Tigidali Nai Gagalama Nigali Side 5:24 - Godigo dwagi yai po buku

²⁴ Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

Tigidali Nai Gagalama Nigali Side 5:24 Referans Kwoze

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Tigidali Nai Gagalama Nigali Side 5:22

Tama Enok aga te God dali deli homu naga eyu bilali. Tama tiyu, aga te kibu be 300 ma bidibadi, tama aga te gasa ogwa wegi dabe me ame nai.

Dwagi Yai Gesi Po Lukgo Asęani 23:43

Tama Jisasgo agabolo weyu, te po wai, “Eno nage dali mu po obao, megi tama nage ena dali bugagia bida bida pabo bulude bidaibao,” Jisas te po te bidi dali wai.

Te Israel me Juda Hani Sigo Tuni Bidigo Po Elalubo Buku Si 2:11

Tama augwali si te po mimi pabo sę ela peyu pali, tibadi yaide, polo tama te isi bogoli te bidi si tomo agebelede isi bogoli pedalali. Te isi tomode augwali sigo tonobadi yaide, te kibu hosgo te ni namego sai yai madigi bidi dugabo karis kegasa asobo suai. Awe, tama tialima, te pobege ebo waligo te bidi Elaija te dagaluba selasa holali.

Tigidali Nai Gagalama Nigali Side 42:36

Tama Jekopgo augwalibolo te po wai, “Dagego eno ogwa si doligi pai. Josep te hagawai. Simeon me te hagawali. Tama megi dagego te Benjamin hagaligi painu obao. Te tama tebo sęgo te ena homu sęgę mawai!” wali.

Tigidali Nai Gagalama Nigali Side 37:30

Aga te ama dede bidibo madi pelama, tama te po wali, “Te ogwa Josep tede bidibeo! Te eno magi sę megi yaibawe?”

Jeremaia 31:15

Genuai Bidigo te tiwai po wali, “Genuai gela wabo me, te hobede ebo po me, te Rama taunde pedelaibao. Te we Reselgo aga wai dabe isaide te hobedai gela waibao. Te aga te we bidi dabego wiegi yai haliga penebo aga hagela homu yali, magi baso meni, aga wai dabe tigidali te munu me bidibeo.

Te Israel me Juda Hani Sigo Tuni Bidigo Po Elalubo Buku Si 2:1

Genuai Bidi Godigo homugo te Elaija deli sogo te pobege ebo waligo dagaluba selasa holaiba homu yali. Tama te sę pedalabo elalubadi yaide, te Elaija dali, te Elisa dali, augwali sabi name si te Gilgal bulu tagalama pai.

Matyu 2:18

“Augwaligo po me deli te Rama hanude odali. Augwaligo te genuai gela wabo me te hobede yabo i wabo me odali. Te we Resel aga wai dabe hagede gela obao, tama te we bidi augwaligo aga homu wiegi yai me ilibo usu ebe. Magi baso meni. Aga wai dabe augwali tigidali isalio.”

Jutgo Asęani Pas 1:14

Te polobadu bidi Adam aga ogwago ogwa tama nedada peyu, te nogo a olama me badu nogo deli wali, te bidi mego ogwa te Inok da, aga polobadu mu bidai bidi dao. Tiali goli, agai te sogo polobadu te megi bidibo tibo po ola mabo bagede te po wai, “Suao, Genuai Bidi aga ensel mobo bidi umabo mu dali asaibao.

Tigidali Nai Gagalama Nigali Side 5:23

Enok te bidibo ula dali e tǫde bidali kibu be te 365 dao.

Tigidali Nai Gagalama Nigali Side 5:25

Tama Metusela te 187 kibu be bidama, tama aga te ogwa me deligo aya pedelali, te ogwa nogi Lamek.

Tigidali Nai Gagalama Nigali Side 6:9

Te Noade po da te tiwai dao. Agai ogwa sela elaluali, Siem, Ham, me Jafet. Noa da dwagi yai bidi, te sogo bidali we bidi tomode te Noa deli digi aga bilibo kolesaga te Godigo gedude dolo mu yali. Aga te God dali deli homu naga eyu, tama Godigo abagi mu dao.

Tigidali Nai Gagalama Nigali Side 24:40

Tama agai te po wai, ‘Ena te Yawego po wali pabo bidi dao. Te agai aga mobo bidi ensel te nage dali tagala palama, tama nago sę wiegi yai bugagia ilaibao. Te nago eno ogwago we me deli te eno ayago hani tomode sesaibao.

Te Israel me Juda Hani Sigo Tuni Bidigo Po Elalubo Buku Si 2:10

Elaijago te po wei ponoyu, e tiwai po tama wai, “Te nai nago enabolo hanalu wali, te eno tama polo nagebolo polo magobeo,” wali. “Tiali goli, Genuai Bidigo ena sela holobo sogo, te sogo nago ena subaso da, teda te sogo nago te bomo sagameo, tama tialima, nago ena pabo sogo susąyu da, teda nago sabo usu egobeo,” wali.

Godigo Nogi Ugwaba Sabo Tęąbi Po Wabo Buku Dabe 49:15

Tiali goli, Godigo ena ma saibao, tama isibo bidigo bulude te agai bomogo ena dąų wabo usu egobeo.

Godigo Nogi Ugwaba Sabo Tęąbi Po Wabo Buku Dabe 73:24

Nago ena bugagia bilimainu ebo po mawai, tama nosali nago ena sobaso, tama ena nage dali te dagalude bidaibao.

Te Israel me Juda Hani Sigo Tuni Bidigo Po Elalubo Buku Si 2:12

Elisago te Elaija pabo sulama, tama te Elisago agai i weyu, e tiwai tama wai, “Eno aya, eno aya. Nage bomai bidi mu dao, te Israel bage tau sali bidi mu dao. Tama nage te hauwa hwįbo nai te kibu hos me te karis, nage te tiwai dao,” wali. Elaija te dagaluba polo paide te Elisa agai munu ma sube, tama tibaso, te Elisa aga haligade moni homu sęgę mu eyu, te aga te bobobage bulubo ugwa tomode si peda sąyani. Te page e tiwai, aga homu dene ebo page ola mani.