Tigidali Nai Gagalama Nigali Side 8:17 - Godigo dwagi yai po buku

¹⁷ “Tama tigidali hasa sibi dage dali aiyaba sela dulao, te ba dabe me, te be pąde bidalubo hasa dabe me, te genuai bulu hasa dabe me, dwasianu hasa dabe me, te tigidali te tǫba dulao. Te augwali bilaluyu, tama wai dabe ame nenama, umabo pedaliyu, tama tigidali tǫ pedai usu ilimainao,” Godigo te po wai.

Tigidali Nai Gagalama Nigali Side 8:17 Referans Kwoze

Tigidali Nai Gagalama Nigali Side 1:22

Tama augwali bugagia bidimainogo eyu, Godigo augwalibolo dwagi yai po mobo mayu, te po wai, “Te tamu ąįde haniani nai dabe geninama mu pedelama, tama te tamu ąį pągąna sao,” po wali. “Tama te ba dabe me tǫde umabo pedelao,” wai.

Godigo Nogi Ugwaba Sabo Tęąbi Po Wabo Buku Dabe 107:38

Genuai Bidigo te aga we bidi dabeba wiegi yai sę ela mani. Tama tiyu, augwa te wai hauwa ame neyu, tama agai te bulmakau dabe me hauwa pedalumainu ilalio.

Tigidali Nai Gagalama Nigali Side 9:1

Te Godigo dwagi yai po mobo Noabolo me, aga ogomani dabe dalibolo mayu, e tama po wali, “Te wai dabe hauwa mu ame nenama, te dagego hanigo te tigidali tǫ pedai pągąna sao.

Tigidali Nai Gagalama Nigali Side 1:28

Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali.

Tigidali Nai Gagalama Nigali Side 9:7

Megi da, dagego wai dabe hauwa ame nomainao, tama dagego wai dabe hani te hauwa mu pedelama, tama tigidali tǫ pedai badu pągąna sao,” Godigo te po wai.

Tigidali Nai Gagalama Nigali Side 8:16

“Nago te geba sip tagalama, tama nage naga we dali, me naga ogwa dabe, augwa we dabe dali, dage tǫba aiyaba dulao” po wai.

Tigidali Nai Gagalama Nigali Side 8:18

Tialima, Noago te sip tagalama, te aga we dali, te aga ogomani dali, te augwa we dabe me, augwali hodobo te tǫba dula silali.