Tigidali Nai Gagalama Nigali Side 6:21 - Godigo dwagi yai po buku

²¹ Tama nago te naga tuabo haniani nai badi, te haniani hasa dabego tubo nai me, te ba dabego tubo nai me selama, te moni sip geba tomoba muao,” te po wai.

Tigidali Nai Gagalama Nigali Side 6:21 Referans Kwoze

Godigo Nogi Ugwaba Sabo Tęąbi Po Wabo Buku Dabe 145:16

Awe, agai augwali usu elama, bugagia bidimainogo tigidali nai mabo dao.

Godigo Nogi Ugwaba Sabo Tęąbi Po Wabo Buku Dabe 136:25

Agai te tigidali we bidiba nai mayu, tama te tigidali kibu hasa dabe me nai mabo dao. Agai te bidada pabo sogo sesemane te da wei mu ebo dao.

Matyu 6:26

Dagego te ba dabe suao, te dagalude bola pobao. Augwaligo nai bulusiąma, tama te nai sisinama te nai mubo beba me mubo meni goli, augwali nai te Godigo mabo dao. Tama tiyu, God agai gedude te ba dabe augwali genuai nai meni yai goli, agai augwali bugagia tonalubo dao. Tama dage da, dage agai gedude genuai dao. Tama tibaso, agai dage me bugagia tonaluaibao.

Godigo Nogi Ugwaba Sabo Tęąbi Po Wabo Buku Dabe 147:9

Agai te tigidali kibu hasa dabeba nai mobao, tama te gesi tamadi dilibo ba tagadi dabego i wabo sogo, te agai augwaliba nai mabo dao.

Godigo Nogi Ugwaba Sabo Tęąbi Po Wabo Buku Dabe 35:6

Te nago enselgo te augwali pobeasa pelama, tama augwaligo sunumi te hulia selama, tama dwai bedege mu pedalumainu ilao.

Jopgo Po Asęani Elalubo Buku 40:20

Te hasa hipopotamusgo tubo nosai dabe da, te dwasianu bulu dude dabe holobo dao, te bulu hasa dabe bilalubo digi.

Jopgo Po Asęani Elalubo Buku 38:41

Tama te sisi yai kotkot ba dabe tuabo nai menia sobaso, tama nai gege bilibadi yaide, tama augwa wai dabe ena Godiba nai sainu hanalubadi, tama dego mu augwali nai mabo dawe?” te po wali.