Tigidali Nai Gagalama Nigali Side 6:14 - Godigo dwagi yai po buku

¹⁴ Tama nago dwagi yai ni pedai selama, tama naga moni genuai geba sip me deli nigao. Nago te tomode be habu meba nigilao, tama tomode me bulu badu mabode te agebele megego bugagia sebelao.

Tigidali Nai Gagalama Nigali Side 6:14 Referans Kwoze

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.

Dwagi Yai Gesi Po Lukgo Asęani 17:27

We bidi dabe augwaligo te sogo God homu isąyu, nai tuyu, wę ma tuyu, bidali. Augwa we kęyu, we ma mayu, bidali. Tama augwali te tiwai bidibadi yaide, te bidi Noa te moni geba tomoba peyu, tama te moni ąį polo asiyu, te węgo te we bidi tigidali eleyu yali.

Matyu 24:38

Te polobadu te genuai ąį asisąbadi, we bidi augwali te nai tuyu, te wę dabe tuyu, te we siyu ela bidalubadi yaide, tama Noa te moni geba tomoba pai dao.

Ma Dobola Sali 2:3

Tama nosali agai te wai ma dualainogo yali usu meni yai, tama agai te basket wa augwaligo te awi diligo nigai selama, tama mege me siyu, tama te megego te basket wa dedage sebelai. Tama agai te wai te basket wa tomode pilama, sela pai, tama te Nail ąį sesegede te sigi sili elalubo digi te wai dualigi pai, te sigi sili tomode, te ąį daide muai.

Tigidali Nai Gagalama Nigali Side 6:13

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Tigidali Nai Gagalama Nigali Side 6:15

Nago te tiwai sip nigao. Te sip bobage usu sabo, te 133 mita, te aga genuai ilabo usu te 22 mita dao. Tama nago ugwaba bobage usu ni sabo, te 13 mita dao.