Tigidali Nai Gagalama Nigali Side 48:5 - Godigo dwagi yai po buku

⁵ Ena nage bidibo digi te Isipba asisąbadi, tama nago wego ogwa si ame nani. Te megi eno homugo te ogwa si te eno ogwa si mu tiwai bidimainogo ebao. Efraim me Manase te ena ogwa mu si, te Ruben me Simeon te tiwai si dao.

Tigidali Nai Gagalama Nigali Side 48:5 Referans Kwoze

Tigidali Nai Gagalama Nigali Side 46:20

Josepgo we Asenat te Isipde selama, tama ogwa si ame nani, Manase me Efraim. Asenat te Heliopolis bulu pris bidi Potiferago wegi dao.

2 Korin 6:18

Tama ena dagego Aya bidiyu, tama dage eno wai ogwa me wegi me bidaibao, Genuai Bidi tigidali bomo page bidi, agai te po wai dao.”

Josua 13:7

Tialima, megi da, te tǫ te Israel hani a naga me si me si dabebolo, me te Manasego hani me badubolo me, te tǫ dobolama, teda augwaligo te augwa tǫ mu tiwai selama, bidimainogo obao,” Genuai Bidigo te Josuabolo te po wai.

Efesus 1:5

Tama God agai da dali wiegi yai homu eyu, da godolo mu ebaso, tama agai polobadu digi te agai da sa muyu, da te Jisas Kraisgo yali sęgo da ma selama, tama da God aga wai puluba bidimainogo yai dao. Tama te sę God aga homugo digi da godolo eyu tiwai dao.

Malakai 3:17

Tialima, te Tigidali Bomo Elalubo Genuai Bidigo te po wali, “Te hani dabe te ena hani naga bidaibao. Te genuai side bodolu eno muani, te hani dabe te eno we bidi mu bidaibao, te eno godolo ebo hani mu dao. Tama homu dene eyu, eno augwaliba te olo tau sabo wiegi yai kolesaga eyu, te aya me deligo te wai dabego ayago sę ebaso, te olo tau mabo wiegi yai kolesaga ebo tiwai yaibao.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Israel Hanigo Namba 1:10

Tama te Josepgo wąį hanide da, te Efraim hanide da, nago te Amihutgo ogwa Elisama sagameo. Tama te Manase hanide da, nago te Pedasurgo ogwa Gamaliel sagameo.

Pris Sę Ebo Bomai Po 20:26

Dagego te dwai kolesaga dabe tagalama, te wiegi yai tedali mu bidiyu, te eno wiegi yai doloba pai kolesaga naga wali pao, magi baso meni, ena digi ena tedali wiegi yai elaluyu, te eno kolesaga tigidali te wiegi yai doloba pai mu elalubao. Te ena Genuai Bidi, eno dage te gasa hani bage tomode sali, te dage ena bage naga elalubao.

Hibru 11:21

Te nosali Jekop me agai Godiba konealubo po dąų olama tama agade tią peyu bidibaso, tama aga pąde isainogo ebo sogo, agai te aga ogwa Josepgo ogwa side dwagi yai po wai. “Godigo augwali si dali wiegi yai sę yaibao,” te po wai. Tama te sogo aga te aga donoba tigulama, tama Godibolo lotu po wai.

Tigidali Nai Gagalama Nigali Side 48:1

Te meba sogo bidama nosali, augwaligo Josepbolo te po wali, “Nago aya gasi elalubao,” wai. Tama Josepgo aga ogwa si, Manase me Efraim si oda sobadi, tama augwali pelama, aga aya sugi pali.

Tigidali Nai Gagalama Nigali Side 48:6

Tiali goli, te nago wego nosali ame nabo wai dabe, te augwali naga wai mu yaibao. Tama nosali te deli deli haniba tǫ dobabo sogo, te nago nosali ame nabo wai dabe te Efraim dali Manase dali sigo hanide te augwaligo tǫ sa munama, saibao.

Esekiel 47:13

God Genuai Bidigo e tama po wali, “Eno dage Israel dabego wąį dabe dali bomai po mu dąų walai dao. Te eno dagebolo te Israel tǫ dagebolo menama, tama te tǫ dagego tǫ tigidali sogo elaluaibao. Dagego te tǫ dage Israel hani nogo si olama, sągą me badu si haniba dobola siąo. Tigidali wąį hanigo te tǫ pedai deli badu siyu yaibao. Tiali goli, Josepgo hanigo da, te tǫ pedai si badu saibao. Te tǫ dąį da, e tama dao,” wali.

Godigo Nogi Ugwaba Sabo Tęąbi Po Wabo Buku Dabe 77:16

God, te polobadu te wę dabego nage sulama, augwali wi mu yali, tama te aiyadu mu elaluali tamu ąį me te gęǫ yai dao.