Tigidali Nai Gagalama Nigali Side 8:21 - Godigo dwagi yai po buku

²¹ Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Tigidali Nai Gagalama Nigali Side 8:21 Referans Kwoze

2 Korin 2:15

Mu tama, dena digi te pusu yai denami ebo nai te Kraisgo selama tama Godibolo mabo tiwai dao. Te denami te Godigo augwali ma sabo tų tomode bidibo we bidi dabe augwaliba me, tama te bidi dolabo tų tomode bidibo we bidi dabe augwaliba me te denami pedalobo dao.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Tigidali Nai Gagalama Nigali Side 6:5

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

Polgo Po Pas Rom Dabeba Asęani 3:23

Magi baso meni. Da tigidali bidi dago dwai sę yai dao, tama da tigidali te Godigo wiegi yai usu niba kadu wabo usu menio.

Esekiel 20:41

“Te dage bidali tǫ kantri dabede eno dage selama, tama dage ena te bulu duba odasa asobo sogo da, teda eno bugai haliga pemene dageba eyu, te eno wiegi yai ofa ebo denami ebaso pemene homu ebo tiwai yaibao. Te gasa hani bagego eno te tama sę dageba ebo sulama, te tiwai augwaligo koneyu, eno kolesaga te dolo mu ebao po waibao.

Matyu 15:19

Tama bidigo homu kolesagadu te haniani dwai sę ilabo homu pedalobo dao. Tama te tobage homu eyu, augwaligo po weyu, tama augwaligo te bidi ela mubo kolesaga me, te we sabo sę dolobo kolesaga me, te hale ilibo penani kolesaga dabe me, te nai wi sabo kolesaga me, te po tųde tibo po wabo kolesaga me, te bidi nogi posobo po wabo kolesaga me, te tobage dwai dwai sę ebo dao.

Kolesaga Koneai Bidigo Pusali Po Elalubo Buku 7:20

Te doloba pai bidi me deligo wiegi yai kolesaga sesemane sogo me idugobeo. Menio. Me sogo agai me sęgę sabo dao.

Tigidali Nai Gagalama Nigali Side 3:17

Tama Yawe Godigo bidibolo te tiwai po wai, “Nago te naga wego po odolama, tama eno nagebolo te tugio olama habu selali nedu du te nago tualio. Nago tama tiwai yaibaso, teda eno te tǫ dolama, tama te nai dabe bugagia holomainogo me egobeo. Naga digi naga te sę dene mu sesemane sogo iduama, te tǫde nai pedalumainogo yaibao.

Dwagi Yai Gesi Po Jongo Asęani 3:6

Tigigo ame nabo nai, te tigi dao. Tama te nai God agai Mobo Bidigo ame nabo nai da, te mobo bidi dao.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Godigo Nogi Ugwaba Sabo Tęąbi Po Wabo Buku Dabe 58:3

Te dwai sę ebo bidi dabe te augwa tigidali sogo bilibode te wiegi yai sunumi tagalali. Te augwali wąį bǫųde digi gagalali, te augwa monu dabe eboba usu nigi peyu, te augwaligo tibo po wabo sę naga yalio.

Godigo Nogi Ugwaba Sabo Tęąbi Po Wabo Buku Dabe 51:5

Nago koneai, idago ena ame nani sogo, ena dwai sę ebo bidi pedelai. Mu tama, ena idago haligade bidibadi, ena sęgę sai bidi dao.

1 Jon 5:19

Dago koneai, te tigidali tǫde bidibo we bidi augwali te Satango dologode bidibo digi, da Godigo wai dabe bidibao.

Polgo Po Pas Rom Dabeba Asęani 1:21

Magi baso meni, augwaligo God koneali goli augwaligo aga te God mu da te homu me isąyu, tama augwaligo aga nogi ugwaba me sabeo. Tama augwaligo gedu haluasa po weyu agaba puba hwi me wabeo. Menio. Te augwaligo augwa homu kolesaga te olo naiba muani, te augwaligo God gegeda peyu, tama augwaligo homu te be hulia sabo tiwai pedalai.

Jeremaia 18:12

Tialima, Jeremaia, te we bidi dabego nago po wei ponoyu, te tama po waibao, ‘Tagalao, da hagela ebuo. Dago dena homu kolesaga digi wali paibao. Da deli deligo hagoma eyu, te dena dwai homu naga wali piduaibao,’ augwaligo te po waibao,” wali.

Bugagia Bidibo Kolesagade Po Asęai Buku 20:9

Dego te tama po weyu, “Eno te ena digi te magi dwai sę me isiąwai mu, te ena wiegi yai mu te God geduba pedalu, tama megi eno te dwai sę me deli ebeo,” po obaso, te usu egowe? Bidi meni.

Jopgo Po Asęani Elalubo Buku 14:4

Da we bidi nago gedude meda mu yali. Tama dego da hasegelama, da tigi wiegi yai nago gedude ilaibawe? Mu meni.

Pris Sę Ebo Bomai Po 1:17

Nosali prisgo te ba hi bogode tola selama, te aga tigi togwao, tialima te bogo mu togwa sągio. Agai te isigo tigidali domainogo yao, te keli naga elalumainogo ilao. Agai te tiwai ebaso da, teda Genuai Bidigo te ba ofa yali denami ebo odama, te aga homu godolo elama, te bugai haliga eyu yaibao,’” wali.

Ma Dobola Sali 29:25

Tama augwaligo nogode munalubo te nai selama, tama te alta daiba ugwadu munama, te ofa ebo dabo siago tigidali domainao. Tama ena Genuai Bidi, eno te ofa ebo denami wiegi yai ebo te eno godolo mu yaibao.

Ma Dobola Sali 29:18

Tama tigidali te altaba munama, te ofa tiwai yao. Tama ena Genuai Bidi eno homu pemene wiegi yai te ofa elama, siago dabo denami ebo te eno homu pemene wiegi yai yaibao.”

Tigidali Nai Gagalama Nigali Side 6:17

Te eno te tǫde wę asobo genuai mu pedalumainu elama, te tigidali bidibo ula elalubo nai dabe dola silimainu yaibao. Te tǫde tigidali nai dabe isila silaibao.

Jeremaia 8:6

Eno augwaligo poba olo bugagia mubadi, tiali goli eno augwaligo mu po wabo me odobeo. Te bidi me deligo homu begeligi soyu, te po weyu, ‘Tegobao, eno genuai sęgę mu sali,’ po wabeo. Menio. Tigidaligo augwa homu naga wali pabo homu yali, te ami dabe hosde dugulama, te hwįgi painogo udabo tiwai ebo dao.

Aisaia 65:6

“Suao. Ena Genuai Bidi, eno te dage dwai we bidi dabego ebo dwai sę tigidali te eno bukude asęani. Tede eno sagia sogobeo. Menio. Te eno dageba dwai dene mayu, te duga yali dwai sę tigidalide dolo mu wei ponaibao.

Aisaia 48:8

Eno te tama koneani, te eno gagalama, dage te deli hani we bidi pedalumainu ilali sogo, dage te po sela sąyu, hagoma ebo hani mu pedelali. Tama tibaso, eno te nai dabe po dageba hanilama, me pusubeo.”

Aisaia 47:15

Mu tamao, nageba te homu kolesaga mani bidi dabe, te nage gesi tigi elalubo sogo te bidi dabego nage tau sali bidi dabe, te augwali homu kolesaga umuna palama, te me deligo nage tau me sogobeo,” Genuai Bidigo te po wai dao.

Aisaia 47:12

Wiegi yai da, nago te haniani bomai pobi usu sidu, te nage gesi sogo gesi tigi elalubo sogo usu selama, konea sali. Te augwaligo nage tau sabo homu yali. Te augwaligo nago boi bidi dabe wi ilama, wi paibao homu yali.

Pris Sę Ebo Bomai Po 26:31

Te eno dagego taun dabe me lotu be dabe dolaibao, tama eno dagego te ebo ofa dabe homu godolo me egobeo.

Tigidali Nai Gagalama Nigali Side 5:29

Tama agai te po wai, “Te Yawego te tǫ dolabo bomai po muanio. Megi da, te waigo da te tǫde sę dene ebo te toma nomainogo ilaibao,” te po wai. Tama tibaso, Lamek agai te ogwa nogi Noa poai dao.

Tigidali Nai Gagalama Nigali Side 4:12

Tama tibaso, nago nai te tǫde bulubaso da, te nai bugagia me hologobeo. Te nago page bulu mu meniama, tama nage te tǫ sibi usu nama, te bulu wau bilibo bidi tiwai bidaibao,” te po wai.

Tigidali Nai Gagalama Nigali Side 6:7

Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Tigidali Nai Gagalama Nigali Side 6:13

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Pris Sę Ebo Bomai Po 4:31

“Tama agai te meme kibu ili tigidali te altaba ulao. Prisgo te meme ilide te deli haliga pedalubo ofa ebo tobage kolesaga tiwaigo te ofa yao. Tama agai ili te altade ulao, te Genuai Bidigo te ofa ebo denami godolo yaibao. Te tiwai naga te prisgo te bidi ma wego sęgę sela sąbo ofa ebo kolesaga ebaso da, te Godigo agai sęgę sela sąwaibao.”

Pris Sę Ebo Bomai Po 8:28

Tama nosali Mosesgo te nai dabe augwalide ma selama, tama te siago tigidali dabo ofa ulubo alta kibu sipsip daiba te muani, tama te nai tigidali mu te isiba ulama, dela silali. Te nai dabego te pris nigali bidi dąį ebo ofa elama, te denami ebo Genuai Bidigo odoyu, godolo eyu, bugai haliga yai dao.

Israel Hanigo Namba 15:3

tama dagego ena Genuai Bidiba ofa nai ulainogo da, teda duga kau kibu, ma sipsip kibu, ma meme kibu siyu yagameo. Tama dagego te iside sese tama ulubo ofa eyu, me duga dąų wali po usu nabo ofa eyu, me genuai lotu wabo sogo me ofa eyu, me duga homugo ofa ebo me, eno te dagego wiegi yai denami ebo ofa dabe enabolo ebo ofa eno godolo ebo dao.

1 Samuel 26:19

Tialima, king, eno po te nago odomainu homu ebao. Te Genuai Bidigo digi te nage aselama, ena dolomainu yai baso da, teda eno agaba te ofa me deli eyu, tama agai te olo tau sabo wiegi yai kolesagago ena tau somainu yaibao. Tiali goli, te bidi dabego te nago ena elimainu ebo si da, teda eno homugo te Genuai Bidigo augwali dolomainu yaibao. Magi baso meni, augwaligo ena te Genuai Bidigo tǫ pedaide ela gudulama, tama ena te tibo godiba lotu wagi pomainu ilibao. Tama eno te Genuai Bidigo aga hani bageba mabo wiegi yai doado bage te eno me sogobeo.

Godigo Nogi Ugwaba Sabo Tęąbi Po Wabo Buku Dabe 58:4

Te augwaligo wabo po te bidi gąų kelebo hasamanigo kelede elalubo te bidi isibo nabi tiwai dao. Augwa olo pania siyu yali, te hasamanigo ebo tiwai, te aga olo pania selama, te aga po te me odobeo.