Tigidali Nai Gagalama Nigali Side 50:2 - Godigo dwagi yai po buku

² Nosali Josepgo te aga dokta bidi dabebolo olama, te aga tigiba te tobage wel muao wali, te tigi polo me dolidali weyu tama tiali. Te dokta dabego te Josepgo wali po tiwai gilama yali.

Tigidali Nai Gagalama Nigali Side 50:2 Referans Kwoze

Tuni Bidi Dabego Po Elalubo Buku Si 16:14

Tama tialima, augwaligo aga te augwaligo Devitgo Taun wabo tede pubulali, te masigi dudulawe tomode, aga digi te bidi dabebolo dogao po polo wai madigi. Te bidi dabego te wiegi yai denami ebo pauda me wel si taluama, tama augwaligo te pauda te dedage tomode bet me tomode muai tede gelali. Tama augwaligo kingo tigi te bet saiba ugwaba muani. Tama augwaligo aga hobede ebaso tama augwaligo agai genuai nogi konealuainogo, tama augwaligo genuai isi mu nogoani.

Tigidali Nai Gagalama Nigali Side 50:26

Josep aga kibu be te 110 elama, te aga isali. Augwaligo te bidi tigi damusiąbo te tobage wel dabe te aga tigi damudali weyu, te aga tigide muani. Augwaligo te tiwai Isipde elama, tama augwaligo aga tigi te gų page nigali halobage me deliba muani.

Dwagi Yai Gesi Po Makgo Asęani 16:1

Sabat sogo bidama silai madi, tama Maria te Makdala tǫ we, te gasa Maria dali, aga da te bidi Jems aga ida, tama te gasa we nogi Salome, te we sela augwaligo te wel me te gasa wiegi yai denami ebo nai me abelai. Augwaligo te Jisas tigiba piligi pabo homu yai, aga tigi polo daumua pidali weyu tama yai.

Matyu 26:12

Te e wego te wiegi yai denami ebo wel ena tigiba gelali, te agai ena te gų pagede muabo sę te megi e sisi ilali dao.

Dwagi Yai Gesi Po Jongo Asęani 12:7

Tialima Jisasgo te po Judasbolo wai, “Te we tagalao, wado po wagio. Agai te wel tolalubadi, ena gų pageba muabo sogo asobo si, te wel ena tigide mumainao.

Dwagi Yai Gesi Po Lukgo Asęani 24:1

Te Sabat sogode olo bidama, te sogo kigamu Sande kigamu augwali te we dabe gų pageba ma pai. Augwaligo te dwagi yai denami yai nai me, wel dabe me sela pai, polobadu augwaligo sisila muai.

Dwagi Yai Gesi Po Makgo Asęani 14:8

Te wego yabo homu yali sę, te agai te sę yalio. Agai ena tigiba te denami wel muani te ena gų pageba mumainogo sisi iliyu yai.

Tigidali Nai Gagalama Nigali Side 27:41

Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.

Tigidali Nai Gagalama Nigali Side 50:1

Josep aga aya bauba pigiluama, tama aga gela olama, tama agai aga gesabidide nono nani.