Tigidali Nai Gagalama Nigali Side 49:10 - Godigo dwagi yai po buku

¹⁰ Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Tigidali Nai Gagalama Nigali Side 49:10 Referans Kwoze

Israel Hanigo Namba 24:17

Eno te nosali yabo sę dabe naga suali, te sę megi pedalugobeo. Tama eno te Israel dabe bidibo suali. Te bidi me deli te bomo dali genuai nogi yai bidi te Israel hani dabego tuni bidi pedalaibao. Tama agai te Moap tobolu bidi dabe dali bomona mu hwįaibao, tama augwaligo tobolu dili aluaibao, tama agai te Setgo hani wąį dabego tobolu dili dolama tagalaibao.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Godigo Nogi Ugwaba Sabo Tęąbi Po Wabo Buku Dabe 60:7

Te Gileat tǫ pedaide bidibo we bidi me, te Manase hani dabe me, te eno bage dao. Te Efraim hani we bidi te eno kapago nigai tobolu madi tiwai elalubao, tama eno king te eno bage Judade munama, elalubao.

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.

Hibru 7:14

Dago hania koneai, dago Genuai Bidi aga te Juda hanide naga pedelai. Tama Mosesgo te hani augwali te pris hani bidaibao po me wabeo.

Sekaraia 10:11

Te eno augwali augwa page bulu muba ma odasa asaibao. Te Isip dabe me Asiria dabego te augwali asabo sunumi te moni ąį biksigo panibo tiwai ebaso da, teda eno augwali hani si aiyaba elalueibao. Te Isip dabego bomo menia selama, tama genuai pabo ąį Nail sula sabo tiwai yaibao. Tama eno te Asiria dabego genuai bomo aiyaba elalueibao.

Esekiel 21:27

Te dwai mu dolai elalubao! Te bidi dabego polobadu susąwani kolesagade, te Jerusalem mu dolaibao. E bulu pesage olo tama elalubadi, te bidi me deli asobo sogoba usu naibao. Eno te bidi sa munama, agai te Jerusalem tonalumainogo, eno te taun agabolo mawaibao,” wali.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Polgo Po Pas Rom Dabeba Asęani 15:12

Tama te Juda hani isąwai bagede te polobadu Godigo po pusali bidi Aisaiago me te po wai, “Te gelali ni pedalide te ni koliama holobo tiwai gilama tama te bidi me deli te Jesigo hanide pedalaibao. Tama te bidi Godigo te gasa hani we bidi tonalubo bidi nigilaibao. Tama nigilama, tama augwaligo agade augwa homu tialuama, tama dwagi yai homu eyu, agai augwalibolo nosali yabo sę ebo tonaluaibao,” te Godigo po polobadu pusali bidi Aisaiago te po asęani.

Dwagi Yai Gesi Po Jongo Asęani 12:32

Nosali augwaligo ena ni pedaide ugwaba selama, elaibao. Tama te sę ebo sogo eno tigidali tǫde we bidi ena pageba gegasa asaibao,” Jisasgo te po wai.

Sekaraia 2:11

“Tama te sogo kantri hauwa we bidi augwali Genuai Bidiba aselama, tama augwali eno we bidi bidaibao. Tama ena dage tomode bidaibao, tama dagego koneaibao, ena aga digi dage tomoba taga palama, dage tomode bidibo koneaibao.

Jeremaia 30:21

Te augwa bidi dabe digi me deli te augwa tobolu bidi pedelama, te augwa tonalueibao. Ena Genuai Bidi, eno te po obao, te ena digi eno te bidi ena pageba oda saibao. Magi baso meni, te bidi dabe augwa homugo digi te ena pąba asobo usu egobeo.

Aisaia 11:10

Tama te sogo Genuai Bidigo gesi tuni bidi me sa muaibao, te Jesigo hani bidi me deli dao. Agai te tigidali we bidi deliba ma sisinabo dąį tiwai bidaibao. Augwali te tigidali tǫ pedai kantri tedu augwali agaba asaibao, te Israel hani isąwai bage. Tama agai hanu da, genuai nogi mu elaluaibao.

Dwagi Yai Gesi Po Jongo Asęani 19:15

Te augwaligo po dagą weyu, te po wai, “Te bidi sela sąyao, te bidi sela sąyao,” tama po wai, “Te bidi ni pedaide elao,” te po wai. Pailat tuni bidigo augwali Juda bage dali te po wai, “Dagego homugo eno duga tuni bidi ni pedaide elao, te homu ebawe?” Te pris hani tobolu bidi dabe augwaligo po wei ponoyu, te po wai, “Dago tuni bidi me menio, te dago tuni bidi te Sisar deli tama dao,” te bidi dabego tama po wai.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Aisaia 62:11

Nage Jerusalem, nago te tiwai koneao, Genuai Bidigo te tigidali tǫde we bidiba weyu, nageba te po pusumainogo yali, “Saion, suao. Te nago we bidi dabe ma sabo bidi, aga asobao. Suao. Te agai aga we bidi dabe odasa asu, te aga te boi hwįnama, te wiegi yai nai sali tiwai yali dao,” te po wao.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Aisaia 60:1

Genuai Bidigo te po wali, “Jerusalem, nage hogodama, te giliga nanobo ula tiwai yao, magi baso meni, megi eno genuai ula me bomo, Genuai Bidigo ula te nage daide ugwadu yaibao.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Godigo Nogi Ugwaba Sabo Tęąbi Po Wabo Buku Dabe 108:8

Gileat dali Manase, te eno dao. Efraim te eno kapago nigai tobolu madi tiwai gagawali. Tama Juda te king bidigo wiegi yai dono tiwai dao.

Israel Hanigo Namba 21:18

Te tuni bidi dabe, me tobolu bidi dabe, augwaligo te tobolu bidigo dono me biliyu, sabilibo dono me nogo tolasali, tama augwaligo te ulu wę digawali.” Tama nosali te Israel dabe augwaligo te nai meni yai bulu taga pelama, augwali te bulu Matanaba pali.

Matyu 25:32

Tama tigidali tǫde bidibo we bidi hani augwali aga gesabidiba sisinaibao. Tama agai augwali dobolama, tama hani si bugulama muaibao, tama te sipsip me meme tonalubo bidigo te sipsip hani tedaliba muyu, te meme hani tedaliba mubo gilama tiwai yaibao.

Matyu 21:9

Tama te bidi Jisas tomoba ilama peyu, tama we bidi meba augwali polasa pabo bage dali, nosali asobo we bidi dali augwaligo bomo elama i weyu, te Jisasgo nogi ugwaba siyu, te po wai, “Dago nage dali dwagi yai homu pemene ebao, te nage Devitgo hani bidi dao. Godigo nage dali dwagi yai sę yao, te nage te Genuai Bidigo nogide asali bidi dao. Dagalude bidibo bage me augwaligo aga nogi ugwaba sao.”

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Hagai 2:7

“Tama eno te tigidali bulude bidibo gavman bidi dabe augwali me midigi saibao,” wali. “Tama te we bidi dabe augwaligo te umabo mone me te doado bage me selama, tama augwaligo te bidibo madigi pesageba selasa aselama, tama te eno beba pągąnagasaibao.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Esekiel 19:14

Isi te ni pedelama, te ni nologo tigidali dobadi, te ni wai du dabe me dalio. Tama te bomai nologo me elalusiąwai, te kingo tolasa bilibo dono tiwai pedelabo ni nologo tiwai me pedalubeo. E po da, te homu dene ebo balia po da. Te balia po augwaligo hauwa sogo odu geaibao,” wali.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Dwagi Yai Gesi Po Jongo Asęani 19:12

Te Pailat agai Jisasgo te po odolama, tama agai Jisas olo tagala palabo tų gegai yai. Tiali goli te Juda bage augwaligo bomo elama po dagą weyu, te po wai, “Niwai bidi aga digi ‘Ena tuni bidi da’ weyu da, te bidi agai te Rom gavman tuni bidi Sisar dali boi bidi dao. Tama e bidi Jisas agai te tobage po wai dao. Tama tibaso, nago te bidi Jisas olo tagala palu da, te nage te Rom gavman tuni bidi Sisargo abagi menio, boi bidi tiwai bidaibao,” Juda bagego Pailat dali te po wai.

Dwagi Yai Gesi Po Jongo Asęani 18:31

Tama Pailatgo augwalibolo te po wai, “Duga digi Jisas aga selama, tama duga bomo yai po usu gilama, tama duga digi aga po tų ela mao,” te Pailatgo Juda bidi dabe dali te po wai. Tama Juda bagego Pailatbolo te po wai, “Woo, dage Rom gavman bidi dabego te bomo yai po dabolo mawai, te po wai, ‘Dage Juda bagego po tų eyu da, te dwai sę yali bidi dagego elegio. Da Rom dabego naga te dwai sę yali bidi ela mubo sę ebo dao,’ dagego da Juda bagebolo te po wai dao. Tama tibaso, dago e bidi nage pageba sisali, te aga isimainogo yali,” augwaligo te po wai.

Esekiel 19:11

Te ni nologo dabe boma pelama, tama augwaligo te nologogo te kingo tolasa bilibo dono nigibaso, usu yaibao. Te ni bobage mu holama, te pąde dagalu diągulainu yali. Tigidali we bidigo suali, aga bobage mu holali, te nologo me yabe hauwa elaluai dao.

Dwagi Yai Gesi Po Jongo Asęani 9:7

Tama agai te bidibolo te po wai, “Nage wę ge ąį nogi Siloam te ąį paugi pao,” wai. (Te wę ge ąį nogi Siloam, te nogi begelama, te po wai, bidi tagala palai.) Jisas agai te po obaso, te bidi pelama, ąį paugi pai. Tama aga ma asai. Tialima, te bidi aga gedu megi tama mu tonobo usu yalio.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Israel Hanigo Namba 24:19

Tama te Israel dabego te boi bidi dabe agalama, tama augwali mu dolaibao, tama augwali deli me bidigobeo,” wali.

2 Samuel 7:13

Te kingo naga te eno be sę emainu yaibao, te eno we bidi dabe augwali ena pąba asomainu emainao. Tama te eno aga hani bidi dabede naga te sesemane bidada pabo sogo king bidi pedalumainu ilaibao.

2 Samuel 7:16

Te nago hani da, te me sia sogobeo. Tama eno te nago hani bidi dabede te king sesemane sogo pedalumainu ilaibao,’ nago te po Devitbolo pusigi pao,” God Genuai Bidigo te po Natanbolo wali.

Tuni Bidi Dabego Po Elalubo Buku Deli 12:24

Te Juda hani ami bidi dabe bidi sese umabo te 6,800 ami bidi bidali, te augwa boi hwįbo sabele dabe me te bobage sesemone ene dali sesalio.

Tuni Bidi Dabego Po Elalubo Buku Deli 12:39

Te bidi dabe augwali Devit dali te Hebronde bidali. Te augwa abagi dabego augwali nai hauwa sisi ilali, tama augwa genuai nai daa sela sogo usu nama tuai dao.

Godigo Nogi Ugwaba Sabo Tęąbi Po Wabo Buku Dabe 60:9

God, dego ena te Idomba odasa pogowe? Tama dego ena te bomai obo elalubo taunba odasa pogowe?

Godigo Nogi Ugwaba Sabo Tęąbi Po Wabo Buku Dabe 78:68

Agai te Juda hani bage dali, te Saion bulu dali sa muani, te bulu du te agai wei mu ebo bulu dao.

Aisaia 55:3

“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

Esekiel 21:32

Tama dage te isigo sia ulama, te dela silibo tiwai yaibao. Dagego kaneme te duga tǫde digi gelaibao. Te mena bidi deligo dage homu kone ma palogobeo. Ena Genuai Bidi, eno te po wai dao,” te po wali.

Maika 5:1

Dage Jerusalem dabe, hodaluao, te tigidali ami selama, sisinagasao. Te boi bidi dabego da bagua salio. Augwaligo te Israel tuni bidi nabogede te donogo eliyu, aga te genuai hale ebo ilaibao.