Tigidali Nai Gagalama Nigali Side 48:7 - Godigo dwagi yai po buku

⁷ Eno te kolesaga yali, magi baso meni, polobadu te naga ida Resel te ena te Mesopotemiadu ma asobadi, te aga isali. Tama tede ena moni homu dene genuai mu yai. Aga te Kenan tǫde isali, te da te bulu Efratade te dwasianu digibulu gana bidibadi tiali. Eno aga te Efrataba pabo sunumi sesegede pubulai,” wali. Efrata te Betlehem bulu dao.

Tigidali Nai Gagalama Nigali Side 48:7 Referans Kwoze

Matyu 2:18

“Augwaligo po me deli te Rama hanude odali. Augwaligo te genuai gela wabo me te hobede yabo i wabo me odali. Te we Resel aga wai dabe hagede gela obao, tama te we bidi augwaligo aga homu wiegi yai me ilibo usu ebe. Magi baso meni. Aga wai dabe augwali tigidali isalio.”

Tigidali Nai Gagalama Nigali Side 35:9

Te Jekop te Mesopotemiade bidali ma asobo sogode, God te agaba ma pedelama, tama agaba dwagi yai sę pedelabo po te agabolo mawai.

Maika 5:2

Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

1 Samuel 17:12

Te Devitgo hani sibi te tiwai dao. Devit te Jesigo ogwa dao. Tama Jesi te Efrata bulu bidi, tama te Betlehem bulu te Juda hanigo tǫde bidai. Jesigo ogwa te a naga olama, meba sela elalubo sogo te Sol king pedelali, Jesi te monu dabe yai mu bidai.

1 Samuel 10:2

Te nago ena taga peyu pabo sogo, te nage te Benjamingo bulu tǫ te Selsa buluba sabolaibao. Tama nago te ola be masigi te Resel muani masigi pąde, te bidi si te nago augwali si gesabidi deli sisinaibao. Tama augwali sigo nagebolo te tiwai po waibao, ‘Te nago gegali donki dabe, te augwaligo gegelama, sulama, tama nago ayago te donki dabede te homu godolo menisąwai. Megi agai te nagede homu kone palu, tama hanalubo sę te tiwai ebao, eno mena tama tilama, te eno ogwa gegegowe?’ Te bidi sigo nagebolo te po waibao,” Samuelgo Solbolo te po wali.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.

Rutgo Po Elalubo Buku 1:2

Te bidi aga nogi Elimelek, tama aga we nogi Naomi. Aga ogwa si nogi e dao, Malon me Kilion. Augwali te Efrata hani, tama te hanigo bulu te Betlehem, te genuai tǫ hani Juda. Tama augwali pelama, te Moap tǫ pedaiba bidigi palio.

Tigidali Nai Gagalama Nigali Side 25:20

Aisakgo te Rebeka sali sogo te aga kibu be bidi sese si 40 elaluai. Rebeka te Betuelgo wegi da, aga te Aram bulu bidi me deli, te Mesopotemia pedai badu elaluai. Tama Rebeka te Labango abe, aga te Aram bidi me deli dao.

Tigidali Nai Gagalama Nigali Side 33:18

Jekop te Mesopotemiadu ma begasa asali, tama aga Sekemgo hanuba, te Kenan tǫ pedaiba bugagia nosali sabolai. Tama aga ugwa be dabe te hanu pąde sę yani.

Tigidali Nai Gagalama Nigali Side 35:20

Tama Jekopgo aga pubulali gų page homugo konealumainu tama masigi me deli dodolali. Tama te Reselgo dąį ilali te megi me elalubo dao.

Tigidali Nai Gagalama Nigali Side 48:6

Tiali goli, te nago wego nosali ame nabo wai dabe, te augwali naga wai mu yaibao. Tama nosali te deli deli haniba tǫ dobabo sogo, te nago nosali ame nabo wai dabe te Efraim dali Manase dali sigo hanide te augwaligo tǫ sa munama, saibao.

1 Samuel 16:4

Tialima, Samuelgo te Genuai Bidigo po odama, tama hogodama, te Betlehemba pai. Aga sabaligi pabode, te taunde bidali tobolu bidi dabego te aga dali deliba gesabidi ununani. Augwali wi elama, dwai noma siyu, tama agabolo te po wali, “Haniani po page konebo bidi, magi yaliwe? Nage asali, te da wiegi yai bugagia ilagasu asaliwe, ma meniwe?” wali.