Tigidali Nai Gagalama Nigali Side 9:15 - Godigo dwagi yai po buku

¹⁵ Tama tiyu, eno te po dage dali, me te hasa sibi dabe dali, te dąų wali po eno homugo konealu, teda te tiwai wę asiyu, te bidibo ula elalubo tigidali nai dabe me dologobeo.

Tigidali Nai Gagalama Nigali Side 9:15 Referans Kwoze

Bomai Po 7:9

Dagego te tiali sę wiegila koneiąwe, God dago Genuai Bidi aga deli naga te God mu dao. Tigidali sogo agai aga po dolo wali peyu ebo dao. Tede aga munu me tulalubeo. Tama tialima, agai aga dąų wali po wali peyu yaibao, tama agai te we bidi augwaligo aga godolo eyu, agai bomai po wali pabo we bidi, augwali hani te nosali nosali pedalua pabo bage, augwali 1,000 solo usu siyu, tama agai augwali godolo mu eyu ebo dao.

Esekiel 16:60

Tialima, eno digi nago te bolali bomai po dąų wali te eno homu kone me gegeda palogobeo. Tialima, eno gesi bomai po nage dali dąų walama, tama te dąų wali gesi bomai po te sesemane elalua paibao,” wali.

Godigo Nogi Ugwaba Sabo Tęąbi Po Wabo Buku Dabe 106:45

Agai augwali homu dene mu elama, tama aga dąų walali poba homu kone ma palali. Tama aga homu ma hasegelalio.

Te Israel me Juda Hani Sigo Tuni Bidigo Po Elalubo Buku Deli 8:23

tama gedu haluasa po te tiwai wali, “God, Israelgo Genuai Bidio, te nage tiwai god me deli te dagalu ugwadu ma te tǫ aiyadu me bidibeo. Tama da te nago gedude bugagia bilibaso da, tama te dwai kolesaga me yabo homu isiąyu ebaso da, teda nago te naga sę ebo bage da dali te dąų wali bomai po te bugagia wali pomainu elama, tama sesemane sogo nago da godolo mu ebo dao.

Ma Dobola Sali 28:12

Tama te masigi si te nagide bolai elalubo kukulu siba kęnama, tama te Israel hani augwali dąį yai tiwai elaluaibao. Tama Arongo augwali nogi te aga nagide tolasa bilibaso, tama Genuai Bidi eno sulama, tama eno bidi hani te eno homugo augwali sesemane sogo kone palaibao.

Dwagi Yai Gesi Po Lukgo Asęani 1:72

Agai dago wąį dabe moni hobede eyu, tau saibao wali bidi te asalio. Tama agai polobadu bodolu mani aga me konealubao.

Jeremaia 14:21

Tialima, nago te naga genuai nogide homu kone palama, te nago naga be homu koneao, te naga wiegi yai king duabo sia sai tiwai elalubao, tama te boi bidi dabego te be dolomainogo sula tagaligio. Tama nago te bomo yai po da dali dąų wali homu kone palama, tama naga te dąų wali bomo yai po boligio.

Nehemia 9:32

“Dago God, nago genuai nogi me genuai bomo elalubao. Da tigidali te nago bomo dologode bidibao. Tigidali sogo nago te naga dąų walali bomai po wali pelama, tama nago dabolo te olo mu tau sabo wiegi yai kolesaga ebao. Megi da te genuai sęgę tolai, tama tiyu dago homugo nago da homu koneama tau sao. Polobadu te Asiria king dabego te dago kingba, me tobolu bidi dabeba, me pris, me profet dabeba dwai sę eyu, te dago wąį nǫų dabeba me te tiwai yai. Tama te sęgę dade elalua asidubadi, te megi e sogoba usu nagasobao.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Tigidali Nai Gagalama Nigali Side 9:11

Eno dage dali e tama pogo dąų obao, eno po dąų mu weyu, te bidibo ula elalubo tigidali nai dabe te eno munu me ma te ąįgo me dologobeo. Tama wę asiyu, te e tǫ munu ma dologobeo,” Godigo te po wai.

Tigidali Nai Gagalama Nigali Side 9:14

Te eno dagalude te pǫ pedalumainogo ebo sogo da, teda te unigi bidi me pedelaibao.

Tigidali Nai Gagalama Nigali Side 9:10

Tama eno te tigidali bidibo ula elalubo nai sibi dali me te bomo yai dwagi yai po dąų obao, te ba dabe me, te bidigo negebo hasa dabe me, tama te bulude bidalubo uni hasa sibi dabe me, tigidali te dage dali sip tomode bidaluai.