Tigidali Nai Gagalama Nigali Side 5:5 - Godigo dwagi yai po buku

⁵ Tama Adam te kibu be umabo bidi sese hauwa 930 kibu be bidama, tama aga isai dao.

Tigidali Nai Gagalama Nigali Side 5:5 Referans Kwoze

Tigidali Nai Gagalama Nigali Side 5:11

Enos te kibu be 905 bidama, tama aga isai dao.

Tigidali Nai Gagalama Nigali Side 5:8

Tama Set te kibu be bidi sese hauwa, te 912 kibu be bidama, tama aga isai dao.

2 Samuel 14:14

Dago koneani, da tigidali te isaibao, tama te da bidabo ula ma sainu ebo te usu me egobeo. Te wę tǫba gealuali, te dago ma sainu ebo te usu isiąbo, te tobage tiwai ebao. Tiali goli, Godigo te bidigo bidibo ula te olo dali sela sąwainu ebaso, usu me egobeo. Menio. Te bidi me deli agade te digibulu bidibaso da, agai te bidi te aga pąba ma odasa asabo sunumi gegibo dao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Esekiel 18:4

“Te aya idago bidibo ula tigidali, me te wai dabego bidibo ula eno nogode naga elalubao. Tama tibaso, te bidi deligo te sęgę sabo dwai sę ebaso, te bidi naga isaibao,” te po wai.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Kolesaga Koneai Bidigo Pusali Po Elalubo Buku 12:5

Te bulu dabe daide ugwadu dage bidalu, tama dage te sunumidu bilabo wi yaibao. Dagego tobolu nisi te tedela yai pedelama, tama dage te sunumidu bilibo sę dene yaibao. Tama te nai dabego dage haliga hogodolabo sę me iligobeo. Te dage isilama, tama duga sesemane sogo bidada peyu, bidada pabo buluba bidigi paibao. Te duga taunde bidibo we bidi dabego, te augwaligo gela weyu, hobede ebo balia po waibao.

Godigo Nogi Ugwaba Sabo Tęąbi Po Wabo Buku Dabe 90:10

Da bidibo kibu be te 70 usu naga bidaibao. Tama dago bomo elalubaso, da te kibu be 80 usu naga bidaibao. Tiali goli, te tigidali kibu bede da te sę dene naga eyu, tama sęgę naga gegaibao. Te tigidali kibu be polo silama, tama da me pela silaibao.

Godigo Nogi Ugwaba Sabo Tęąbi Po Wabo Buku Dabe 89:48

De mu te sesemane bidada pidu, bidada pelama, tama te me isigobe dawe? De te bomo elama bididu, te aga gų pageba me pogobewe? Te mena bidi deli me tegobeo, mu menio.

Jopgo Po Asęani Elalubo Buku 30:23

Eno koneani, nago ena isimainu elama, tama nago ena te nago nigilali te tigidali isibo we bidigo bidigi pabo pesage gų pageba pomainu ebao.

Kolesaga Koneai Bidigo Pusali Po Elalubo Buku 9:8

Sesemane sogo nage bugagia au elama, pemene yao.

Bomai Po 30:20

Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.

Tigidali Nai Gagalama Nigali Side 5:4

Tama ame nenama, tama nosali te Adam agai gasa ogwa me, wegi me ame neyu bidibadi, aga te gasa kibu be 800 me bidali.

Tigidali Nai Gagalama Nigali Side 5:6

Te Set te kibu be bidi sese a naga olama, ogwadu a naga, 105 kibu be bidama, te aga ogwa me deligo aya pedelali, nogi Enos.

Tuni Bidi Dabego Po Elalubo Buku Deli 1:1

Adam te Setgo aya, te Set Enosgo aya dao.