Tigidali Nai Gagalama Nigali Side 49:3 - Godigo dwagi yai po buku

³ Ruben, eno gomunai ogwa, nagede eno bomo elalubao. Tama nage eno gomunai ogwa te ena gesi bidi elalubadi, hasia bolo ame nani. Nago nogi genuai mu, tama nage te eno tigidali ogwade nage bomai mu elalubo dao.

Tigidali Nai Gagalama Nigali Side 49:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 78:51

Agai te Isip hani tigidaligo te gomunai ogwa dabe ela muna silali.

Bomai Po 21:17

Agai te e kolesaga wali peyu, tama tiao. Agai te doado bage bugulama, tama te ogwa wegi augwali tigidali deli delibolo maiabo nai dodolama, tama te hasia mu ame nani ogwa agabolo te doado bage me manama, agabolo mawainogo sa muao. Te agabolo maiabo nai te dadagano pabo sę tama yao. Magi baso meni, te da te bidi aga hasia mu te ame nai ogwa dao. Tama aga da te aga ayago gomunai ogwa mu dao, tama agai te gomunai ogwago te sabo doado bage nosali somainao,” wali.

Godigo Nogi Ugwaba Sabo Tęąbi Po Wabo Buku Dabe 105:36

Tama Godigo Isip hanigo gomunai ogwa wai dabe tigidali ela muai.

Tigidali Nai Gagalama Nigali Side 29:32

Nosali Lea haliga elama, tama ogwa me deli ame nani. Tama Leago te po wali, “Yawego te eno homu sęgę ebo sulama, tama megi da te eno bidigo ena godolo emainogo yaibao,” wali. Tialima, agai te wai nogi Ruben poai.

Tuni Bidi Dabego Po Elalubo Buku Deli 5:3

Rubengo ogwa dabego nogi e tiwai da, te Israelgo hasia ame nani ogwago ogwa dabe te tiwai elalubao, Hanok, me Palu, me Hesron, me Karmi dao.

Tuni Bidi Dabego Po Elalubo Buku Deli 5:1

Ruben aga te Jekopgo gomunai ogwa da, Jekop aga gasa nogi Israel. Tialima agai te aga ayago we me deli dali pagela piali. Tama sę yaligo, aga te gomunai ogwa wabo nogi sabeo. Menio. Te aga ama Josepgo ogwa dabego te nogi salio. Tama tialima te Israelgo ogwa dabego nogi elalubo madide, te Ruben polalubo gomunai ogwa nogi elalube dao.

Tuni Bidi Dabego Po Elalubo Buku Deli 2:1

Israelgo ogwa dabe augwaligo nogi dabe e dao, Ruben, me Simeon, me Livai, me Juda, me Isakar, me Sebulun,

Israel Hanigo Namba 1:20

Augwaligo te bidi dabe te kibu be nogo si sągą si eyu yai bidi dabe me nogi asęyu, me kibu be bidi sese edelai bidi dabego nogi me asęyu yali. Te bage te ami bidi dabe nigabo usu yai bidi dabe dao. Augwaligo te bidi dabego nogi selama, tama augwaligo augwa hani bidi we wai nanide nogi lista nigilama tagalali. Te Rubengo hanide gagalali, te Jekopgo gomunai ogwade gagalali. Te bidi dabego namba e tama dao. Te Rubengo hani bidi namba te 46,500 bidi tama bidali. Te Simeongo hani bidi namba te 59,300 bidi tama bidali. Te Gat hani bidi namba te 45,650 bidi tama bidali. Te Juda hani bidi namba te 74,600 bidi tama bidali. Te Isakar hani bidi namba te 54,400 bidi tama bidali. Te Sebulun hani bidi namba te 57,400 bidi tama bidali. Te Efraim hani bidi namba te 40,500 bidi tama bidali. Te Manase hani bidi namba te 32,200 bidi tama bidali. Te Benjamin hani bidi namba te 35,400 bidi tama bidali. Te Dan hani bidi namba te 62,700 bidi tama bidali. Te Aser hani bidi namba te 41,500 bidi tama bidali. Te Naptali hani bidi namba te 53,400 bidi tama bidali. Te tigidali te ami bidi nigabo usu yai bidi dabe namba te 603,550 bidi tama bidali.

Israel Hanigo Namba 26:5

Ruben te Jekopgo gomunai ogwago hanigo wąį aga hani mu e tama elaluali, Hanok, me Palu,

Tigidali Nai Gagalama Nigali Side 48:18

Tama agai te tiwai po aga ayabolo wali, “Aya, nago te yali sę dolo ebeo,” wali. “Te e ogwa da, aga te gomunai ogwa dao. Te nago dolo nogo aga toboluba mugi sogo da, te usu igi dao,” te po wai.

Tigidali Nai Gagalama Nigali Side 46:8

Te Jekop dali Isipba pali hani dabe augwali nogi e dao. Te gomunai ogwa Ruben da.

Kraisgo Geme Dualali Sę Pedelabo Po Jonbolo Ola Mani 3:14

Te eno suali bidigo enabolo te po me ma wai, “Te megi nago te Laodisia bulude Godigo po odoyu bidibo we bidi tonalubo ensel mobo bidibolo e po asęna tolao: ena te mu po wabo page bidi mu, ena te Godide homu kęą pai bidi bidiyu, tama eno te Godigo po tigidali dolo mu te we bidibolo pusubo dao. Sesemane sogo eno mu po naga pusubo dao. Ena te Godigo nigali nai tigidali page mu dao. Eno e po nagebolo ola tolobao.

Bomai Po 33:6

“Te Ruben hani te dwasianu hani dao. Tiali goli, te hani munu me silamo dao.”

Tigidali Nai Gagalama Nigali Side 35:22

Israel tede bididubadi, tama Rubengo te aga ayago sę ebo we Bilha dali pagela piali. Tama Israelgo te tiali po odali. Te Jekopgo ogwa dabe te nogo si olama, sągągo si elaluai.

Tigidali Nai Gagalama Nigali Side 35:23

Te Leago wai dabe e dao, Ruben, te Jekopgo gomunai ogwa da, tama Simeon, me Livai, me Juda, me Isakar, me Sebulun.

Bomai Po 27:13

Tama tialima, meba hani da, augwali te Ebal bulu dude dolo si dolaluaibao. Te da, te Ruben hani, me Gat hani, me Aser hani, me Sebulun hani, me Dan hani, me Naptali hani dao. Tama te Godigo po odobo sogo da, te hani bage augwaligo te po wali pisąbo bagede te dwai dolabo bomai po te po walaibao.