Tigidali Nai Gagalama Nigali Side 7:13 - Godigo dwagi yai po buku

¹³ Tama te genuai ąį asobo gagalali side naga, te Noa me aga we me, te aga ogwa sela Siem, me Ham, me Jafet dali badi, te augwa we dabe sibi dali, augwali te sip tomoba bula sali.

Tigidali Nai Gagalama Nigali Side 7:13 Referans Kwoze

Tigidali Nai Gagalama Nigali Side 7:1

Nosali Yawego Noabolo te po wai, “Eno nage deli naga nage te tigidali bidi tomode dolo bidibo sualio. Tama tibaso, megi nage te moni geba sip tomoba, naga we wai puluba tigidali dali tomoba bula sao.

Tigidali Nai Gagalama Nigali Side 6:18

Tiali goli, eno nage dali da, te eno bomai po dąų walaibao. Nage da, naga we dali badi, te naga ogwa dabego augwa we dabe dali, dage da te moni geba sip tomoba bula sao.

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Tigidali Nai Gagalama Nigali Side 10:21

Tama Siemgo ogomani me elaluali, tama te da te Ebergo hani wąį dabe da. Siem da, te Jafetgo amanu dao.

Tigidali Nai Gagalama Nigali Side 10:6

Te e da te Hamgo ogwa dabe dao, Kus, Isip, Put, me Kenan, te tama.

Tigidali Nai Gagalama Nigali Side 5:32

Tama Noa te kibu be 500 bidama, tama aga te ogwa selago aya pedelali, Siem, me Ham, me Jafet, te tama deli deli ame nanio.

Tigidali Nai Gagalama Nigali Side 7:14

Tama tigidali haniani bulu hasa dabe me, te bede bidibo hasa dabe me, te dwasianu hasa me, te tigidali haniani ba sibi me, augwali te sip tomoba Noago hani dali pali.

Tigidali Nai Gagalama Nigali Side 8:14

Tama bidama, tama te polua si, te dei 27, te sogode te tǫ tigidali mu wa palio.

Te Israel Tobolu Bidi Dabe 21:22

Nosali augwa aya dabe me, ma te augwa abe dabe asu, tama dageba wado po wagasobaso da, teda dagego augwaliba te po waiąo, ‘Te augwali da dali bidimainu yao, magi baso meni, te da deli deligo te hwįani sogo te we me sisąwai. Tama duga digi dabolo me mabe, tama tibaso te duga dąų wali po te me dagego togobeo,’ te tiwai po augwalibolo waiąo.” Te polalubo bidi dabego te po wai.