Tigidali Nai Gagalama Nigali Side 7:11 - Godigo dwagi yai po buku

¹¹ Te Noa te kibu be hauwa mu 600 bidama, tama te si wabo polua, dei 17 nogo si olama, sągągo a naga, me badu sągągo si tama side, te tǫ dologode te tigidali genuai wę dabe te sunumi dala pela silama, tama wę ugwaba pedelali. Tama dagalude me te tigidali dedage dala pelama, tama wę aiyaba gelalio.

Tigidali Nai Gagalama Nigali Side 7:11 Referans Kwoze

Tigidali Nai Gagalama Nigali Side 8:2

Tama tǫ dologode elaluali tigidali węgo sunumi, me te dagalude dedage elaluali, tigidali te palia sali. Tulubage te dagalude ma tulusiąbadi,

Malakai 3:10

Dagego duga doado bage tigidali dobolama, te nogo si pedai elaluyu, te me deli te eno beba sesao wali. Tama eno sę bidi dabego nai hauwa elaluaibao. Dagego tama tibaso da, te eno wiegi yai doado bage hauwa umabo dageba mayu, te dage me sǫą pogobeo, te nai mubo madi te usu egobeo. Te sunumi wali pobaso da, te dagego koneyu, te eno po tigidali mu po dao waibao.

Jeremaia 51:16

Agai po obaso, te dagalu pǫ dabego te be kulu bomonama obao, te pǫ hauwa umabo hogodobao, te gasa badu gasa badu asama, deliba sisinagasobao. Agai te be sele ula ilibaso, te tulubage aiyaba tulubao. Agai te wali hodolobaso, te wali aga bidali badu tagalama, asobo dao.

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Te Israel me Juda Hani Sigo Tuni Bidigo Po Elalubo Buku Si 7:19

Tialima, te gavman sę ebo ofisa bidi megi da mu isali. Agai Elisago po wei ponoyu, e tama po wali, “Tagalao. Tialima, Genuai Bidi God aga digi te dagalude elalubo moni bakstua tų dalama, te umabo nai daba gealugi sogo da, teda eno homugo dago e tiwai dwasianu monego nai abelebo usu egi menigi da,” te po wai dao. Awe, tama te Elisago te gavman ofisa bidibolo e tama po wai, “Mu tamao, naga gedugo digi suagameo, te nai te pedalobao, tialima nago da te wit nai nago munu me usu elama te nai tugobeo,” wali.

Esekiel 26:19

“Ena God Genuai Bidi, eno te tama po obao. Tair, te eno nage te olo bulu pesage nigilaibao, te bidi meni yai taun tiwai elalueibao. Tama eno nage te genuai tamu ąįgo mesegelama, te nage aiyadu dologode mu bidimainu yaibao.

Godigo Nogi Ugwaba Sabo Tęąbi Po Wabo Buku Dabe 33:7

Agai te tamu ąį selama, te deliba naga sisinani, te bidigo te deli sene sospende naga te wę tabibo tiwai gilama yali. Agai te tamu ąi page te aga pesagede aiyadu mu elalumainu yai.

Te Israel me Juda Hani Sigo Tuni Bidigo Po Elalubo Buku Si 7:2

Tama te king tonaluyu tau sabo gavman ofisa bidi me deli aga te king dali asali. Te bidigo te Elisago wali po odali, awe, tama agai te po wei e tama ponani, “Tagalao. Tialima, Genuai Bidi God aga digi te dagalude elalubo moni bakstua tų dalama, te umabo nai daba gealugi sogo da, teda eno homugo dago e tiwai dwasianu monego dago nai abelebo me usu egi menigi da,” wali. Tama Elisago te gavman ofisa bidibolo te po wai, “Mu tama dao, tama nago te nai pedalobo suagameo, tiali goli nago te wit nai dabe munu me tugobeo,” Elisago te po wai.

Tigidali Nai Gagalama Nigali Side 1:7

Godigo te dąį pedalumainogo yali, te ugwadu elalubo ąį me, aiyadu elalubo wę me, te buguliyu tama tiali.

Matyu 24:38

Te polobadu te genuai ąį asisąbadi, we bidi augwali te nai tuyu, te wę dabe tuyu, te we siyu ela bidalubadi yaide, tama Noa te moni geba tomoba pai dao.

Aisaia 24:19

Te tǫ mali genuai mu elama, tama te tǫ tomode peda pelama, tama te tǫ dedage olo dala pai elaluaibao.

Godigo Nogi Ugwaba Sabo Tęąbi Po Wabo Buku Dabe 74:15

Nago te wę dabe te tǫde pedalumainu elama, tama te wę dabe tedu palio. Tama nago te genuai wę dabe tigidali mu sula somainu ilai dao.

Tigidali Nai Gagalama Nigali Side 6:17

Te eno te tǫde wę asobo genuai mu pedalumainu elama, te tigidali bidibo ula elalubo nai dabe dola silimainu yaibao. Te tǫde tigidali nai dabe isila silaibao.

Jopgo Po Asęani Elalubo Buku 28:4

Augwaligo te tǫ dogobo te digibulu mu tama dogogi pabo dao, te gasa bidi dabe me pisąma ebo digi. Tama augwa naga bidiyu, sę ebo dao. Augwaligo bono gebelama, tedu walawala dulubo dao, te tǫ dedageba, te sę yainu.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

2 Pita 3:6

Tama nosali te wę te tǫde te genuai asama, tama te sogo tǫde elaluali nai tigidali mesegelama dolai.

Tigidali Nai Gagalama Nigali Side 7:6

Tama Noa te kibu be 600 bidai elalubadi, tama te genuai wę te tǫde pedelai dao.

Jopgo Po Asęani Elalubo Buku 12:15

Ma, Godigo tulubage paliyu da, teda mone giliga nanama, mone poi piyu, tǫ mu wa pabo dao. Ma, agai tulubage hauwa taga paliyu da, teda wę dabe hauwa mu asiyu elama, tǫ dabe me genina mesega sabo dao.

Jopgo Po Asęani Elalubo Buku 38:16

“Te tamu ąį dologoba pelama, nago te wę pedalobo madi nago suai yali bogo. Tama nage te pesagede bilai dawe?

Bugagia Bidibo Kolesagade Po Asęai Buku 3:20

tama agai te tǫba wę pedalumainu iliyu, te agai te dagalude elalubo pǫ dabe sisinimainu ilama, tama te tulubage tulubo dao.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Tigidali Nai Gagalama Nigali Side 8:14

Tama bidama, tama te polua si, te dei 27, te sogode te tǫ tigidali mu wa palio.

Jopgo Po Asęani Elalubo Buku 38:37

Dego homu kolesaga mu te pǫ dabe nedebo usu yaibawe? Te pǫ dabe da, te sene wę tiwai te dagalude elalubao. Tama dego augwali gea palama, te tulubage tulumainu yaibawe?