Tigidali Nai Gagalama Nigali Side 50:21 - Godigo dwagi yai po buku

²¹ Tialima, megi dage wi munu me elamuo. Te eno dage me, te dagego wai dabe dali, tonalueibao.” Josepgo te tobage wiegi yai po aga ama dedebolo menama, tama te pogo augwali homu bugagia tegaluali. Tama augwali wi munu me ma ebeo.

Tigidali Nai Gagalama Nigali Side 50:21 Referans Kwoze

Tigidali Nai Gagalama Nigali Side 47:12

Agai te aga aya me, aga ama dede me, te augwa we wai puluba usu nama, te bidabo tubo nai mani.

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

1 Tesalonaika 5:15

Gasa bidi dabe augwaligo dage dali dwai sę ebaso da, dagego augwali dali te dwai sę ebo wei ponogio. Dagego te tiwai idali weyu, bugagia tonaluao. Tigidali sogo dagego bomo elama, duga hasi augwali dali dwagi yai sę naga yao. Tama te sę tiwai tigidali bidi dali me yao.

Matyu 6:14

“Odiąo. Te dagego gasa we bidi augwaligo dage dali dwai sę ebo sela sabaso da, teda duga Aya dagalude bidibo bidi agai te dagego dwai sę ebo me te sela sąwaibao.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Tigidali Nai Gagalama Nigali Side 34:3

Tiali goli, Sekemgo te Jekopgo wegi Daina te wei mu ebaso, tama agai te aga homu wiegi yai ilibo po dua digi wai.

Tigidali Nai Gagalama Nigali Side 50:22

Te Josep te Isipde aga ayago hani dabe dali bidali. Te Josepgo kibu be 110 elama, tama aga isai dao.

Te Israel Tobolu Bidi Dabe 19:3

Tama nosali aga bidi hogodama, tama aga wali pelama, te aga dali po dodoligi pelama, te aga ma odasa asainu pali. Agai te aga sę ebo bidi me deli selama, te donki si me aga dali pali. Nosali te wego te bidi sulama, te aga selama, te aga ayago beba pali. Tama we aga ayago te bidi sulama, tama wiegi yai homu pemene mu yai.

Tigidali Nai Gagalama Nigali Side 45:5

Tiali goli, megi dage homu sęgę me isiąyu, tama dagego duga digi dwai homu te polobadu dagego ena dali dwai kolesaga yalide, te dwai homu me igio. Menio. Godigo digi eno te dage me isidali weyu, te tau somainu te ena polasa tagala palali.

Tuni Bidi Dabego Po Elalubo Buku Si 30:22

Te Livai dabe augwaligo te lotu wabode me Genuai Bidiba ofa ebode augwaligo wiegi yai sę mu yali. Tama tibaso Hesekiago augwalibolo wiegi yai homu ebo po wali. Te we bidi augwali lotu weyu te nai ulubo sę idubadi, te 7 sogo tama bidali. Tama augwaligo God dali homu deli ebo ofa yali. Tama augwaligo gedu haluasa po weyu Genuai Bidi augwa wąįgo Godibolo buba hwi po wali.