Tigidali Nai Gagalama Nigali Side 49:24 - Godigo dwagi yai po buku

²⁴ Tiali goli, augwaligo enesigi tigidali togwa pali. Tama agai enesigi balibi pedebeo. Te God, Tonalubo Bidi, agai te Israel dabe sesemane sogo tau siyu, tama te kolesaga ebo hasegelegobeo. Te agai bomo te moni genuai bulu du masigi tiwai dao. Te God agai te Josep dali boi homu ebo bage augwali aiyaba elaluaibao.

Tigidali Nai Gagalama Nigali Side 49:24 Referans Kwoze

Godigo Nogi Ugwaba Sabo Tęąbi Po Wabo Buku Dabe 132:2

Te Israelgo Bomai God, nago te Devitgo nageba te dąų walali po meba koneao.

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Godigo Nogi Ugwaba Sabo Tęąbi Po Wabo Buku Dabe 132:5

Hasiabolo eno te Genuai Bidigo pesage me deli nigaibao, te Israelgo Bomai God, te aga bidimainu yabo pesage nigilaibao. Tama nosali te ena toma naibao,” wai.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

Godigo Nogi Ugwaba Sabo Tęąbi Po Wabo Buku Dabe 18:30

Te God da, agai kolesaga te wiegi yai mu elama, tama dolo mu elalubao. Te Godigo te magi nai me delide po dąų obaso da, teda agai po te mu po naga wabo waibao. Te agaba pabo bidi tigidali te agai bugagia tonalu, tama te boi bidi dabede geme dualalubo da.

Jopgo Po Asęani Elalubo Buku 29:20

Tama tigidali sogo ena gana paiba, te eno bomo me elalubaso, tama eno bomai sę me me iduaibao, eno te homu yali,” wali.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Efesus 2:20

Tama eno te be sę ebo po pagede te po digi po begelama te po megi obao. Te Krais aga digi aga te be dąų wabo page ni tiwai dao. Tama agai tagala palali bidi dabe augwaligo dagebolo pusali po me, te Godigo po ola mabo bidi augwaligo dagebolo ola mani po me, te wiegi yai po te be kau ni dabe tiwai dao. Tama dage da, te be kele ni dabe tiwai dao, te be dąų wabo page ni dali te be kau ni dali si tede dage bugagia dąų olama elalubao.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Godigo Nogi Ugwaba Sabo Tęąbi Po Wabo Buku Dabe 118:22

Te masigi te kamda dabego te dwai da homu elama, tama augwaligo sela sąwani, te masigi da te be daga dąų elalu, polalubo masigi pedelali.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Tigidali Nai Gagalama Nigali Side 45:5

Tiali goli, megi dage homu sęgę me isiąyu, tama dagego duga digi dwai homu te polobadu dagego ena dali dwai kolesaga yalide, te dwai homu me igio. Menio. Godigo digi eno te dage me isidali weyu, te tau somainu te ena polasa tagala palali.

Kolosi 1:11

Dago homugo Godigo agai moni ula yai wiegi yai bomo meba selama, tama te bomo dagebolo mao, tama te bomogo dage bomai we bidi ilao. Tama agai dwagi yai bomogo dage bomo elama dolaluyu, tigidali sęgę bugagia tolaluyu, tama dagego boi bidi homu egobeo, dagego augwali wei ponobo homu egobeo.

Polgo Po Pas Rom Dabeba Asęani 14:4

Nage niwai bidi da olama, tama nago gasa bidigo sę ebo bidigo ebo kolesagade te sęgę sali homu ebo dawe? Te aga sęde bomo elama dolalubaso, ma aga tulalubaso da, te sę aga Genuai Bidigo digi osola sulama tama aga dali yaibao. Tama te bidi aga dolaluaibao. Magi baso meni, te Genuai Bidigo digi te aga dąų ilama, tama aga bomo elama dolalubo usu yaibao.

Godigo Sęba Tagala Palai Bidigo Po 4:11

Te tiwai Godigo po buku tomode e po asęai elalubao, ‘Dage be sę ebo bidi dabego e masigi sela sąyani. Tiali goli, megi Godigo te masigibolo genuai nogi mawai.’ Te po page Jisasde po wali.

Dwagi Yai Gesi Po Lukgo Asęani 20:17

Tiali goli, Jisasgo augwali gedu bomonama tonaluyu, te po wali, “Godigo wali po bukude e po wabo da, ‘Te be sę ebo bagego polobadu sela sąwani masigi, te masigi nosali te be tolalubo masigi nigali.’

Dwagi Yai Gesi Po Makgo Asęani 12:10

Dagego te Godigo po bukude asęani po me deli dagego nedebewe? Agai e tiwai po wali dao: Te sę bidi dabego sela sąwani masigi, megi da aga te be polalubo kele ni tiwai dąų elalubo masigi pedalai elalubao.

Matyu 21:42

Te Jisasgo augwalibolo te po wali, “Te bukude polobadu asęani te po te dagego nedebewe? E tiwai dao, ‘Te masigi be sę yabo masigi me deli te sę bidi dabego sela sąyani masigi, megi da polalubo masigi pedalama, te be dąų walali elalubao. Genuai Bidigo agai te tiwai sę elama pedalali, tama dago suali te wiegi yai mu dao.’

Sekaraia 10:12

Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

Sekaraia 3:9

Megi da, eno masigi me gedu a naga olama si, te 7 yai te masigi selama, Josua pąde muaibao. Tama eno te masigide po me asęaibao. Tama deli sogo tama eno ena kantri we bidigo sęgę sela sąwaibao.

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 29:24

Tama te bidi dabe homu kolesaga megi umuna pabo bidi dabe, augwali te wiegi yai homu kolesaga ma saibao. Tama te konila po dabe hauwa olama, tama po sela sąbo bidi dabe, augwali te wiegi yai homu elama, eno po ola mabo odaibao,” te po wali.

Godigo Nogi Ugwaba Sabo Tęąbi Po Wabo Buku Dabe 89:1

Genuai Bidi, nago da sesemane sogo godolo homu ebo dao, tama te kolesaga ebode eno e balia udaibao. Mu tama, te nosali ame nabo bagego konemainu eyu, te eno nago po te me hasegelibo meni da po olama, te po hanilama pusaibao.

Godigo Nogi Ugwaba Sabo Tęąbi Po Wabo Buku Dabe 44:7

Menio. Nago naga da tau sobaso, tama te boi bidi dabego da aiyaba me elalubeo. Te bidi dabego da wei me isąbadi, tiali goli nago augwali dali hwįnama, tama nago augwali aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 28:8

God Genuai Bidigo te aga we bidi dabe seselalubo dao. Aga te tudibadu daganalu, tama aga sa muani king tau sabo dao.

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

Godigo Nogi Ugwaba Sabo Tęąbi Po Wabo Buku Dabe 23:1

Genuai Bidi te ena tonalubo bidi da, tama ena te aga sipsip me deli tiwai dao. Tama tiyu, te magi nai me deli ena me sǫą pogobeo.

Godigo Nogi Ugwaba Sabo Tęąbi Po Wabo Buku Dabe 18:1

God, eno nage wei mu ebao. Nago ena dąų walai.

Nehemia 6:9

Eno koneani, Senbalatgo hani dabe daligo te pogo da wi ilabo po wali homu yai. Augwaligo homugo dago te sę tagalama, tama dago te obo banis sę silisąmainu homu yali. Tiali goli, eno Godiba gedu haluasa po e tiwai wali, “God, te augwaligo wabo po tagalao. Eno homugo nago ena te sę ebode dąų walomainu ebao,” wali.

Bomai Po 34:9

Te tama tilama, nosali da, teda Godigo Nungo ogwa Josuabolo wiegi yai homu kolesaga me kolesaga dabe hauwa mu mani. Magi baso meni, Mosesgo aga hasegelama, bidimainogo sa muai baso. Tama te we bidigo Josuago po odama, tama augwaligo te bomai po dabe Genuai Bidigo Mosesgo nogode mani po wali pali.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Tigidali Nai Gagalama Nigali Side 50:21

Tialima, megi dage wi munu me elamuo. Te eno dage me, te dagego wai dabe dali, tonalueibao.” Josepgo te tobage wiegi yai po aga ama dedebolo menama, tama te pogo augwali homu bugagia tegaluali. Tama augwali wi munu me ma ebeo.

Tigidali Nai Gagalama Nigali Side 47:12

Agai te aga aya me, aga ama dede me, te augwa we wai puluba usu nama, te bidabo tubo nai mani.

Tigidali Nai Gagalama Nigali Side 45:11

Te nage te tǫ Gosenba bidagasobaso da, teda eno nage tonaluaibao. Te nasi yabo kibu be te a naga me elalubao, tama eno homugo nage, me nago we wai puluba, me kibu dabe dali, te nasigo dolidali homu eno hagela ebao.’ Ayabolo te po wao,” wali.

Tigidali Nai Gagalama Nigali Side 45:7

Tiali goli, Godigo te ena polasa tagala palali, te dage me isidali olama tama tiali. Tama Godigo bomonama, tama dage tau sobaso, dage hauwa te bidibo ula dali me bidaibao.

Tigidali Nai Gagalama Nigali Side 48:15

Tialima, agai augwali si mobo te tiwai mani, “Te eno wąį Abraham, me te eno aya Aisak, augwali si te God gedude bugagia bilali. Eno homugo te Godigo te e wai si dali dwagi yai sę emainao. Te Godigo ena bugagia tonaluyu, ena odasa asali, te megi ede ena bidibao, agai te augwali mobo momainao.

Tigidali Nai Gagalama Nigali Side 49:23

Te boi bidi dabego moni wąbi dobo mu hwįaibao. Augwaligo enesigigo aga pobeasa paibao.

Bomai Po 33:27

God Tigidali Sogo Bida Bida Pabo God dao, aga te dago duala sabo pesage dao. Tigidali sogo da aga nogogo tolaluyu, tama agai da me tagalobo menio. Dage te duga tǫ dabe sigi pabo sogo da, agai te boi bidi dabe sela sąwaibao. Tama dagebolo augwali sese elama, isila sila po walaibao.

2 Samuel 5:2

Polobadu, Sol te king bidali sogo, tialima naga digi te da Israel ami bidi dabe tonalu, tama augwali te hwįbo madiba odasa peyu yai. Tama Genuai Bidigo nageba weyu, te aga we bidi dabe da tonalubo bidi nage pedelama, tama nage dago king pedelaiba po wai dao,” augwaligo te po wai.

Godigo Nogi Ugwaba Sabo Tęąbi Po Wabo Buku Dabe 73:23

Tiali goli, ena nage dali sesemane bidibaso, tama nago ena nogo tolalubo dao.

Godigo Nogi Ugwaba Sabo Tęąbi Po Wabo Buku Dabe 132:1

Genuai Bidi, nago te Devit homu kone ebo me tagaligio, tama te tigidali sęgę agai bugagia tolali, te homu kone tagaligio.

Aisaia 49:26

Te eno nago boi bidi dabe augwa haside digi tomode hwįmainu yaibao. Te augwa hasi digi elebo sę umabo eyu, te bidi dabe te wain wę tulama, gęǫ page ebo tiwai yaibao. Tama te tǫde we bidi tigidaligo eno te ebo sę sulama, te augwa te tiwai koneaibao, ena naga ena te Genuai Bidi da homu yaibao. Ena te ena we bidi ma sabo God dao, te eno nage tudibadu posolalu, tonalu, te nage tau siyu ebao, ena te Jekopgo hanigo bomai God elalubo dao,” wali.

Josua 17:18

Te dagego te moni ni sili bulu du elalubo bulu te dagego sagameo. Mu tama, te genuai bulu elalubo, tiali goli te dagego penama, tama te tǫ tigidali saibao. Tede bidalubo Kenan dabego te bomo eyu, tama augwaligo te ain karis dabe elalubao, tiali goli te dagego augwali sela sąyu, ela gudulagameo,” Josuago te po wai.

Te Israel Tobolu Bidi Dabe 1:22

Tama tialima, te Josepgo hani pelama, te Betel hanude bidali we bidi dali boi hwįgi pali. Polobadu augwaligo te hanu nogi te tiwai nogi poali, te Lus wai. Tama Genuai Bidigo augwali tau sabo sę yali. Tialima, augwaligo te bidi meba tagala palama, te hanuba sa pali.

Te Israel me Juda Hani Sigo Tuni Bidigo Po Elalubo Buku Si 13:16

Tama Elisago agabolo e tama po ola mani, “Te enesigi selama, tama enainu tama te ene enesigi balibiba tulama dolaluao.” Tama te kingo tama tiali, tama te Elisago nogo te kingo nogo ugwadu dai badu agai nogo muani.