Tigidali Nai Gagalama Nigali Side 6:7 - Godigo dwagi yai po buku

⁷ Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Tigidali Nai Gagalama Nigali Side 6:7 Referans Kwoze

Sefanaia 1:3

Te da, te tigidali bidi dabe, me hasa dabe, me ba dabe, me sųgų dabe, sese tama dao. Tama eno te we bidi tigidali dwai sę emainu ebo nai dabe sese tama silaibao. Te eno tigidali tǫde we bidi sese tama dola silaibao, tama deli me bidigobeo. Ena Genuai Bidi, eno po polo walio.”

Godigo Nogi Ugwaba Sabo Tęąbi Po Wabo Buku Dabe 37:20

Tiali goli, te dwai sę ebo bidi dabe, augwali da, mu dolaibao. Te Genuai Bidigo boi bidi dabe augwali te hagawaibao, te wiegi yai plauago, me nosaigo au tǫba tegaluama, te hagabo tiwai gilama yaibao. Mu tama, te augwali te sia hano te dwasianu sogo naga elaluama, tama te hano pela silibo tiwai gilama ebo dao.

Bugagia Bidibo Kolesagade Po Asęai Buku 16:4

Genuai Bidigo te tigidali nai nigilama, tama augwalide te sę dabe elalubao. Tama tiwai naga, Genuai Bidigo te dwai kolesaga yabo bidi dabe nigilali, tama agai augwali nigali te po tųde hagamainu nigalio.

Bugagia Bidibo Kolesagade Po Asęai Buku 10:27

Te nage Genuai Bidide wi eyu, aga dologode bidiyu, tama nago aga sesemane sogo wali pidu da, teda nage te tǫde sesabi elama bidaibao. Tiali digi, te dwai sę ebo bidi dabe te pęwadage sogo bidama, tama te augwali isaibao.

Hosea 4:3

tama tibaso, te tǫ wa pai. Tama te tǫde elalubo nai tigidali, te hasa dabe, me ba dabe, me sųgų dabe, te tigidali isibo dao,” wali.

Tigidali Nai Gagalama Nigali Side 6:6

Tama Yawego te polobadu bidi de we si tǫgo nigilama, te dwagi yai homu pemene yali, te homu ma koneani. Tiali goli, agai te we bidi hani dabego homu suali, te augwaligo homu te dwai naide naga konebaso, tama tede homu dene eyu, agai te polobadu dwagi yai homu pemene yali tiwai gilama ma ebeo. Te meni.

Tigidali Nai Gagalama Nigali Side 7:4

“Tama te nogo a naga olama, me badu nogo si, te tama si silama, tama eno te tǫba kulubage tagala palama, tama te kulubage tulaludubadi, te bidi sese si ulade me, te bidi sese si hulide bidibadi yaibao. Tama te kulubagego te eno te bidibo ula elalubo tigidali ena nigali nai te tǫ daide eno sela sąna silaibao,” te po wai.

Tigidali Nai Gagalama Nigali Side 7:21

Tama tǫde bidibo ula elaluali nai dabe tigidali isa silai, te ba dabe me, te be pąde bidalubo hasa dabe me, te dwasianu hasa dabe me, tama tigidali nai me, te we bidi dali tigidali isila silai.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Bomai Po 28:63

Hasia da, Godigo dage godolo mu elama, dage wiegi yai pedalama, tama dagego nai dabe hauwa elalumainogo ilai goli dao, te dage hauwa pedalama. Tama tiali goli, megi da, Genuai Bidigo dage dolama, silibo godolo mu yaibao. Tama agai dage megi te bidigi painu ebo te tǫde gudulama, sela sąwaibao,” wali.

Bomai Po 29:20

Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.

Amos 7:3

Te po obaso, Genuai Bidigo homu hasegelama, agai te tama po wai, “Nago te nade suali nai, te pedalumainu me egobeo,” te po wai.

Amos 7:6

Tama tibaso, Genuai Bidigo homu ma hasegelama, te po wai, “Te sę me, pedalugobeo,” wali.

Sefanaia 1:2

Te Genuai Bidigo Sefanaiabolo e tama tiwai po walalio, “Eno tigidali tǫde elalubo nai dabe mu dolaio.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.