Tigidali Nai Gagalama Nigali Side 50:11 - Godigo dwagi yai po buku

¹¹ Te Kenan bage augwaligo te Isipdu asali bage te Atat bulude gela me homu dene ebo sulama, tama augwaligo te po wai, “Te sę ebo te Isip dabego genuai gela weyu, te homu dene ebo kolesaga dao.” Tama tibaso, augwaligo te bulu nogi te Abel Misraim nogi yali. Te bulu te giliga pedalubo te Jordan badu elaluali.

Tigidali Nai Gagalama Nigali Side 50:11 Referans Kwoze

Tigidali Nai Gagalama Nigali Side 24:6

Tama Abrahamgo po wei ponoyu, te po wai, “Woo, nago te eno ogwa te eno page buluba munu me tagala palamuo!

1 Samuel 6:18

Tama augwaligo te bolo dabego piksa noma me tolali, deli deli te bomai obo banis elalubo tigidali taun hanu usu nama tolali, tama Filistia king a naga bidigo tonalubo dwasianu bulu me te piksa noma tolali. Tama megi te genuai masigi te Genuai Bidigo halobage augwaligo muani te Josuago wit gide me elalubao, te hanu Betsemes bulu bidi. Tama te bulude pedelali sę te dąį tiwai ilali, te masigi elalubo dao.

Bomai Po 11:30

Te bulu du si te Jordan wę giliga dega sabo badu te elalubao, te Kenan dabego tǫ, te Jordan wę odogo malude. Te bulu du si te giliga dega sabo badu elalubo, tama te tedali gasagi yai te ni sili pąde, te More bulude, te Gilgal hanu pąde.

Bomai Po 3:27

Nage te Pisga bulu duba pelama, tama te notba me sautba tonoyu, me giliga asobo badu tonoyu, me giliga dega sabo badu tonoyu yao. Nago te buluba dabe bugagia mu tonono bilao. Magi baso meni, nage te ąį Jordan nogelama, te tǫ tomoba nage pogobeo. Mu menio.

Bomai Po 3:25

Megi eno homugo nago ena te Jordan ąį nogelama, u badu pomainogo yao. Tama eno te wiegi yai ili yai tǫ me, wiegi yai bulu du me, te Lebanon bulu du me sugi pomainogo yao,’ eno tama po wali.”

Tigidali Nai Gagalama Nigali Side 50:10

Augwali tama pelama, tama te wit penibo pesage te Jordan ąį u badu, te augwali Atat teba pedelali sogo, augwaligo te bobage sesabi ebo gela genuai te bidi pubalubo gela tiwai wali. Tama Josepgo te homu dene ebo kolesaga elama, tama aga gela udubadi, te a naga olama, me badu nogo si sogo bidali.

Tigidali Nai Gagalama Nigali Side 34:30

Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.

Tigidali Nai Gagalama Nigali Side 13:7

Tama wado po te Lot de Abram augwa si hasa tonalubo sę ebo bidi dabe tomode pedelali. Te sogo te Kenan dabe me, te Peres dabe me tede bidalubadi dao.

Tigidali Nai Gagalama Nigali Side 50:12

Te Jekopgo ogomanigo po wali pelama, te augwalibolo wali po tiwai gilama yali.