Tigidali Nai Gagalama Nigali Side 6:12 - Godigo dwagi yai po buku

¹² Tama Godigo tǫba tonaluama, tama agai tigidali bidigo dwai kolesaga mu ebo suali. Te bidigo bilibo kolesaga te gaga pai mu pedelama, tama dwai kugumini naga yai.

Tigidali Nai Gagalama Nigali Side 6:12 Referans Kwoze

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.

Bugagia Bidibo Kolesagade Po Asęai Buku 15:3

Genuai Bidigo te tigidali we bidigo ebo sę te tigidali habu badu pedalubo te subo dao. Agai te wiegi yai bidi me, dwai bidi me, subo dao.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

Tigidali Nai Gagalama Nigali Side 7:1

Nosali Yawego Noabolo te po wai, “Eno nage deli naga nage te tigidali bidi tomode dolo bidibo sualio. Tama tibaso, megi nage te moni geba sip tomoba, naga we wai puluba tigidali dali tomoba bula sao.

Tigidali Nai Gagalama Nigali Side 6:8

Tiali goli, Yawego te bidi Noa dali digi dwagi yai homu pemene yalio.

Dwagi Yai Gesi Po Lukgo Asęani 3:6

Tigidali we bidigo Godigo olo hobede elama, tau sabo kolesaga augwa gedugo sueibao,’” te Aisaiago te po polobadu asęai dao.

Tigidali Nai Gagalama Nigali Side 18:21

Te ena aiyaba dulama, te augwaligo mena sę ebowe naga sugulaibao. Te eno odali po, te mu po yaliwe naga, tama eno sugi pelama, koneaibao,’ te homu yali.

Tigidali Nai Gagalama Nigali Side 9:12

Tama Godigo te po wali, “Eno te dagalude unigi bidi mubo, te eno dage dali, me te hasa sibi dali, sesemane sogo yali te dąį tiwai mubao. Te unigi bidi te eno tigidali tǫde bidi dali po dąų wali dąį dao, tama te dąų wali dwagi yai po munu me siligobeo.

Tigidali Nai Gagalama Nigali Side 7:21

Tama tǫde bidibo ula elaluali nai dabe tigidali isa silai, te ba dabe me, te be pąde bidalubo hasa dabe me, te dwasianu hasa dabe me, tama tigidali nai me, te we bidi dali tigidali isila silai.

Tigidali Nai Gagalama Nigali Side 6:13

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Tigidali Nai Gagalama Nigali Side 18:20

Tialima, Yawego te po wali, ‘Te haniani dwai sę mu dabe te Sodom de Gomora hanu side pedalubo walio.