Po Elalubo Buku Si 11:16

Tialima, augwaligo te kwin we te Atalia tulama, tama augwaligo te aga selasa, te kibu hos te kingo be obo banis tomoba pabo tųdu pali. Tama augwaligo aga te tomoba odasa pelama, tama augwaligo te Atalia aga tede ela muani.

Bugagia Bidibo Kolesagade Po Asęai Buku 28:17

Bidigo te gasa bidi ela mubaso da, teda aga dwai dene mu saibao. Tama aga te bidibo me te bugagia me dugulalusiąyu, te aga isibo sogoba usu naibao. Bidigo aga tau selamuo.

Kolesaga Koneai Bidigo Pusali Po Elalubo Buku 3:3

Agai te bidi ela muabo sogo bodolu mubadi, agai gasi ebo bidi ma usu ilabo sogo bodolu mubadi yali. Agai te nai dabe hųgiabo sogo bodolu muyu, te nai dabe nigabo sogo bodolu muyu yai dao.

Israel Hanigo Namba 35:16

“Tiali goli, te bidigo aga abagi dali boi bidi homu elama, tama agai ain dili, ma masigi du, ma wabi dage selama, aga abagi ela muani da, teda dagego aga me ela muao. Magi baso meni, aga digi polo sęgę sai dao, aga te bidi ela muani bidi mu dao.

Bomai Po 19:11

“Ma, te bidi mego aga abagi hagela mu elama, tama geme dualaluama, tama aga dwagila mu elama, tama aga ela muai baso da, tama tilama, aga wi pelama, te hanu me deliba geme duala sigi peyu pai ebaso da,

2 Samuel 4:11

Tama megi dage sigo te bidi me deli te aga bede pila munubadi, te odolali mu ela muanio. Dage si te dwai bidi si mu. Tama dage sigo homugo te dage si eno gogolama, bidaiba homu eyu, yali da, agawe? Mu menio. Te eno dage sigo dwai kolesaga yali sę wei ponoyu, tama eno dage sigo bidabo ula me mu sia somainu yaibao,” Devitgo te po wali.

Te Israel me Juda Hani Sigo Tuni Bidigo Po Elalubo Buku Deli 2:9

Tiali goli, te nago agaba te dwai dene mao. Nago homu kolesaga te wiegi yai elama, te nago aga ela muainogo te mena sunumi wali pabo te konebaso, te aga ela muao,” te po wai.

Te Israel me Juda Hani Sigo Tuni Bidigo Po Elalubo Buku Si 11:1

Te sogo te Atalia, te king Ahasia aga idago, e tama po odali, aga ogwa Ahasia isali po odali. Awe, tama tialima, agai polo tama te ami soldia bidi dabebolo e tama po ola mani, “Dagego te Juda dabego king bidigo hani bidi dabe tigidali ela silao,” wali.

Te Israel me Juda Hani Sigo Tuni Bidigo Po Elalubo Buku Si 11:20

Tama tigidali we bidi dabe augwaligo te bugai homu pemene genuai mu eyu, tama augwali te Jerusalemde augwaligo nagamea pai haliga naga me elama bidali, magi baso meni, soldia bidi dabego te kingo be pąde te kwin we Atalia augwaligo elali.

Tuni Bidi Dabego Po Elalubo Buku Si 33:24

Me sogo bubugade Emon aga ofisa bidi dabe sisinama, tama aga elabo po sunumi gegiyu po miani. Tama nosali augwaligo aga king be tomode elama isilali.