Tigidali Nai Gagalama Nigali Side 50:5 - Godigo dwagi yai po buku

⁵ ‘Te eno aya isainogo ebo sogo, agai enade po dąų walu, te eno aga te aga tigi te Kenande nigali gų pageba pubaligi pao po wai. Tama tibaso, nago ena tagala paloyu da, te eno aya bolo pubaligi pelama, tama nosali te ena ma asaibao,’ te po wao,” Josepgo te po wali.

Tigidali Nai Gagalama Nigali Side 50:5 Referans Kwoze

Aisaia 22:16

“Sepna, nago naga hani me nago tǫ ede menio. Te nago homugo nage de dao homu eyu, nago te bidi dabebolo te bulu du dologode dilai masigi dedage dogwao po waliwe? Tama te masigi dedage nago dwagi yai gų page tiwai elaluaibawe?

Tuni Bidi Dabego Po Elalubo Buku Si 16:14

Tama tialima, augwaligo aga te augwaligo Devitgo Taun wabo tede pubulali, te masigi dudulawe tomode, aga digi te bidi dabebolo dogao po polo wai madigi. Te bidi dabego te wiegi yai denami ebo pauda me wel si taluama, tama augwaligo te pauda te dedage tomode bet me tomode muai tede gelali. Tama augwaligo kingo tigi te bet saiba ugwaba muani. Tama augwaligo aga hobede ebaso tama augwaligo agai genuai nogi konealuainogo, tama augwaligo genuai isi mu nogoani.

Matyu 27:60

Tama agai te Jisas tigi te aga digi nigai gų pageba mugi palio. Agai te genuai masigi tomode te ola be me deli tamadi nigai. Tama agai te tigi te ola be tomoba munama, tama agai te genuai masigi me deli hogogo bele pelama, te tigi muani gų page ola be sunumi te masigi mego paniani. Agai tama tilama, tama aga palio.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Kolesaga Koneai Bidigo Pusali Po Elalubo Buku 12:5

Te bulu dabe daide ugwadu dage bidalu, tama dage te sunumidu bilabo wi yaibao. Dagego tobolu nisi te tedela yai pedelama, tama dage te sunumidu bilibo sę dene yaibao. Tama te nai dabego dage haliga hogodolabo sę me iligobeo. Te dage isilama, tama duga sesemane sogo bidada peyu, bidada pabo buluba bidigi paibao. Te duga taunde bidibo we bidi dabego, te augwaligo gela weyu, hobede ebo balia po waibao.

Kolesaga Koneai Bidigo Pusali Po Elalubo Buku 6:3

Te bidi me deligo wai dabe te bidi sese a naga, te 100 elaluali bidi te kibu be hauwa bidali. Tiali goli, aga wiegi yai doado bagede wiegi yai pemene isąyu, tama te aga isibo sogo augwaligo aga bugagia me pubalusiąyu da, teda te dwai mu yali. Eno mu po tama obao, te wai bǫų me deli aga idago haligade isali waigo, agai te bidi aiyaba elalualio, te bidi te umabo hauwa kibu be te tǫde bidali digi tagalao.

Godigo Nogi Ugwaba Sabo Tęąbi Po Wabo Buku Dabe 79:3

Te boi bidi dabego nago we bidi dabe ela munama, tama augwaligo kaneme gelama, tama te wę tiwai te Jerusalem tomodu pai. Tama augwaligo tigi dabe pubulabo bidi deli me bidibeo.

Jopgo Po Asęani Elalubo Buku 30:23

Eno koneani, nago ena isimainu elama, tama nago ena te nago nigilali te tigidali isibo we bidigo bidigi pabo pesage gų pageba pomainu ebao.

1 Samuel 14:43

Tama tialima, Solgo Jonatanba hanalu wali, “Nago magi sę yaliwe?” Tama Jonatango te po wai, “Eno te tolasa bilibo donode te dwasianu kiabi bunu ge naga te sela tuali. Tiali goli, tagalao, ena isimainu yaibao,” wali.

Bomai Po 4:22

Eno te wę nogegobeo. Menio. Ena e bulude isaibao. Tiali goli, dage da, te wę nogelama, tama te wiegi yai ili yai tǫba bidigi paibao.

Tigidali Nai Gagalama Nigali Side 50:24

Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.

Tigidali Nai Gagalama Nigali Side 48:21

Nosali Jekopgo Josepbolo te po wali, “Odao! Te pąde ena isainu ebao. Tiali goli, God te nage dali bidama, tama agai nage te naga aya dedego tǫba ma odasa paibao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Tigidali Nai Gagalama Nigali Side 50:4

Te Josep aga ayade homu dene eyu, gela weyu yali te silibo side, teda agai te tiwai po te Ferogo ofisa bidi dabe dali wali, “Te dagego enade wiegi yai homu eba wida, teda eno e wabo po te dagego Ferobolo wagi pao,

Tigidali Nai Gagalama Nigali Side 50:6

Ferogo te tiwai po wei ponani, “Nago te naga ayago nagebolo te po dąų wali gilama tama naga aya pubaligi pao,” wali.