Tigidali Nai Gagalama Nigali Side 5:29 - Godigo dwagi yai po buku

²⁹ Tama agai te po wai, “Te Yawego te tǫ dolabo bomai po muanio. Megi da, te waigo da te tǫde sę dene ebo te toma nomainogo ilaibao,” te po wai. Tama tibaso, Lamek agai te ogwa nogi Noa poai dao.

Tigidali Nai Gagalama Nigali Side 5:29 Referans Kwoze

2 Pita 2:5

Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Matyu 24:37

Te polobadu mu bidali bidi Noa aga tǫde bidali sogo augwaligo yali kolesaga, te kolesaga tiwai naga te Godigo Bidi Mu ma asobo sogode me augwaligo tama tiaibao.

Esekiel 14:20

Tialima, tagala, te Noa me Danel me Jop te tǫ kantride bidibadi, te bidi selago augwa wai dabe digi tau me sogobeo. Menio. Te wiegi yai bidi sela naga bugagia bidimainu yaibao. Ena God Genuai Bidi, ena sesemane sogo bidibao, tama eno te wabo po te mu po dao.”

Esekiel 14:14

Te Noa, me Danel, me Jop, te wiegi yai bidi sela te tǫ kantride bidigi sogo da, te tagalao, eno te sela bidide homu kone elama te dwai sę ebo we bidi augwaliba eno olo tau mabo wiegi yai kolesaga me igi menio. Menio. Te doloba pai bidi sela naga bugagia bidimainu eno sula tagalaibao, tama te we bidi augwali da isimainao homu igi dao. Ena God Genuai Bidigo eno te tama po wai dao.”

Aisaia 54:9

“Te Noa bidali sogo, eno te tiwai bomai po dąų weyu, te eno genuai ąįgo te tǫ ma dologobeo wali. Te megi eno te tobage bomai po dąų walaibao. Eno mu po weyu, te eno haliga sębę ma isiąma, te nageba wado iliyu, te nage me dene mabo sę egobeo wai.

Tigidali Nai Gagalama Nigali Side 9:24

Tama nosali Noa aga hodaluama, tama aga homu kolesaga ma peda pabode, agai odali, te sabi bidi ogwago te agade yali po odai.

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.

Dwagi Yai Gesi Po Lukgo Asęani 3:36

Sela aga aya Kainan, Kainan aga aya Arpaksat, Arpaksat aga aya Siem, Siem aga aya Noa, Noa aga aya Lamek.

Tigidali Nai Gagalama Nigali Side 7:23

Yawego te tǫde tigidali nai dolali, te we bidi dabe me, te be pąde bidibo hasa dabe me, te dwasianu hasa dabe me, te ba sibi dabe me, te tigidali dolai. Tama te hani me deli naga augwali te węgo me dolobe, te Noa aga hani dabe me, tama augwali dali te sip tomode bidali nai dabe dali, augwali dolobeo.

Polgo Po Pas Rom Dabeba Asęani 8:20

Megi e sogo tigidali nai dabe dwai bidiyu tama dolobao. Te augwa homugo digi me ebeo. Menio. Godigo digi augwali te tiwai kalabus elama bidibo. Te augwaligo te Godigo augwalibolo nosali yabo sę tonaluyu bidibo dao.

Tigidali Nai Gagalama Nigali Side 5:28

Tama Lamek te kibu be 182 bidama, tama aga te ogwa me deligo aya pedelali.

Tigidali Nai Gagalama Nigali Side 5:30

Tama nosali Lamek aga te kibu be 595 ma bidibadi, tama agai gasa wegi ogwa dabe meba ame nai.