Tigidali Nai Gagalama Nigali Side 48:14 - Godigo dwagi yai po buku

¹⁴ Tiali goli, te Jekopgo nogo hasegelama, dolo nogo dali pobase nogo dali si agabe selama muyu, tama agai dolo nogo te Efraim toboluba muani, aga te sabi ogwa bidi tama. Tama agai pobase nogo te Manase toboluba muani, aga te gomunai ogwa dao.

Tigidali Nai Gagalama Nigali Side 48:14 Referans Kwoze

Tigidali Nai Gagalama Nigali Side 41:51

Tialima, Josepgo te po wai, “Godigo ena tau selama, tama te eno sali sęgę, me te eno aya ida, ama dede, augwalide homu dene ebo, te eno homugo gegeda palai.” Tama tibaso, agai te aga gomunai ogwa nogi te Manase nogi poai.

2 Timoti 5:22

Tama me nago te bidi me deli polo selama, tama aga bugagia osola susiąbadi, tama nago nogo aga toboluba muyu, tama aga te Godigo we bidi tonaluabo tobolu bidi nigilamuo. Magi baso meni. Te nago aga polo te tobolu bidi nigilama tama agai dwai sę eyu da, teda nago aga te dwai sę ebo tau sali tiwai waibao. Tama idali weyu, dua dao. Nago te naga digi bugagia tonaluyu, tama dwai sę me deli isiąwai bidi bidao.

2 Timoti 4:14

Polobadu te Godigo po pusubo bidi augwaligo nago nosali yabo sęde mu yabo po weyu, tama te monu dabe tobolu bidi augwaligo augwa nogo nago toboluba muani. Tama te sogo Godigo nago sę yabo bomo dali, homu kolesaga dali nagebolo olo manio. Te mani nai tagaligio. Te mani bomogo me, te homu kolesagago me nago naga sę yao.

Godigo Sęba Tagala Palai Bidigo Po 13:3

Tama te po odama, augwaligo nai ma osogo tagalama, God dali po olama, augwa nogo tega si toboluba mubadi, augwali sigo te yabo tedali sęde sa muani. Tama tilama, tega si te sęba tagala palali.

Godigo Sęba Tagala Palai Bidigo Po 6:6

Tama te Jisas wali pabo we bidigo te bidi a naga olama, me badu nogo si te Jisasgo tagala palai bidi dabego gesabide dodolalugi pali. Tiliama, Jisasgo tagala palai bidi dabego augwaligo nogo te bage tobolude munama, Godibolo po wai, agai augwaligo ebo sę tau somai hagede.

Dwagi Yai Gesi Po Lukgo Asęani 13:13

Te Jisas agai nogo si te tudi basia selama te sugą sali wego tigide mubaso, tama polo tama te we tudi debela palu bugagia dolugulualio. Tama te wego Godigo nogi ugaba sali.

Dwagi Yai Gesi Po Lukgo Asęani 4:40

Te giliga ge aba degasaide, te gasi yali bidi aga abagi dedego augwali Jisas aga pageba odasa aselawali. Tama agai nogo te gasi we bidi dononama, mumuna bilali. Tama augwali tigidali ma gesa pali.

Matyu 19:15

Tama agai nogo augwali tobolude munama, bugagia bidabo mobo mabo po wai. Tama nosali aga te bulude bidali tagalama, gasaba pai.

Matyu 19:13

Te sogo te we bidi augwaligo te dwasianu wai puluba meba te Jisas agaba odasa asai. Augwaligo agabolo te po wainogo te nago nogo te e wai puluba tobolude munama, bugagia bidimainogo gedu haluasa po wao. Tiali goli te Jisas wali pabo bagego te bidi dabego te po wainogo asobo sulama, tama te we bidibolo wado po weyu, te sę ebo tagalao te po wai.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Matyu 6:5

“Tama dagego gedu haluasa po wabo sogo, dagego te ugwadu homugo naga po wabo bidi dabe augwaligo ebo kolesaga tiwai egimio. Augwaligo te bomo yai po ola mabo be tomode dolaluyu, gedu haluasa po wabo godolo eyu, me te genuai pabo tų bagu badu me, te we bidi dabego augwali sulama, tama augwali nogi ugwaba somainogo tiwai ebo dao. Eno mu po dagebolo obao, augwaligo te tobage sę elama, tama we bidigo augwaligo nogi ugwaba sai goli, te tama dao, te Godigo te sę ebode augwalibolo wiegi yai nai mu me magobeo.

Godigo Nogi Ugwaba Sabo Tęąbi Po Wabo Buku Dabe 118:16

“Genuai Bidigo genuai bomogo da tau selama, tama dago te boi bidi dabego bomo aiyaba elaluai dao,” wali.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Bomai Po 34:9

Te tama tilama, nosali da, teda Godigo Nungo ogwa Josuabolo wiegi yai homu kolesaga me kolesaga dabe hauwa mu mani. Magi baso meni, Mosesgo aga hasegelama, bidimainogo sa muai baso. Tama te we bidigo Josuago po odama, tama augwaligo te bomai po dabe Genuai Bidigo Mosesgo nogode mani po wali pali.

Israel Hanigo Namba 8:18

Tama tialima, megi da, eno te Livai dabe sobao, te Israel dabe dagego gomunai ogwa dabe hasegelama salio.

Israel Hanigo Namba 8:10

Tama te Livai dabe eno gedude dolalubadi da, te Israel dabe dagego augwaligo toboluba nogo muiąo.

Ma Dobola Sali 15:6

“Genuai Bidi, nago dolo nogogo bomo genuai elalubao, tama agai te boi bidi ągąlama, tama augwali mu mia sąwai.

Tigidali Nai Gagalama Nigali Side 48:18

Tama agai te tiwai po aga ayabolo wali, “Aya, nago te yali sę dolo ebeo,” wali. “Te e ogwa da, aga te gomunai ogwa dao. Te nago dolo nogo aga toboluba mugi sogo da, te usu igi dao,” te po wai.

Tigidali Nai Gagalama Nigali Side 46:20

Josepgo we Asenat te Isipde selama, tama ogwa si ame nani, Manase me Efraim. Asenat te Heliopolis bulu pris bidi Potiferago wegi dao.

Tigidali Nai Gagalama Nigali Side 41:52

Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Tigidali Nai Gagalama Nigali Side 48:13

Josepgo augwali si nogo tola sali. Te dolo nogo badu Josepgo te Efraim nogogo tuali, te Jekopgo aga pobase nogo badu tumainu yali. Tama pobase nogogo te Josepgo Manase nogo tuali, te aga Jekopgo dolo nogo badu tumainu yali, tama agai augwali si te Jekop pageba odasa pali.

Tigidali Nai Gagalama Nigali Side 48:17

Te Josepgo suali, te aga ayago dolo nogo te Efraimgo toboluba mubaso, te agai hagela homu yali. Tama agai aga ayago nogo te Efraimgo toboluba mubo te sela sąnama, tama te Manasego toboluba muainu yali.

Israel Hanigo Namba 2:18

“Te giliga dega sabo badu te bidi hani sela te Efraim wąį hanigo plak pąde sisinalubo, tama te bage augwali te augwa hani tobolu bidi dologode naga bidimainao. Te Efraim hanigo tobolu bidi te Amihutgo ogwa Elisama dao. Te Efraim hani bidi te 40,500 bidi tama bidibao. Te Manase hanigo tobolu bidi te Pedasurgo ogwa Gamaliel dao. Te Manase hani bidi te 32,200 bidi dabe tama bidibao. Tama augwali te Efraim hani bogo badude bidaibao. Te Benjamin hanigo tobolu bidi da, te Gideongo ogwa Abidan dao. Te Benjamin hani bidi te 35,400 bidi dabe tama bidibao. Tama augwali te Manase hani bogo badude bidaibao. Te bidi hani selago nedali bidi namba deliba taluyu, te 108,100 bidi dabe tama elalubao. Tama te gasaba pabo sogo da, te bidi hani sela te Livai dabe wali nosali tama peyu yao.”