Tigidali Nai Gagalama Nigali Side 6:17 - Godigo dwagi yai po buku

¹⁷ Te eno te tǫde wę asobo genuai mu pedalumainu elama, te tigidali bidibo ula elalubo nai dabe dola silimainu yaibao. Te tǫde tigidali nai dabe isila silaibao.

Tigidali Nai Gagalama Nigali Side 6:17 Referans Kwoze

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.

Tigidali Nai Gagalama Nigali Side 7:4

“Tama te nogo a naga olama, me badu nogo si, te tama si silama, tama eno te tǫba kulubage tagala palama, tama te kulubage tulaludubadi, te bidi sese si ulade me, te bidi sese si hulide bidibadi yaibao. Tama te kulubagego te eno te bidibo ula elalubo tigidali ena nigali nai te tǫ daide eno sela sąna silaibao,” te po wai.

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Amos 9:6

Genuai Bidigo aga togobili te dagalude nigilama, tama agai dagalu te tǫ ugwadu muani, te bagua sai be pedu nigai tiwai yalio. Agai te tamu ąį i ola aselama, tama agai te tǫ daiba ugwadu gelebo dao. God deligo naga te sę dabe ebo dao, tama agai nogi da te tiwai elalubao, Genuai Bidi dao.

Godigo Nogi Ugwaba Sabo Tęąbi Po Wabo Buku Dabe 29:10

Genuai Bidi te king bidiyu, tama te tigidali genuai tamu ąį tonalubao. Aga te king sesemane sogo bidibao.

Polgo Po Pas Rom Dabeba Asęani 6:23

Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.

Polgo Po Pas Rom Dabeba Asęani 5:21

Tama tiyu te olo tau sabo wiegi yai kolesagago te dwai sę aiyaba mu elalubo dao. Magi baso meni, te dwai sęgo te isibo kolesaga nigilama, tama te isibo kolesagago da tigidali aiyaba elaluyu bidai. Tiali goli te tiwai me megi Godigo te olo tau mabo wiegi yai kolesaga te ugwadu daide bidibao. Te kolesagago da megi tonalubo dao. Godigo te olo tau mabo wiegi yai kolesaga elama tama da doloba pai we bidi nogi obaso, dago te sesemane sogo bidada peyu, bidada pabo ula elalubao. Dago te ula dago Genuai Bidi Jisas Kraisgo sęde sai dao.

Dwagi Yai Gesi Po Lukgo Asęani 17:27

We bidi dabe augwaligo te sogo God homu isąyu, nai tuyu, wę ma tuyu, bidali. Augwa we kęyu, we ma mayu, bidali. Tama augwali te tiwai bidibadi yaide, te bidi Noa te moni geba tomoba peyu, tama te moni ąį polo asiyu, te węgo te we bidi tigidali eleyu yali.

Hosea 5:14

Megi da, ena te bomai laion tiwai pedalama, tama eno te Israel me Juda si dali hwįaibao,” wai. “Te ena digi eno augwali pepeda palama tagalaibao, tama augwali te tiwai bidimainu yaibao. Te eno augwali kekasa pelama, te bidi me deligo augwali tau siyu, eno nogode ma sainu ebo usu me egobeo,” wali.

Esekiel 34:20

“‘Tama dagego ebo kolesaga dolo meni baso, God Genuai Bidi eno te po obao, te ena digi dagego tumona pai me boma pai sipsip, me bomo meni yai sipsip dabego kolesaga dagala sueibao.

Esekiel 34:11

“‘Ena God Genuai Bidi, eno te po te obao, te ena digi ena sipsip dabe gegelama, tama augwali ma oda selama, tama ena digi augwali bugagia tonaluaibao.

Esekiel 6:3

Te Israel dabe augwaligo bulu du dabe, me odogo bulu dabeba te tama po wao, augwaligo te ena God Genuai Bidigo, eno augwaliba wainogo ebo po odiąo po wao. Eno te boi bidi dabe tagala palama, te Israel dabe augwaligo te tibo godiba lotu wagi pabo bulu du dabe dolaibao.

Esekiel 5:8

Tama tialima, ena God Genuai Bidi, eno te tiwai po dageba obao, eno dageba wiegi yai homu pemene me ebeo. Menio. Eno dageba boi bidi ebao. Tama dage eno te tigidali tǫde we bidi gedude po tų ilaibao.

Aisaia 54:9

“Te Noa bidali sogo, eno te tiwai bomai po dąų weyu, te eno genuai ąįgo te tǫ ma dologobeo wali. Te megi eno te tobage bomai po dąų walaibao. Eno mu po weyu, te eno haliga sębę ma isiąma, te nageba wado iliyu, te nage me dene mabo sę egobeo wai.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Jopgo Po Asęani Elalubo Buku 22:16

Augwali monu dabe isąbo sogo, deli sogo tama Godigo augwali silali dao. Augwali te be me te genuai wę sesegede elaluai, te wę asiyu, te be dolama, masigi dali, ni nami dali si, te węgo tolasa pabo tiwai yali.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Ma Dobola Sali 14:17

Tama eno te Isip bage augwaligo homu kolesaga te homu tomoba masigi sąwai bidigo homu tiwai ilama, tama augwaligo dage Israel dabe wali pobasa asaibao. Tama eno te tuni bidi aga karis dabe dali, me te hosde duawali ami bidi dabe tigidali, augwali aiyaba elaluama, tama eno te sę yalide te eno genuai nogi saibao.

Tigidali Nai Gagalama Nigali Side 6:13

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Tigidali Nai Gagalama Nigali Side 6:7

Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Matyu 24:39

Augwaligo homu kone me isąma, te augwali tama naga bidiba homu yali, tama polo te genuai ąį asiyu, te we bidi tigidali dagalasa pela silali. Te yali tiwai naga te Godigo Bidi Mu ma asobo sogo tiaibao, augwaligo te asabo sogo bodolu konesiąbadi.tama tiaibao

Tigidali Nai Gagalama Nigali Side 9:9

“Megi ena da, eno bomo yai po dage dali, me te dagego nosali ame neyu elalua pabo bulai wai dabe dali te dąų obao.

Tigidali Nai Gagalama Nigali Side 7:17

Tama te moni wę pedaludubadi, te bidi sese si sogo elama, tama bo dabo ugwaba mu holama, tama te geba sip ugwanu sela holali. Tama sipgo te tǫ taga holali.

Tigidali Nai Gagalama Nigali Side 7:15

Te tigidali bidibo ula elalubo haniani nai sibi te omai me so te deli deli naga selama, augwali Noa dali te sip tomoba pali, te Godigo wali po tiwai gilama yalio. Noa te sip tomoba bula sabode, tama Yawego te sip sunumi paliali.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Tigidali Nai Gagalama Nigali Side 6:16

Nago te sip pedu nigilao. Tiali goli, te sip bulubadu paiabo ni name dabe augwali te pedu dologoba mu paigio. Menio. Te hap mita olo elalumainao, te ula tomoba asomainu. Te sip tomode be sela te tama tiwai sę yao, me deli aiyadu, me deli tomode, me deli ugwadu. Tama nago te me bogo badu te sip tomoba pabo sunumi me deli nigao.