Tigidali Nai Gagalama Nigali Side 48:12 - Godigo dwagi yai po buku

¹² Tama Josepgo te aga ogwa si te Jekopgo sągą pagede bidali te ma dobola siyu, tama agai Jekop gedude te agai gesabidi te tǫba basi gulali.

Tigidali Nai Gagalama Nigali Side 48:12 Referans Kwoze

Tigidali Nai Gagalama Nigali Side 42:6

Te Josep aga te polalubo gavman bidi te Isipde bidali, tama tigidali Isip tǫ badu bidalubo bidi dabe te aga bidibo digi pelama, tama te wit abeligi pai. Tama te Josepgo ama dede te aga bidibo madi sabolama, tama augwali te aga gedude kidu sugunama, tama augwali te gesabidi te tǫba basi gulali.

Efesus 6:1

Dage wai dabe dagego te Genuai Bidigo po wali pobaso, te ida ayago wabo po wali pao. Te tama tebo kolesaga te dolo dao.

Bugagia Bidibo Kolesagade Po Asęai Buku 31:28

Te wego wai dabego te we bidi dabego gesabidide augwa idago ebo kolesagade dwagi yai po wabo dao. Tama aga bidigo me aga nogi ugwaba mu siyu, tama po wali,

Te Israel me Juda Hani Sigo Tuni Bidigo Po Elalubo Buku Si 4:37

Awe, tama te wego kidu sugunama, tama aga tobolu te Elisago sągą page pąde te tǫba te wego tobolu tǫba ponani, tama te Elisabolo genuai nogi mawainu te sę yai, tama nosali aga hodaluama, tama aga wai selasa pai.

Te Israel me Juda Hani Sigo Tuni Bidigo Po Elalubo Buku Deli 2:19

Batseba pelama, te king Solomon sugi pelama, te agaba hanaluyu, te Abisak te Adoniyago sabo po hanalugi pai. Kingo te Batseba asobo sulama, tama aga dolugulama, tama kidu sugunu gulama, tama tobolu basi gulama, te aga idaba genuai nogi mayu te tama tiali. Tama aga te king dulalubo sia saiba ma duagulama, tama te sę bidi dabeba weyu, te augwaligo sia sai me deli sela asao olama, tama aga te king dugulalubo sia sai pąde te aga dolo nogo badu munama, tama Batseba te sia saiba duagulali.

Pris Sę Ebo Bomai Po 19:32

“Dage te monu dabe dologoba pelama, augwaligo po wali peyu, te augwaliba wiegi yai sę yao. Te dage ena dologoba aselama bidao, te dagego God dao. Ena Genuai Bidi, eno te po wai dao,” wali.

Pris Sę Ebo Bomai Po 19:3

Dage deli deligo duga ida aya dologode bidu, te augwaligo po wali pao. Dagego te olo toma nabo sogo, te Sabat side, sę me igio, dage olo toma naga tuyu, bidao. Ena Genuai Bidi, ena duga God, eno te po wai dao,” wali.

Ma Dobola Sali 34:8

Tama Godigo po ola silibo si, tama polo Moses te tǫba degasa dulama, tama Godibolo lotu po wai dao.

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

Tigidali Nai Gagalama Nigali Side 33:3

Jekop digi aga hani asobadi, te aga polasa pali. Tama agai kidu tǫba susugunu pidubadi geani, te nogo a naga olama, me badu si sogo te usu nigi peyu, te aga ama pageba pedelali.

Tigidali Nai Gagalama Nigali Side 23:7

Tama Abraham dolalu, tama aga tobolu te bulu page we bidi gesabiba aga tobolu aiyaba basi gulai.

Tigidali Nai Gagalama Nigali Side 19:1

Te bidi Lot te we bidi sisinibo pesagede te Sodom hanu genuai sunumi elalubo madigi bididuai, tama piode te mobo bidi ensel si teba pedelai. Lotgo te bidi si asobo sulama, tama aga hogodama, augwali si pąba pai. Aga te bogoli sugunu pogiluama, tama aga gesabidi te tǫba mu pogulama,

Tigidali Nai Gagalama Nigali Side 18:2

Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

Tigidali Nai Gagalama Nigali Side 48:11

Te Jekopgo Josepbolo te po wali, “Polobadu eno homugo te eno nage ma sugobe da, te homu yali. Tiali goli, megi Godigo ena gogoliyu, sula tagalubaso, tama eno nage me, te naga ogwa si dali, te eno megi dage suali,” wali.

Tigidali Nai Gagalama Nigali Side 48:13

Josepgo augwali si nogo tola sali. Te dolo nogo badu Josepgo te Efraim nogogo tuali, te Jekopgo aga pobase nogo badu tumainu yali. Tama pobase nogogo te Josepgo Manase nogo tuali, te aga Jekopgo dolo nogo badu tumainu yali, tama agai augwali si te Jekop pageba odasa pali.