Tigidali Nai Gagalama Nigali Side 9:4 - Godigo dwagi yai po buku

⁴ Tiali goli, te nai me deli da dagego me tugio, te kaneme hauwa me elalubo mi, magi baso meni, te kaneme da, te bidibo ula elalubo page te dao.

Tigidali Nai Gagalama Nigali Side 9:4 Referans Kwoze

Bomai Po 12:23

Tiali goli, dage te hasa dabe augwa kaneme dali dagego tulamo dao. Magi baso meni, kaneme da, te tigidali bidibo nai dabego bomo mabo page nai dao, tama dagego te bidibo ula mabo nai te kaneme tugio.

Bomai Po 15:23

Tiali goli, dagego te hasa dabego kaneme tugimio. Menio. Dagego olo wę yali gilama tǫba gea palao,” Mosesgo te Israel dabebolo te po wai.

Bomai Po 12:16

Tiali goli, dagego augwaligo kaneme tulamo dao. Mu menio. Dagego tǫba olo wę yali gilama, olo tǫba gea palao.

Godigo Sęba Tagala Palai Bidigo Po 15:20

Me ma, dago augwalibolo pas tolinao. Tama te pas tomode te po wainao, ‘Dagego te augwaligo te tibo godibolo ula mabo nai te dagego tugimio, dagego kibu me agai kaneme gelisąwai kibu tugimio, kaneme me tugimio. Te we sabo bomo yai po bolama, dwai penani sę egimio,’ waibao.

Pris Sę Ebo Bomai Po 7:26

“Dage Israel, dage te mena bulu pedaide bidibo we bidi, dagego munu me te kibu hasa me ba dabe te kaneme dali me tulamu dao. Te kolesaga ebo habu mu selibao.

Godigo Sęba Tagala Palai Bidigo Po 15:29

Dago homugo e po naga dagego wali piąo. Dagego te augwaligo te tibo godibolo ula mani nai dagego tugimio. Kaneme me tugimio. Agai kaneme gelisąwai kibu tugimio. Dagego we sabo bomo yai po bolama, penani egimio. Tama dago e ola mani po dagego wali peyu da, te dage bugagia bidaibao. Tama dao. Dage tao,” te po asęani.

Pris Sę Ebo Bomai Po 3:17

Te dage Israelgo te kibu ili ma kaneme munu me tugio. Habu mu dao. Dage me te nosali pedalubo hani wąį dabego te bomai po sesemane wali pidubadi geao. Te dage menaba bidigi pali bulude me te bomai po tagaligio, dagego te bomai po wali pao,” te po wai dao.

2 Timoti 4:4

Magi baso meni. Dago koneani, te Godigo nigali nai tigidali, te wiegi yai naga yai. Tiyu dago sąyabuo. Dago Godibolo usu da weyu gedu haluasa po olama sao.

Pris Sę Ebo Bomai Po 19:26

“Dagego te kaneme elalubo kibu mi tugio. Te dagego haniani pobi wabo sę me te kebele aubo sę me igio.

Godigo Sęba Tagala Palai Bidigo Po 15:25

Tama megi da deliba sisinagaselama, dago deli homu elama, te bidi si dage pageba tagala palali. Augwali si Pol dali Barnabas dali si hodobo pali. Pol dali Barnabas dali si te dago godolo mu ebo da.

Bomai Po 14:21

“Dagego te hasa dabe olo dali isai tulamo dao. Te gasa bulu bidi dagego bulude bidiba, te bidi dabego te hasa tumainogo tagalao, ma augwaligo dageba abelemainogo yao. Tiali goli, dage da, te God Genuai Bidigo we bidi dao. Dage aga tedali gasagi yai hani we bidi mu dao,” wali. “Dagego te meme kibu so me deligo ame pę te senede tabilama, tama te meme so kibugo digi gǫų tede ma ulamo dao,” wali.

1 Samuel 14:32

Giliga degasa dulai madi, teda augwali udulama, te sipsip me bulmakau dabe te boi bidi dabego nai dabe sali, te nai dabe sigi pali. Tama augwaligo ulama, tama te mi kaneme elalubadi tuali.

Esekiel 33:25

Tama tibaso, megi da eno homugo nago te po augwalibolo pusa mao. Ena God Genuai Bidi eno te po e obao. Dagego dwai kolesaga hauwa ebo dao. Te dagego te hasa dabe tuainogo elebo sogo, dagego kaneme dabe sela sąbo menio. Me, dagego tibo god dabeba lotu po weyu ebo dao. Me, dagego bidi dabe ela muyu ebo dao. Mena tibaso dagego te tǫ saiba homu ebawe?