Tigidali Nai Gagalama Nigali Side 49:1 - Godigo dwagi yai po buku

¹ Te Jekopgo aga ogomani tigidali i olama, tama aga pibo sai bet sesegede duagulama, tama agai augwalibolo te po wali, “Dage hodobo sisinagaselama, tama eno dagebolo nosali pedelabo nai po waibao.

Tigidali Nai Gagalama Nigali Side 49:1 Referans Kwoze

Israel Hanigo Namba 24:14

Tama Balamgo Balak dali po genina ma weyu, te po wali, “Megi ena ena we bidiba ma paibao. Tiali goli, eno nagebolo te Israel dabego nago we bidi dali nosali yabo sę po nagebolo pusaibao.”

Daniel 10:14

Ena nageba te po wagasiyu asali, te nago we bidiba te tigidali nai sibi sia sabo sogo te pąde te sę pedelaiba po wagasalio. Nago suali, meba nai te sogo pedelali, tiali goli megi eno nageba te gasa sę nosali pedelabo po ola magasali,” agai te po wai.

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Bomai Po 4:30

Tiali goli, dage genuai sęgę tomode bidibo sogo da, me te dwai nai dabe dageba pedalobo sogo me, teda dage homu begelama, ma geasa asama, Genuai Bidigo po wali paibao.

Kraisgo Geme Dualali Sę Pedelabo Po Jonbolo Ola Mani 4:1

Te bidigo enabolo te po wabo silama, tama eno te gasa na tiwai eyu tama eno suali, dagalude tų me deli dalaluai. Tama te pedauwalidu polobadu eno odali agai po enabolo mayu te genuai yadogoli tiwai naigo te bu wabo tiwai eyu, tama agai te po wali, “Nage edaba holao, tama eno nagebolo te nosali pedalabo sę tigidali ola mawaibao.”

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Godigo Nogi Ugwaba Sabo Tęąbi Po Wabo Buku Dabe 105:15

Agai te po wali, “Eno te we bidi augwali dąį muai, augwaligo eno sę emainogo. Dagego dwai sę augwali dali me elamo dao,” wai. “Tama dagego eno po pusubo bidi augwali dologio. Mu menio,” wai.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Bomai Po 31:12

Te bidi, me we, me wai, me gasa bulu bidi dagego hanude bidalubo sese tama i olama, tama dage sese tama aselama, te po odagameo. Augwaligo odama, tama Genuai Bidi dago God wi eyu, aga dologode bidimainao, tama agai tigidali bomai po bugagia wali pomainogo tama tiao.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Polgo Si Wali Pas Timotiba Asęani - 2TI 3:1

Timoti, nago te tiwai tama koneao: te tǫ de dagalu si silibo sogo te pąba yagasobo si te dwai sę ebo bidi dabe augwaligo dwai sę hauwa ebaso, te Godigo po odobo we bidiba te dwai sęgo kekainu sinabo sogo pedelaibao.

2 Timoti 4:1

Godigo Tedali Mobo Bidigo hanilama te po wai: nosali sogo bidi meba augwaligo te Kraisde konealubo po tagalaibao wali. Te augwaligo te tibo po wabo dwai haubo noma bidi dabego ola mabo po odama, tama augwaligo te dwai haubo noma bidigo po wali paibao.

Godigo Sęba Tagala Palai Bidigo Po 2:17

‘Te Godigo te po wai, “Te e si sia sainu ebadi yaide, eno ena Mobo Bidi tigidali we bidibolo olo mu mawaibao. Tama menama, dagego ogwa dabe, wegi dabe augwaligo eno po pusa mawaibao. Tama eno duga gesi bidi dabebolo me me gasagi yai na dabe ola mawaibao, te monu dabe augwalibolo me.

Dwagi Yai Gesi Po Lukgo Asęani 2:26

“Te Genuai Bidigo we bidi tau somainu sa muani bidi Krais sulama, nage isaibao,” te po wali.

Maika 4:1

Te me sogo si deli te nosali pedalubo side te bulu du, te Genuai Bidigo be elaluali madi, te daide mu elalu, te gasa bulu du tigidali aiyaba elalueibao wai. Tama we bidi hani hauwa teba sisinagasaibao.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Daniel 10:1

Te sela wabo kibu bede te Sairus te Persia king bidali side, Godigo po me deli te Danielba mawai, agai gasa nogi te Beltesasar dao. Tama te genuai dwai sogo mu pedelaibao wali, te mu po dao. Te po te na ebo tiwai agaba pedelali, tama agai te na suali sogo, agai te po page koneai.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Aisaia 53:1

Te Israel hani we bidi dabego te tiwai po wai, “Dego te megi dago odali pode konealubo homu dąų waibawe? Tama dego Genuai Bidigo te megi yali bomai sę tiwai ebo suai dawe?

Aisaia 39:6

Genuai Bidigo te po wali, te nosali sogo me sogo deli pedalubo si da, te Babilon dabe aselama, te kingo bede munalubo nai doado bage, te naga bulai wąį dabego te bakstuaba sisinama muani nai saibao. Te nai me deli te augwaligo me sula tagalogobeo. Mu menio. Augwaligo te tigidali nai doado bage Babilonba selasa paibao.

Aisaia 22:14

Tigidali Bomo Elalubo Genuai Bidi aga digi ena pageba mu aselama, eno olode te po mu tama walio, “Eno dagego te dwai sęgę gegeda sągobeo, te dage isiboba usu nigi paibao,” wali. Te da, te Godigo po dao, Tigidali Bomo Elalubo Genuai Bidigo po.

Hibru 13:1

Dage Godigo po wali pabo we bidi, sesemane sogo dagego duga hasi duga ama dede dali dwagi yai homu eyu godolo iduao.

Aisaia 48:14

“Dage tigidali, dage sisinagaselama, eno po odao. Te tibo god me deligo dageba te tiwai po me pusai menio, ‘Te Genuai Bidigo godolo homu mu ebo bidi te aselama, te Genuai Bidigo sę yagasu, te Babilonba hwįaibao. Te aga bomogo digi, Genuai Bidigo te Babilon dabe aiyaba elaluaibao,’ te tibo god me deligo te po wabe.