Tigidali Nai Gagalama Nigali Side 50:26 - Godigo dwagi yai po buku

²⁶ Josep aga kibu be te 110 elama, te aga isali. Augwaligo te bidi tigi damusiąbo te tobage wel dabe te aga tigi damudali weyu, te aga tigide muani. Augwaligo te tiwai Isipde elama, tama augwaligo aga tigi te gų page nigali halobage me deliba muani.

Tigidali Nai Gagalama Nigali Side 50:26 Referans Kwoze

Josua 24:29

Nosali Josua, te Nungo ogwa, te Genuai Bidigo sę bidi, aga isali. Tama aga isali sogo agai kibu be te 110 kibu be yali.

Tigidali Nai Gagalama Nigali Side 50:22

Te Josep te Isipde aga ayago hani dabe dali bidali. Te Josepgo kibu be 110 elama, tama aga isai dao.

Tigidali Nai Gagalama Nigali Side 47:28

Jekop te Isipde bidibadi, te kibu be nogo si olama, sągągo a naga, me badu sągą si wagi soali, tama agai kibu be deliba sisinama, te kibu be 147 mu bidai.

Tigidali Nai Gagalama Nigali Side 47:9

Jekopgo te po wai, “Eno kibu be te 130 elalubadi, te ena tigidali tǫ pedaiba bilali. Tiali goli, te kibu be dabe te bobage sogo sesabi elama bidisiąbadi, tama ena sęgę hauwa gegali. Te eno kibu be yali, te eno aya dabego yali kibu be te augwali bilali kibu beba usu nubeo,” wali.

Ma Dobola Sali 1:6

Tama nosali Josep aga ama dede aga hani tigidali augwali te sogo te Isip bulude bidibadi, augwali tigidali isai.

Tigidali Nai Gagalama Nigali Side 25:7

Abraham te kibu be umabo te 175 kibu be bidai.